الجبل كورم كينان
بقلم اوتار حزينة
البارت الثاني والعشرون
_______________&______________
واصف:::
صفنت علي من كال هالكلام سكت
من انتبه لروحه شحجه
اسف كمت اخربط بالحجي
والله مااعرف شلون طلعت من حلكي
هالكلمه
لا عادي ابو علي لاتعتذر
والله دخت ياواصف بهل البنيه
سالته
انت ليش مهتم بيها كلش يعني اشوفك شايل
همها اكثر من اهلها
رجع ليوره ورد
اني ماعندي خوات ويتيم مثلك واعتبر خوات
ام علي خواتي واعزهن كلش هن وعمتي
واعتبرها امي الثانيه
سكت للحظه بعدين كمل
ورحمه بالذات اني اعزها كلش واحبها كاخت
صغيره لان شفت شصار بيها من ظلم
من اقرب الناس الها
والله ياواصف گلبي يوجعني عليها
واسال روحي هالبنيه شلون متحمله هالقهر
وهي بعمر صغير
سكت مبين علي القهر ردد
تصدك مرات اكول هاي فد يوم تنهزم من الجاي
يصير بيها لو هم تنتحر مثل ذيج المره
صفنت علي وهزيت راسي باي رديت
الضغط يولد الانفجار
وهوايه بنات انهزمن من اهلهن من وره
الظلم والضغط الجاي يصير عليهن منهم بس
هذا الشي غلط والضحيه هن نفسهن لان
راح يوكعن بايد ناس اسؤ منهم واذا لكوهن راح
يكون مصيرهن الموت بحجه غسل العار
اي صارت واصف وكمنا نسمع اشكال السوالف الكاعده تصير بهل البنات الي اهلهن
ماخافو الله بيهن
ذب حسره وكمل
والله اني كل فتره
اخلي ام علي ادز عليهن يجن يغيرن
جو يمها وهي هم خطيه تفرح بجيتهن عليها
بارك الله بيك المحبه حلوه بين الاهل
واحنا هم تره هيج كل جمعه نلتم يم
بيت واحد من اهلنا
اي يمعود صله الرحم حلوه مااعرف ليش
هسه الكل كام يضوج من اللمه والبعض
منهم يضوجون من جيه الخطار عليهم
أنت تقرأ
عشگ الجبل
Romantikهناك خلف المجهول التقيت بك كنت كالجبل في قسوته وقوته الغموض يحيط بك تدور الاسرار حولك ولا ااعلم ماهي كنت كلما تلتقي عيني بعينك ارى كرها ينطق في وضوح في ملامح وجهك عرفت اني عدوه لك او انت من جعلتني هكذا لانك اخبرتني في لحظه غضب انك تكرهني وانا كنت ف...
