بعد ما كسر بخاطرها فيصل
جلست تسترجع ذكرياتهم القديمة
حنيته حبه عطفه كيف كان يخاف
عليها اكثر من نفسها .
تذكرت يوم فيصل طلب مني الزواج
كيف كان صادق يوم يطلبني وعيونه
تلمع .
و اتذكر يوم طحت من الجرف كيف
انقذني وقال انتبهي لنفسك ،
واذكر يوم كنا صغار كيف كنا قريبين
لبعض وكيف نضحك سوا ونلعب سوا
حتى نحزن سوا ، فيصل كان قريب
مني يمكن اكثر شخص قريب لي
وكان كثير ما يوقف معي كيف تغير
الحين بسبب حيله من ذولاك الحريم .
مر الوقت سريع انا الحين عايشه
بالديره مع خالتي منيره وبنتها
اللي قريبه من عمري .
بالليل :
جلست انا و حصه بنت خالتي
منيره ، سولفنا كثير خصوصا
عن فيصل وكيف صدق الحريم
وصار يكرهني .
حصه قالت :
معقوله به ناس تسوي كذا
صح الموقف صعب على فيصل
بس ولو المفروض ما يصدقهم
ويصير واثق اكثر بك .
البداوة :
فاطمة صارت تلح على فيصل
بموضوع الزواج من ميساء .
فيصل ما كان راضي ولا يبي ميساء
فقالت أمه :
اذ تبي رضاي يا ولدي تزوجها
وطلع نفسك من هالحياة اللي
انت عايشها .
فيصل بتردد :
بس يمه ! ماني متقبل الزواج منها .
فاطمة :
مانت لاقي مثلها و تذكر ذيك اللقيطة
هاذي هي راحت يوم ما صار لها موية
وجه هنا ، ميساء على الاقل بنت ناس
و نعرفهم .
سكت فيصل وما كان مقتنع ابد .
بالليل :
فيصل وقتها يسامر الليل و شبة النار
جاء لعنده ابوه ويبي يسولف عليه
فقال :
يا ولدي امك تبيك تتزوج ميساء
انت تحبها او لك رغبة بها ؟
فيصل نزل رأسه وسكت
قال أبوه :
يا ولدي احيانا حنا نشوف شيي
والحقيقة شي ثاني مثلاً أسمهان..
تضايق فيصل :
يـبه !
ابو فيصل تنهد وقال بخاطره :
حسبي الله عليكن يا هالحريم
الا ماوراكن الا تخريب البيوت .
الديرة :
حصه بنت مرحه و سعيده وتنحب
كثير ما تضحكني لو اني مضايقه حييل ،
حصه بالصدفة سمعت من خالتي منيرة
خطوبة فيصل بـ ميساء انصدمت ولا
عرفت كيف تخبرني .
يوم اني جالسه وما كان يشغل
راسي شي ما غير اشرب القهوة
الا تجيني حصه وباين على لون
وجهه متغير ، انا علطول لاحظت
لان حصه اللي اعرفها بنت مرحه
والابتسامة ما تفارق وجهها فقلت
مستغربه من وضعها :
شبلاك يا حصه مانتي على بعضك ؟!
حاولت كثير تصرفني و تخبي عني
الخبر بس باصرار مني ابي اعرف
وش بلاها فقالت وهي ماهي مستوعبة
وبعد ما جبرتها واجد :
فيصل خطب ميساء .
يالله شكثر هالخبر كبير على قلبي
انا هنا سكت ولا اعرف وش اقول
الحمل ثقيل ثقيل .
حصه قالت وهي تلومني :
انتي اللي جبرتيني ما كنت ابي اقول .
بدون شعور وبصدمة الخطوبة
طاحت من عيني دمعه .
حصه لاحظت عليي و ركضت ضمتني
جلست ابكي بين احضانها ماتوقعت
فيصل انه يخطبها تقبلت كرهه لي
الحين بس انه يتزوج لا .
حصه تواسيني :
انسيه يا اسمهان خلاص .
أنت تقرأ
المفقودة
Ficción Generalروايه بدويه : عن بنت مفقودة بالصحراء وكبرت مع البدو وصارت تحب منهم بس بعد البنت ما كبرت صاروا يقولون لها ..
