عشك الجبل كورم كينان
بقلم اوتار حزينة
البارت السابع عشر
_______________&____________
جوري:::
وكفت اباوع عليهم والعيون صارت عليه امه
طلعت من الغرفه سالت
منو اجه
شافتهم سكتت رجعت لغرفتي كال
جوانه اجوج خطار
باوعت اله عاكد الحواجب ومبين ضايج
امه ردت
هلا بالخطار
طبو للاستقبال نسرين تباوع
علي بحقد
تعالي جوانه
انتبهت من حجه وياي مشيت ليمه
اشرلي كعدت بصفه
عمه حجه
احنا مو خطار خانم واعتب عليكم بهل الكلمه
لان بنتي مرتك يعني حالها من حال بنت بروين
اي صح هالكلام مام انتو مو خطار
رد بروده وكمل
وبنت بروين عدها اسم جوانه خانم
اكد على هالكلمه وهو يباوع بتركيز اله
مارد علي سكت بعدين كال
انت ازوجت وهالشي من حقك بس اريد
اكلك لاتظلم بنتي بهل الزواج خليك عادل بينهن
لان انت تعرف هي شلون
ضحت وو
قاطعه بسرعه وبضوجه
ماام اذا جاي تحجي نفس كلام بنتك اكلك
اني هسه كدامك اطلكها وخلي تروح
تشوف واحد غيري
مو هيج الحجي ابني اني ماجاي اخلي
ملح على الجرح
حجاها وباوع عليه نسرين ساكته ولا
عبالك كاعد يقهر بي لو تحبه من صدك ماتخلي
واحد يجرحه بهل الكلام باوعت
علي،،، ساكت بس مبين صار اعصاب
كمل
اني جاي ارجع بنتي لبيتها لان لا هي ولا
اني نريد الطلاك مو نسرين
اي باوك
ردت بوجهه مگلوب وتجنب تباوع لاحد
كمل
وانت تعرفها هي شكد تحبك وانت هم اعرفك
تحبها وتعزها وماتهون عليك كسره
خاطرها ولا زعلي عليك
كينان سكت للحظه بعدين رد
لا مايهون مام
اني راح اعوفها يمك واتمنى ماتفرق بينهن
وانت بعد كورم الجبل وتعرف شلون
تعدل
أنت تقرأ
عشگ الجبل
Romansaهناك خلف المجهول التقيت بك كنت كالجبل في قسوته وقوته الغموض يحيط بك تدور الاسرار حولك ولا ااعلم ماهي كنت كلما تلتقي عيني بعينك ارى كرها ينطق في وضوح في ملامح وجهك عرفت اني عدوه لك او انت من جعلتني هكذا لانك اخبرتني في لحظه غضب انك تكرهني وانا كنت ف...
