Heartstrings [ Completed ]

နေမကောင်းမဖြစ်ပါနဲ့ချန်ချန်

အထိအခိုက်မခံနိုင်တဲ့ကလေးလေးကိုမှ
ထိခိုက်အောင်လုပ်ခဲ့မိပြန်တယ်။
ကိုကိုတကယ်တောင်းပန်ပါတယ်။

_________________ ♡ ̆̈________________

လေ့လာရေးခရီးက ပြန်ရောက်တာနဲ့ ကြားလိုက်ရတဲ့သတင်းစကားက ဂယူဗင်း ရင်ဝကို ဆောင့်ကန်သလိုပင်။

"" ဗျာ... ချန်ချန်ဆေးရုံတင်ထားရတယ်?
ဘာ...ဘာဖြစ်လို့လဲဟင် ချန်ချန်အများကြီးနေမကောင်းဖြစ်နေတာလား ဟင်..ဦးလေး ""

"" သား လေ့လာရေးခရီးသွားတဲ့နေ့ကစပြီး ဖျားတာလေ ဒါပေမဲ့အဲ့ဒါကပုံမှန်ရိုးရိုးဖျားတာပါပဲ ဆေးရုံတင်လိုက်ရတာကတော့ဒီမနက်မှ.. ကလေးကရုတ်တရက်ကြီးမူးလဲသွားလို့ ""

"" မူးလဲသွားတယ်!!?? ဘာလို့လဲဟင်?? ""

"" ဆရာဝန်ပြောတာတော့ သွေးအတွင်းသကြားဓာတ်နည်းနေတယ်တဲ့ သားလည်းသိတဲ့အတိုင်း မင်းညီလေးက အချိုတွေမှသိပ်မစားတာ..  အဲ့ဒါ နောက်ကျရင် သူ့ကို သကြားဓာတ်ပါတဲ့အစားအစာတွေများများကျွေးပေးရမယ် သားလည်းချော့ကျွေးပေးနော် ""

"" ဟုတ်ကဲ့ ""

ဦးလေးကို တည်တည်ငြိမ်ငြိမ်ပြန်ဖြေလိုက်ပေမဲ့ ဂယူဗင်းရင်ထဲမှာတော့ လေးလံမှုကြီးတစ်ခုကြီးစိုးလာခဲ့ပြီး ခြေဖျားလက်ဖျားတွေပါအေးစက်လာခဲ့သည်။

သွေးအတွင်းသကြားဓာတ်နည်းပြီးမူးလဲတာ...ချန်ချန်ကအချိုသိပ်မစားလို့..

ဒါပေမဲ့.... ချန်ချန်ကအချိုသိပ်မစားလို့ဆိုတာထက် ချန်ချန့်ကိုအချိုတွေမစားအောင်တားခဲ့တာကသူဆိုတော့... ချန်ချန်နေမကောင်းဖြစ်ရတာသူ့ကြောင့်ပဲမဟုတ်ဘူးလား...?

"" ဂယူဗင်း ... သား ဂယူဗင်း!!!! ""

ဦးလေးရဲ့ခပ်ကျယ်ကျယ်ခေါ်သံကိုကြားလိုက်ရတော့မှ ဂယူဗင်း သူ့အတွေးတွေနဲ့သူ ငြိမ်သက်နေရာကနေ.. အသိစိတ်ပြန်ဝင်လာခဲ့သည်။

"" ဗျာ... ဟုတ် ဦးလေး ပြော ""

"" ဦးလေးအခုဆေးရုံသွားမလို့
သားလိုက်မှာမလား ""

"" ဟုတ်ကဲ့ ကျွန်တော်လိုက်မယ် ""

_____________________ ♡ ̆̈