عشگ الجبل

مشاهد

(مشهد 1)

مشيت بالكراج فرحانه كلش لان اخذت النتيجه وطلعت معدل عالي وراح انقبل بكليه الطب
وكفت يم الباب من سمعت
صوت بابا عالي

«اامشو منا ولاتخلوني اخابر الشرطه

«هههه ااسمعه شيكول بابا احنا الدوله والامر
كله بأيدنا وانت تعرف هذا كلش
زين فاااحسنلك سلم
العندك لا تشوف شي مايعجبك

گلبي هبط وكلت منو هذا الي يهدده
طلعت بسرعه جانو اثنين شكولهم تخوف عبالك مجرمين عيونهم صارت عليه بابا صاح
بيه

«جوري طبي جوه

«بابا منو ذوله وليش هيج يحجون وياك

واحد تقدم عليه وقرب بابا اجه وكف يمي
عيوني علي ابتسم وشكله كله
شر سأل وهو يباوع
عليه من فوك لجوه

«بنتك حلوه استاذ وصغيره كلش

خزرته بعصبيه وملامحي تنطق بالكره

مشهد 2

امشي واضحك وي ماما شايله علاليك
انداريت وكلت

«خلي اخذ هديه لواصف وافاجئه بيها وهاا ماما
هم ناخذ كيكه بالشكولاته هو يحبها كلش

بدون ماا انتبه طخيت واحد كلت
بخجل

«ااسفه مااشفتك

رفعت راسي اله باوع عليه بطرف عيونه
انتبهت لونهن خضر دار وجهه ماحجه شي عيوني
ظلت علي يمشي بسرعه واختفى
بين الناس

مشهد 3

رحت لمكتب بابا الباب جان مفتوح شويه
سمعته كال

«لااتسأل كمال اني بوكتها اطلع العندي واحرك
الدنيا عليهم

سكت للحظه بعدين رد بعصبيه

«لييش كاعد تلح عليه كتلك هاي امانه ومن
مسؤوليتي اني مو غيري سد الموضوع
ومع السلامه

سد الخط اسمعه يردد

«مااعندي ثقه بيك كمال
خايف لا انت هم اشتروك وبعت ضميرك
بكم فلس

سمعت صوت الكرسي انسحب شفت بابا راح
لميز انتيكه انكليزي وكف يمه يباوع لظرف جبير بايده وعلبه سوده فوكاه
ردد وره لحظه