شمس وروح (قيد التعديل)

البارت 20

سليم بهدوء حرام الكدب حرام ياساره ،لازم نتعلم الصدق مع الناس ،الانسان الصادق الناس كلها بتحبه وبتصدق كل كلمه هو بيقولها وبتأمنله وبيبقي فيه صدقه فيه ،امال الشخص الكداب هيفضل ف نظر الناس كداب حتي لو كانت بيقول الحقيقه بس خلاص محدش بيثق فيه ،ومننساش ان الكدب حرام ماشي

_ساره بحب ماشي

"اتعلمو الأمانه مع الناس ،بلاش كدب الصفه دي وحشه اوي بجد ،نقول الحقيقه حتي لو هنتحرج أو منتكلمش اصلا أو منردش علي السؤال مدام مش عايزين نجاوب احنا حرين بس بلاش لف ودوران وكلمه من الشرق وكلمه من الغرب وعلي ايه كل دا ؟؟  وقال سبحانه: (وَيْلٌ لِّكُلِّ أَفَّاكٍ أَثِيمٍ ) ربنا بيتوعد للكذاب ،دي صفه غير أخلاقية بالمره ،خدو الخطوه من دلوقتي انك تبقي صادقه ف كل كلمه بتقولها

*****

"صلت روح صلاه الاستخاره وارتاحت بعض الشيئ وكانت سعيده للغايه ودعت أن يكون سليم خير الزوج والمعين لها ف حياتها وان يكون رفيق هين لين عليها وأن يعاملها بما يرضي الله "

_ماجده بخوف انتي لسه صاحيه ياروح

_روح بقلق ايوه ياماما ،مالك فيكي حاجه

_ماجده بتفكير لا انا كويسه بس مش عارفه حاسه ان والدت د.سليم مش موافقه علي الجوازه ،ايه اللي خلاها مجتش النهارده

_روح بظن حسن عادي ياماما يمكن تعبانه أو حاجه مش اللي ف دماغك خالص اكيد

_ماجده يارب يابنتي كلامك يكون صح ،انا هنام بقي تصبحي علي خير

_روح بحب وانتي من أهله ياحبيبتي

"فكرت روح ف كلام والدتها ،قلقت قليلا ولكن استعانت بالله ف أمرها ،ثم حملت مصحفها تقرء وردها بصوت هادي وجميل "

****

_مريم بقرف اتفضل اشرب العصير

_محمد بهدوء هو انتي مش طيقاني كدا ليه يامريم

_مديحه بنفي لا طبعا ياحبيبي هي بس تلاقيها مكسوفه منك شويه

_محمد بتفهم ماشي ياخالتي

_يسريه بقولك ايه تعالي نقعد أنا وانتي سويه نخلي العرسان يتعرفو علي بعض شويه

_مديحه بإبتسامه ماشي ياحبيبتي

"ذهبت مديحه ويسريه اختها الي الصاله "

_محمد بحب ازيك يامريم انتي كويسه

_مريم بتطفيش شايفني مركبه محاليل قدام مثلا منا زي القرده  قدامك اهو

_محمد بغيظ ماشاء الله لسانك بينقط شربات

_مريم برخامه قولي بقي مواصفات مراتك ايه

_ محمد تبقي مواصفاتك انتي

_مريم بتطفيش بس انا عصبيه وبارده ودماغي وجعاني

_محمد بصبر استحملك عادي

_مريم بتطفيش ودمي زي السم ولساني طويل

_محمد بابتسامه خبيثه لسانك طول  علي نفسك مش عليا

_مريم بغيظ ومش بعرف اعمل اكل وست بيت فاشله ومش بفهم بسرعه

_محمد بصبر ياستي أنا هعلمك تكوني ست بيت وهستحمل غبائك حاضر

_مريم وعلي فكره بقي نومي تقيل وو

_محمد قاطعها بنفاذ صبر ماخلاص بقي يامريم قولتلك موافق عليكي بكل حالاتك ،دي مكنتش جوازه دي والله

مريم ابتسمت رغما عنها من كلمته ،قابلها بنفس الابتسامه قائل :أنا عارف انك مش عيزاني وعايزه تبوظي الجوازه يابنت خالتي بس والله انا مش هغصبك عليا ،بس ممكن تديني فرصه اثبتلك اني فعلا استهلك واني والله هعوضك عن اللي فات ،ولو مرتحتيش قوليلي وانا همشي علي طول

_مريم بإحترام بص يامحمد انت انسان كويس بس صدقني أنا مش مستعده لخطوبه ابدا

_محمد أنا مش بقولك نتخطب بكرا ،ادي نفسك فرصه بس ليا ولو ارتحتي وحصل قبول نتخطب ان شاء الله ولو لاء صدقيني هتفضلي بنت خالتي واختي بس هااا موافقه

_مريم بقلق موافقه

********

_ساميه بسخريه اهلا بالعريس ،ياتري وافقت عليك ولا لسه

_سليم بهدوء السلام عليكم ورحمه الله وبركاته الاول ياماما

_ساميه وعليكم السلام ورحمه الله وبركاته

_ساره بحب لسه ياستي ،روح هتصلي صلاه الاستخاره وبعدها هترد ان شاء الله

_ساميه بغضب هي بتتأمر علي ايه ،هي تطول سليم اصلا ،قال هتصلي قال ،دلع بنات

_سليم بحب سبيها تدلع ياحبيبتي البنات كلها كدا المهم بقي أنا داخل انااااام

_ساميه بغضب بس انا مش موافقه علي الجوازه دي ياسليم

_سليم ماما عشان خاطري أنا متبوظيش الجوازه ،انا هبقي فرحان معاها ودا اللي يهمك صح يبقي تقفي جنبي وتيجي معايا الزياره الجايه كفايه انك مجتيش النهارده

_ساميه بإخداع ماشي ياسليم انا موافقه

_سليم بفرحه بجد ياماما ربنا يحفظك ليا يارب

_ساميه بحب ويحفظك ياحبيبي

********

_شمس بخطه ايه اللي انت باعته دا

_مالك بخبث ....يتبع

*********
الكاتبه زيزي محمد المتولي