الجبل كورم كينان
بقلم اوتار حزينة
البارت السادس والعشرون
_______________&______________
رحمه:::
كلامه جان مي بارد ونزل على گلبي
وحسيت روحي وي ملاك مو بشر
اخذي راحتج اني طالع اجيب العشه
كال هالكلام وطلع من يمي صفنت على
الباب من سده عيوني مغوركه ومااعرف هو بهل
الايام شسوه بيه
كال راح ادللج واخليج اميره شفت هالشي
من جهز اليه وسوه وين ماكو
شي غالي
الغرفه تخبل ومبين غاليه صح اني
شفتها من دز صورها اليه بس بالحقيقه احلى
واضخم مشيت للكنتور فتحته ماعرفت شالبس
طلعت تراك ناعم لونه ابيض وبي ورد احمر
رحت للحمام ذبيت البدله ولبسته جان شعري
مرفوع صفح بس وخرت الماشات
والورده نزل على طوله
غسلت وجهي اريد بروده لان
حسيت نار كبت بيه من
الخوف
ظليت افتر بالحمام اريد اطلع خجلانه منه ومن
وجودي ويا بمكان واحد من شفت روحي تأخرت
شلت البدله طلعت جان مبدل وكاعد
على القنفه واكباله العشه صفن عليه وابتسم
هالشي سوه وجع بمعدتي
وارتبكت بعد اكثر
انهزمت بعيوني منه وباوعت لغير جهه
يله تعالي خلي نتعشه
اي
جاوبته مختصر ورحت علكت البدله مشيت
ليمه كعدت بصفه وخليت مسافه
شوفي بالاكل ماكو خجل اكلي واشبعي
تره محد يخسر غير انتي
كال هالكلام وانطاني صمونه اخذتها منه
بسم الله الرحمن الرحيم
بده ياكل واني ويا
خالتي مسويتلنا عشه مال عشيره وكله
دسم
حجاها بضحك وكمل
ماتدري بينا اني وياج عصافير
باوعت علي حس ابتسم وكال
عصفور معضل موو بل
خجلت من كلامه ودرت وجهي منه بسرعه
ماحجه شي التهى ياكل اكلت شويه
اكلي زين لاتخلين روحج جوعانه
تسلم شبعت
أنت تقرأ
عشگ الجبل
Romanceهناك خلف المجهول التقيت بك كنت كالجبل في قسوته وقوته الغموض يحيط بك تدور الاسرار حولك ولا ااعلم ماهي كنت كلما تلتقي عيني بعينك ارى كرها ينطق في وضوح في ملامح وجهك عرفت اني عدوه لك او انت من جعلتني هكذا لانك اخبرتني في لحظه غضب انك تكرهني وانا كنت ف...
