✨🌸✨ قراءه ممتعه اصدقائي ✨🌸✨
✨🌸✨الكاتبه ام الأنوار ✨🌸✨
🌸✨دعم وتصويت لطفا✨🌸
***********************************
★ هيلين ★
هناك روح امتلئت حتى ما نفجرت وبقى كتمانها منحبس داخلها وألمه الذي لا يقاوم جعلها متعبه دائما ولاتريد سوى النوم .
هيلين : خلال فترة وره العمليه صارت مشاكل يم عيالي وبيناتهم هم فما رجعت بسرعه بقيت يم اهلي فتره وهمه اهتموا بيه وشالوني شيل خاصه دوهان ومرته وعيالي ولا الهم دخل كلت لاهلي اريد اطلك. ابويه بقى كالب وجهه عليه ورافض الفكره ويشوف ابليس ولا يشوفني واستمريت بهذا الحال إلى أن رن تلفوني
ايهم : هلو هيلين شلونج شلون صرتي .
هيلين : الحمدالله احسن شويه .
ايهم : محتاجه شي .
هييلين : لا سلامتك
ايهم : تمام مع السلامه
هيلين : هلو .
دوهان : هم أحد خابرج ؟
هيلين : اي ايهم خابرني
دوهان : بعد اذا اتصل لا جاوبي خلي يولي لااريدهم ولا اريد سؤالهم .
هيلين : تمام
بقيت حايره ماعرف شنو مصيري وشنو الفعل الصح الي اسوي ضايعه وأفكاري اكلتني اصفن واشوف ابني روضي وابني الي مات وزوجي الي اصلا ما يدري عني وصحتي الي تدهور بقيت مثل الغركان ومنتظر يتعلگ بكشايه رايده بس خيط أمل بحياتي تعبت من كل شي.
تعبت نفسيتي حيل بحيث روضي روحي من الدنيا جنت اذا شويه انغثت أو سوه شي اضربه وأصيح عليه واني اصلا مراضيه على تصرفي بس اكو شي بداخلي مخربط ماعرف شداسوي وليش حيل انقهر لان هيج سويت ويا
صار شهر واني يم اهلي وطبعا جان رمضان خلصتها بس ادعي وتعلقت برب العالمين بعد ما أيست من عباده فاخر ايام من رمضان كمت اسمع محاضرات دينيه
احاول اعرف اكثر معلومات عن ديني وعن المعامله وهم اني ارتاح نفسيا من اسوي هيج وابني كدامي يلعب بكيفه النسمه متغثه تقريبا صرت شوي احسن اهتميت بحياتي هنا أما عن ايهم فماكو اي اشتياق أو حب تجاه جان حلمي اطلك منه وارتاحي .
رغم بهاي الفترة دزوا كومه ناس ومسلم يخابر من جهه وإخوانه كل ما شافوا اخواني يحاجونهم بس جنت قافله عليهم
الاب : اسمعي لعد مدام رافضه الرجوع اني حنطيهم ابنهم وانتي ابقي يمي هذا الحل حتى نخلص منهم .
هيلين : هنا احس ضربني طلقه مو كال هيج مستحيل اتخلى عن روحي من الدنيا مستحيل اتحمل كل شي علموده ولا ابقي يمهم غير يموتوا اعرفهم كلش زين
أنت تقرأ
مظلمة القريب.
Fiksi Umumتدور القصه حول فتاة لطيفه وسط ناس قذره تحكي معاناتها وهي طفله حتى النهاية.. بجيت بلا حزن بجيت عيون الماي وضحكت بلا فرح ضحكت اللعابه.
