بالليل الظلماء :
اسمهان دخلت البيت وهي بحالتها
الصعبة انهارت قدام عيون ليلى اللي
جالسة تخيط وعايشه بذرى الله ولا
هي داريه وش صار على اسمهان
يوم شافت اسمهان صاحت وتركت
اللي بيدها .
مسكت اسمهان احضنتها
وبعيون الصدمة تناظر لحالتها الصعبة
قالت بصدمه :
اسمهان يا بنتي وش صاير عليك ؟
اسمهان ساكته وتبكي بحراره بحضن
امها فقالت وهي يالله تكلم :
يمه يمه مشاعل وفاطمه وميساء
سووا بي كذا بس عشان فيصل
يكرهني ورطوا صديقه ياسر معي
خربوا علاقة فيصل و ياسر .
ليلى بصدمة كبيرة :
يا الله يا الله !!
معقوله فيه ناس تسوي كذا ؟!
جالسين يتهموك بشرفك بس عشان
فيصل يحبك ويبغي يتزوجك يا الله
يا قلوب هالحريم اللي ما وراهم الا
تخريب البيوت .
هنا سكتت شوي بقهر وتكلمت بعدها
بعصبيه وقالت بكرهه :
والله ما اخليهم يتهنون انا راح
اكشف كل شيي .
اسمهان وهي بعز تعبها ويالله تلقط انفاسها
قالت مستغربه :
يمه وش اللي بتكشفينه ؟! .
فيصل بعد اللي شافه
معصب حييل ولا هو قادر
يميز بين الحق و الباطل .
فقال بقهر :
معقوله اسمهان تسوي كذا
طيب ليييه !!
انا عرضت عليها الزواج وهي
رفضت ! اللي شفته
هو سبب رفضها .
هنا طلع ضحكة سخريه وقال :
بس هي ما تعرف ياسر ؟
طبعًا فيصل بعد ما شاف اللي صار
بين ياسر و اسمهان هو عصب حيل
على ياسر وياسر حاول كثير يتفاهم
معه ويعلمه بالحقيقة بس عصبية
فيصل ما سمحت له يتكلم انقهر
وراح للمدينة وترك كل شيي وراه .
فيصل دخل بحالة صعبة استمرت
لـ أيام .
وبالليل بالمكان اللي فيصل
طلب من اسمهان تفكر بموضوع
الزواج كان فيصل يفكر و يحاول
يجمع افكاره .
الا تطلع اسمهان من وراءه تحاول
تتكلم معه نادته قايله بصوت مبحوح :
فيصل !
يوم نادته اسمهان قام مثل الذيب المسعور
وصار يناظر لها بكل مشاعر الحب والكرهه
بالوقت نفسه وقال :
اانـتي !
اسمهان قربت له وهي حيل مكسوره
وقالت بضيقه :
فيصل لازم تسمعني وتسمع اللي
بقوله .
فيصل صار يناظر لها بدهشه
وهو من الداخل متحطم واجد .
اسمهان قالت :
فيصل انت ظلمتني انا ضحية
خطة خبيثة من مشاعل بس
عشان يفرقون بينا .
فيصل قرب لـ اسمهان
وقال بكرهه :
لا تحطين اغلاطك على غيرك
محد له دخل بقذارتك ما شفتي ..
هنا سكت للحظة وتذكر حالة اسمهان
يوم شافها تمنى الموت ولا يشوفها بذا
المنظر .
بعد ما تشجع كمل وقال :
ما شفتي كيف منظرك كان رخيص
وصخ ما لقيتي الا ياسر تستعرضين
جمالك عنده وتغوينه يوم طاح عليك .
اسمهان بقهر :
ياسر ما قرب عليي ابد انت
ظلمته و ظلمتني .
فيصل وهو اسير للموقف اللي صار
قال :
اسمهان انتي من ؟ من اهلك ؟
او ما لك اهل ؟
تتذكرين يوم اني اتقدم لك كنتي ترفضين
لانك بنت شارع لقيطة جت بالحرام على
هالدنيا فما استغرب منك تسوين هالشي
بس انا الغبي اللي ركضت وراك انعميت
بك يا اسمهان ، الحين عرفت ليه
ترفضين الزواج بي .
كلام فيصل جرح اسمهان حييل بس
هي حاولت تكون اقوى لانه ضحية
مثلها وهذا هو اللي بيوصلون له
فقالت :
فيصل تتكلم وكانك مشاعل .
صرخ فيصل :
مشاعل تتكرم عنك يا بنت الشوارع .
فيصل قرب لأسمهان لين ما
صار لاصق بها ، حط يده
على خصرها، ويده الثانية
على خدها وغرسها بشعرها
وقرب وجهه لوجهها وقال :
صدقيني انا مو احسن من ياسر .
هنا اسمهان عصبت حيل رفعت
يدها عليه وصفعته على وجهه
وكزته بعيد عنها وقالت بضيقه :
انت مريض .
هربت عنه لبعيد .
أنت تقرأ
المفقودة
General Fictionروايه بدويه : عن بنت مفقودة بالصحراء وكبرت مع البدو وصارت تحب منهم بس بعد البنت ما كبرت صاروا يقولون لها ..
