_مريم بعصبية لاء يعني لاء
_مديحه بعصبية ولاء ليه بقي ؟؟هو ابن اختي يتعيب ف ايه
_مريم بتعب ياماما ميتعيبش ياستي بس انا مش حمل كسره قلب تاني
_مديحه بعقل يابت خليكي عاقله ابن اختي راجل محترم وشاريكي من زمان بس انتي مكنتيش شايفه غير الزفت مالك
_مريم بتعب مش عايزه اسمع سيرته خالص ولو سمحتي ياماما متغطيش عليا اكتر من كدا
_مديحه بعصبية اسمعي لما اقولك هما كدا كدا هيتقدمو وهتقعدي معاه غصب عنك انتي فاهمه
_مريم بعصبيه والله لطفشهولك
_مديحه وريني هتعمليها ازاي ياست مريم ،تصحبي علي خير
"بقي فيه تجاوز علي الاب والام بالعصبيه والصوت العالي والزعيق ،متناسين انها ام ولازم برها ،مهما كان كلام والدتك انتي مش حباه دا ميدلكيش الحق انك تقللي منها وتعلي صوتك عليها ،افتكري انها امك اللي بتحبك واللي تعبت ف حملك وولادتك ورضاعتك ،كانت بتسهر الليالي عشان خاطرك ""
***********
صباح اليوم الجديد
"في الجامعه"
_روح بفرحه بجد خلاص ،مباااارك ياحبيبتي ربنا يتمم فرحتك علي خير يارب
_ندي بفرحه يارب ياقلبي ،عقبال ماافرح بيكي يارب
_روح بحب يارب ياحبيبتي
_ساره بغمز الكلام علي ايه يابنات
_روح بحب ندي هتكتب الكتاب الاسبوع الجاي
_ساره بفرحه بجد مبارك ياندي
_ندي بحب الله يبارك فيكي ياحبيبتي عقبالك
_ساره بحب إن شاء الله ،روح ممكن كلمه علي انفراد
_ندي طب هروح أنا بقي ياروح اسبقك واطلع المدرج
_روح ماشي ياحبيبتي
"بعد ان مشت ندي "
_ساره بإحراج روح سليم وانا بنعتذر علي طريقه ماما جدا متزعليش منها عشان خاطري
_روح بثقه لا ولا حاجه هي مقلتش حاجه تزعل عادي
_ساره بفرحه عموما ياستي احنا هنيجي نشرف تاني البيت
_روح بإبتسامه تشرفو ف اي وقت ،يلا بينا بقي خمس دقايق والمحاضرة تبدء
_ساره بحب يلا
*************
_مالك بغمز صورتك بالبجامه تجنن
_شمس بإنوثه امال ياحبيبي دا أنا شمس بردو
_مالك بغمز عايزك علي طول تدلعيني كدا
_شمس بحب من عنيا ،بس انت مقولتليش هتتقدم امتي
_مالك بخبث نخلص بس السنه دي وهتقدم
_شمس بخوف مالك اوعي تسبني انا بحبك
_مالك بإسخريه ف كلامه غير واضح اوعي تقولي كدا ياشمس دا انتي حياتي كلها عمري ماافكر اسيبك ياقلبي
_شمس بطمأنينه وانا واثقه فيك
"شاف جسمك مش هتجوزك ،شاف صورك بشعرك مش هيتجوزك ،شاف صورك بحاجات مجسمه موضحه جسمك ،مش هيتجوزك ،لمسك مش هيتجوزك انتي بالنسبالو ولا حاجه ،انتي بالنسبالو واحده رخيصه ،واحده امنت علي نفسها بدون زواج ولا خطوبه مجرد كلام بس ،واحده محطتش حدود وبالتالي هي عايزه كدا بردو ،انتي بقيتي فريسه وصيده سهله بإسم الحب ،بقيتي مستغله واول مايزهق هيسيبك ولا أكن حاجه حصلت "
**********
_مصطفي بحنيه متزعليش بقي يانهي عشان خاطري
_نهي بحب عارف انا حبيتك ليه
_مصطفي ليه ؟
_نهي بحب عشان انت حنين اوي وبتهتم بيا وفاهمني انت ازاي فاهمني كدا
_مصطفي بخبث عشان بحبك ف عشان كدا فهمك
_نهي بحب ربنا يخليك ليا ياحبيبي
"هو بيبقي فهمك ومهتم وحافظك صم لحد ماتتعلقي بيه وتثقي فيه ،بعدها كلامه هيقل ،افعاله هتتغير ،هو كشخصيه هيتغير، اهتمامه هيقل ،هيبقي صفر وانتي اللي هتعاني بعدين "
*********
_روح يلا نقوم نصلي الضهر
_ساره الصراحه أنا مكسله اوي اليومين دول ومقطعه خالص
_ندي اوعي لتكوني مش بتصلي ياساره
_ساره بحزن لا بس بأخر وقتها
_روح لا كدا مينفعش ،الأذان اول مايأذن نسيب كل حاجه ف أيدينا ونصلي الاول سواء بقي بنذاكر أو بنطبخ ،او بنتكلم مع صحابنا ،لازم نسيب كل دا ونجري نروح لربنا ،حتي لو مش حسين بالخشوع أو بالصلاه ،واحده واحده هنحس بخشوع لما قلبك وعقلك يكونو حاضرين ،لما تبقي بتقرئي سوره الفاتحه براحه خالص وعلي مهلك كدا هتحبي الصلاه امال شقلب وجري دا عيب نتعامل بيه مع ربنا ،يابنتي احمدي ربنا علي نعمه الصلاه
_ساره ليه بقي
_روح بحب يعني انا مثلا بحبك فبفضل اقولك ياساره وحشتيني اوي تعالي اقعدي معايا شويه ونفسي اشوفك ، دا بيدل اني بحبك واني فعلا نفسي اشوفك واتكلم معاكي ،الله بقي المثل الاعلي بيحبك عشان كدا فرض عليكي خمس فروض غير قيام الليل وصلاه الضحي وغيره ،عشان يشوفك ويسمعك ويسمع شكواكي وامنيتك اللي نفسك ربنا يحققهالك ،عشان يهديك وينور طريقك ،عشان يبعدك عن الفحشاء والمنكر ،الصلاه نور وتركها ظلمه بجد ،عايزه تبعدي عن أي ذنب صلي عايزه تلتزمي تصلي،الصلاه يابنات تغير الإنسان ١٨٠درجه ،بس نصدق مع ربنا ويبقي عندنا صدق بجد ،قومو يلا مش عايزين نتأخر علي لقاء ربنا يلا يا اخواتي
_ساره بحب يلا
"طول منتي معاكي الصحبه الصالحه هتفوقي وهترجعي تاني بعد الانتكاسه ولو معندكيش صحبه صالحه ،اتعرفي علي ناس ملتزمة وقوللها ممكن نبقي صحاب ؟متسبيش نفسك كدا بدون شله حلوه كدا تخدك للجنه لأننا بشر وطبيعي بننتكس فلازم الصحبه عشان تقوينا وترجعنا تاني """
******
"بعد المغرب ،شرف سليم وساره الي بيت روح "
_ماجده بإستفسار مامتك فين ياد.سليم مجتش ليه
_سليم بإحراج ......يتبع
********
الكاتبه زيزي محمد المتولي
أنت تقرأ
شمس وروح (قيد التعديل)
Ficção Adolescenteتتكلم القصه علي شمس وهي فتاه غنيه جدا التحقت بكليه الطب زي اي فتاه لا تعرف عن الدين الكثير بعيده عن الله عز وجل وكل تصرفاتها خطأ علي الجانب الاخر فتاه تدعي روح فهي فتاه فقيره توفي والدها ولم يتبقي لها غير والدتها فهي تعمل شغاله في محل ذهب لتربي ابنت...
