#مـتـاهـة_ديـهـيـا (جـنـتـي الـمـلـتـهـبـة)

الجزء الأول

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#ممنوع_النقل_بدون_إذني
#الجزء_الأول
اليوم الجمعة ناس في ديارهم وانا متجرجرة في لاسيتي البنات للكل روحو بقينا غير حنا البعاد طاج لي فيه شمبرتي فارغ بقيت فيه غير انا النو خيط من سماء فاتحة تاقتي ونطل نحب الجو هذا ريحة تراب تعجبني بزاف صونا تيليفوني رفدتو لقيت الأبال من عند حبيبي ترسمت الإبتسامة على وجهي الإنسان هذا قد مانقول نحبو قليل عندي سبع سنين وأنا معاه علاقتنا بدات في لفيسبوڪ بديناها في الأول علاقة صداقة ومع الوقت تطورت وولات علاقة حب هو من ولاية وأنا من ولاية أنا شاوية وهو عربي قعدت معاه عامين بلا مانشوف وجهو حتى طلعت للجاميعة ووليت نقرا في ولايتو باه شفتو كنت نحبو وكي شفتو وليت نعشقو … رفدت عليه ألو حبيبي وشراك معلكش _لباس الحمدلله وانت وشراكي ديري اذا تقدري تخرجي دوك ارواحي نتلاقاو في البلاصة الفلانية؛ اواه منقدرش اليوم خلي غدوة ونتلاقاو _ايه معليش اهاه توحشتني حنونتي ولالا _ايه توحشتك موووت؛ حتى انا اعمري توحشتك كون قبلتي نخطبك راكي دوك في داري _ياحبيبي هاهو مابقاش بزاف ونتخرج وارواح اخطبني _ان شاء الله هيا انا نخليك ممبعد ان شاء الله _اتهلالي في روحك؛ يتهلا فينا ربي ڪوبيت عليه وحكمت بلاصتي طايرة من الفرحة راني نستنى بالثانية واكت نتخرج ونكمل باه نزب نولي حلالو نسيت معرفتكمش بروحي أنا دييهيا عمري 23 سنة شاوية أبا عن جد من عائلة متوسطة عندي بابا ويما ربي يحفظهم انا طفلة الوحيدة وسط خمس ذكورة ثلاثة كثر مني وزوج أقل مني قد ماهم يحبوني قد ماهم صعاب وواعرين ماكذبش لي قال تشاويث احرشن (الشاوي حرش) في عائلتنا مكانش وحدة قبلو يخلوها تتطلع تقرا في الجاميعة وفوق هك ولاية بعيدة غير انا خاوتي خلاوني عاطيني ثقة كبيرة ووللأسف الشديد ماكنتش قد ثقتهم وراح نخلصها غاااالييييية هزيت تيليفوني دخلت للفيس بقيت طالعة هابطة حتى خرجلي ستاتي واش قالو الناس زمان بقيت نقرا فيه ونتمعن … فمي مغلوق وقلبي صندوق وربي من فوق يخلص لحقوق … لي ما ذاق المر مايعرف قيمة الحلو ؛ ما تقطع الواد حتى تبان حجارو ، وما تمشي في الليل حتى يطلع نهارو  ، وماتصاحب صديق حتى تعرف خبارو .. ماتخليش قلبك كي الساقية لي يجي يشرب منها ، وخلي قلبك كي البحر مايشرب ، منو غير الغارق ، وما تتركش روحك كي الأرض لي يجي يعفس عليها ، وابقى كي السماء الكل يتمنى يلحق ليها. ما تغرس حتى تزرّب ، وما تصاحب حتى تجرّب ، وما تضرب حتى تقرّب و إذا حبك القمر بكمالو واش عندك فالنجوم إذا مالو ؛ عزّ نفسك تصيبها ، النفس نفسك وانت طبيبها؛ ࢪاح هذاك الزمان بناسو و جا هذا الزمان بفاسو و كل من يتكلم يقطعوا له راسو ؛ عيش حياتك مع لي حذاك واعرف قيمة الي حذاك ونسا الي نساك…
والله صح ناس زمان ماكذبوش فكل حرف وراح تفهمو واش المقصود من هذو في قصتي …