Uncle Cenon's Obsession {COMPLETED}

Chapter 4

NAGISING si Almary na masakit ang kanyang katawan at ulo. Napabalikwas ng bangon ang dalaga nang may napagtanto ito.

"N-Nasa kwarto ako?" gulat na bulalas niya.

"Ibig bang sabihin panaginip lang ang lahat?" malungkot na aniya. Ang inaasahan niya kasi magigising siya sa ibang kama, hindi pamilyar na kwarto at katabi niya ang gwapong lalaking kalandian niya pero nasa kwarto siya. Wala ang lalaki, may damit siya pero masakit nga lang ulo at katawan niya.

Napahawak siya sa kanyang bibig. "OH MY! OH MY!" tili niya.

"Paano k-kung ni-rape ako ng maligno sa panaginip ko? Kaya't masakit katawan ko? Dahil kung talagang nakainom ako kagabi at may kasama akong lalaki nasaan na siya?" natarantang bulalas niya.

"HOY BRUHA, TUMIGIL KA NGA!" malakas ang boses na sabi ng kaibigan niyang si Ren. Nakasuot ito ng dress at sabog ang buhok at mukhang kakagising lang.

"Bakit ganiyan mukha mo?" gulat na tanong niya.

Humikab ang kaibigan niya. "Gaga! Nakalimutan mo bang nag-bar tayo kagabi? Tignan mo nga iyang sarili mo suot mo pa rin iyong dress na pinasuot namin ni Princess sa iyo."

"So, totoo ng bar tayo kagabi?" nanlalaki mga matang tanong niya.

Kumunot-noo ni Ren. "Loka! Oo naman bakit ano ba akala mo? Ay, speaking of bar, ang gwapo ng lalaking kasayaw mo kagabi 'a, siya ba naghatid sa iyo?"

Napaupo siya sa kama. "So, totoo nga iyong mga nangyari kagabi? Hindi ako nanaginip lang? Hindi maligno ang kumuha sa puri ko kundi gwapong tao?"

Nanlaki mga mata ni Ren. "WHAT THE F!! BUMIGAY KA??? NAGPADILIG KANG MAHAROT KA—"

Mabilis na bumaba siya sa may kama niya at tinakpan ang bibig ni Ren.

"Shh, huwag ka maingay, hindi naman kasi ako sigurado kung may nangyari ba sa amin o wala," mahinang aniya.

Kinagat ni Ren ang kamay niya kaya't napadaing siya at naalis ang kamay niya bibig nito ng umatras siya.

"Loka-loka! Bakit hindi mo alam? Don't tell me nakatulog ka?" nakapameywang na tanong ni Ren sa kanya.

Ngumiwi siya. "Baka nga, pero pinagtataka ko 'e paano ako nakarating dito? Kung hinatid niya man ako paano niya nalaman address ko at paano siya nakapasok?"

"Oo nga ano?" sang-ayon din ni Ren sa kanyang sinabi.

Napahawak si Ren bigla sa bibig nito. "Hala! Paano kung stalker mo pala iyon? Kaya't alam niya saan ka nakatira–"

Binatukan niya ito. "Loka! Kung stalker ko nga siya edi sana hindi niya ako iniuwi at dinala niya na lang ako sa lugar na masosolo niya ako, hindi iyong ganito, isa pa ang gwapo niya naman para maging stalker ko lang."

Nagkibit balikat si Ren. "Sabagay pero grabe ka, sister! Hindi ko akalaing makakabingwit kaagad ng lalaki at ang gwapo pa at oh! Ang ganda ng katawan, nakuha mo ba ang pangalan o numero niya?"

Natigilan siya dahil hindi niya nakuha ang numero ng lalaki at nakalimutan niya din kung naitanong ba niya ang pangalan nito o hindi.

"Hoy, natulala ka? Siguro inaalala mo iyong pinagkagagawa ninyo kagabi ano?" buska ni Ren sa kanya.

"H-Hindi 'a, iniisip ko lang kung na itanong ko ba ang pangalan niya o hindi, pero wala akong maalala," aniya at hinilamos sa mukha ang mga kamay.

"Aray! Bakit kasi hindi mo maalala? Sayang naman, paano mo hahanapin si pogi?"

Tumingin siya sa kaibigan. "Ewan ko," malungkot na aniya.

"Sa susunod kasi habang matino pa isip mo, tanungin mo na kaagad ang lalaki dahil mga ganung klaseng lalaki, hindi dapat pinapakawalan, dapat sa kanila tinatali sa kama–este sa bewang para hindi na mahuli ng iba," pilyang hirit naman bigla ni Princess na nakatayo sa may pintuan niya.