شمس وروح (قيد التعديل)

البارت 11

_روح بتعب وخوف: مين دا اللي باعتلي رساله علي الواتس
"فتحت الرساله كان مكتوب فيها: السلام عليكم ورحمة الله وبركاته اختي انا محمد زميلك ف الجامعه كنت بس عايز محاضرات اليوم لو مش هتقل عليكي وشكرا مقدما" قرئت روح الرساله وعلي الفور عملت بلوك ليه

_روح بسخريه: ايه معندوش صاحب يبعتلو المحاضرات؟ استغفر الله العظيم

"في بنات تقولك عادي لو باعتله المحاضرات، او ساعدته مش هيجرا حاجه، او هرد علي رسالته عادي يعني؟ انتو مش عارفين بعد الرساله اللي حضرتك هترد عليها دي هيحصل ايه؟ فيه بنات كتير بتتعلق بالشخص دا وبيدء في كلام بينهم وممكن يرتبطه كمان؟ اقفلي بابك، اقفلي المعصيه من قبل ماتبدء، متخليش باب المعصيه موارب،  احترمي ضعفك، محددش مننا مش بيغلط توقعي انك ممكن تعملي ذنب معين كنتي بتقولي عليه استحاله اعمله، في بنوته قالتلي انا حبيت ابن خالي مع انه مش في بالي وكنت بكلمه علي اساس اخ وفجأه حبيتو؟ الشيطان بيحاول يوهمك ان دا اخوكي واستحاله تحبيه، ليه هو انتي مش بني ادمه وعندك مشاعر، مدام يجوز يتحوزك يبقي هيحصل مشاعر كدا كدا، مترديش علي اي رساله تجيلك سواء من قريبك الشباب او غيره، حافظي علي نفسك كلامك دا وهزارك وشقاوتك وحلاوتك دول حافظي عليهم لجوزك بس، متخليش حد يطول منك حاجه ابدا ليه؟ عشان انتي عزيزه اوي وانتي مش واخده بالك"

*******

"صباح يوم جديد"

_ماجده ماشاء الله ياروح قمر يابنتي، لما بشوف ملامحك انا برتاح

_روح بحب انتي القمر كله ياحبيبتي

"لو مش انتي اللي تحبي بنتك وتدلعيها وتحببيها في نفسها مين يعمل كدا؟ كتير امهات بجد بيعقدو البنات ف نفسها ليه كدا؟ انتي سمرا، شعرك وحش سرحيه، رفيعه اوي كدا ليه اتخني بقي، مين اصلا يبصلك ولا يتجوزك، شكلك هتعنسي وتقعدي جنبي، انتي متعرفيش اثر كلامك عليها عامل ازاي، انتي مامتها، انتي حبيبتها لما تعملي كدا ف بينتك، بنتك هتطلع كاره نفسها، وهتحس دايما انها قليله قدام صحبها، ومش هتكون واثقه ف نفسها وهيبقي عندها عقده، رفقا ببناتك، رفقا بيهم متقوليش ابدا الكلام دا حتي لو بهزار"

*****

_ناديه بهدوء بتكلمي مين ياشمش

_شمش بتوتر مفيش ياماما دي صحبتي

_ناديه بهدوء انتي مخبيه عني ايه ياشمش

_شمش بغضب مفيش ياماما قولت، انا رايحه الكليه سلام

_ناديه بغضب ماشي ياشمش حسابي معاكي بعدين

"متنسيش انها والدتك، كل ماتحسي انك هتزعقي فيها، امشي بعيد، امشي خالص بر الوالدين هتتحاسبي عليه، اوعي تزعقي فيها او تنيميها وهي غضبانه عليكي احنا ماشين ببركه دعائهم، محدش هيحبك قدهم ولا هيخاف عليكي قدهم"