ملاك في أرض مصاصين الدماء♧1♧💥🩸

💮البارت التالت💮

(الحلقه التالته)

بعد ما تالين اغمى عليها مارسيل بتكون عرفت اللي حصل وبتاخدها وترجع البيت

تالين كانت في حاله صدمه عياط وانهيار ب هستيريه حبيبها وكل ما ليها اتجوز..قدر يعيش مع واحده غيرها قدر يكون نصيب واحده غيرها دي كانت مستعده تضحي بنفسها وتكون مصاصه دماء زيه كانت مستعده تعيش معاه قد اي هو خاين للوعد وقاسي ووحش

من ساعة ما رجعت البيت وهي مبتعملش حاجه غير أنها قاعده في الحمام فاتحه حنفيه المياه وقاعده تحتها بتعيط بتحاول تستوعب اللي حصل مارسيل غلبت معاها معرفتش تخرجها كانت بتتكلم معاها بس تالين مكنتش سامعها اصلا

خافت عليها يحصلها حاجه رنت على مارون وقالتلو وفي خلال دقايق كان عندها في البيت

دخل على حبيبته بكل حزن وهو شايفها منهاره من العياط قعد جنبها تحت المياه في هدوء

مارون:حقك عليا انا عارف اني وحش بس كان غصب عني أنا مختارتش حاجه ب ايدي صدقيني مفيش حاجه اختارتها غيرك وعمري ما بطلت احبك انتي عايشه جوايا في قلبي

قالها وخدها في حضنه وفضلو قاعدين شويه تحت المياه لحد ما حس بيها بتترعش قام جاب فوطه وقفل المياه وحطها على كتفه وخرج بيها للاوضه

قعدها على الكنبه وقالعها التيشيرت اللي كانت لابساه وجاب تيشيرت غيره لبسهولها وشالها حطها على السرير وقعد جنبها وهو واخدها في حضنه

تالين مكانتش حاسه بحاجه غير التوهان الصدمه مكانتش قليله عليها في يوم وليله تلاقي حبيبها مش بشري وكمان متجوز بعد غياب عشر سنين

كانت راحت في النوم في حضنه فضل جنبها يتأمل ملامحها ويلوم نفسه على قربه منها ياريته كان فضل بعيد مستفدش حاجه غير أنه سبب ليها جرح كبير وعلقها بيه وعلق نفسه بيها

بعد شويه كانت تالين صحيت واستوعبت اللي حصل وقامت من حضنه في فزع وبتقول:

تالين:جاي هنا تعمل اي؟روحلها

مارون: اسمعيني

تالين:مش هسمعك لا مش هسمعك امشي يا لؤي ولا اقولك مارون انا لؤي حبيبي مات من عشر سنين

مارون: طب افهمي الاول بعدين احكمي في الحالتين انتي هتكوني بعيد عشان ده الاحسن ليكي بس على الاقل تعرفي الحقيقة

تالين:مش عايزه اعرف اي حاجه مش عايزه اشوفك مش عايزه اسمع صوتك ياريتني فضلت في القريه ياريتني فضلت عايشه على أمل رجوعك ليا وحضرتك مرتب حياتك مع زوجه جديده

مارون:انا مخونتش الوعد يا تالين وفي نفس الوقت مصنتهوش

تالين:برااا..اطلع برااا

قالتها وهي بتحاول تزق فيه وخرجته من الأوضه وقفلت الباب

بتعدي الايام و مارون بيطمن عليها من مارسيل وتالين بعد تفكير طويل قررت انها ترجع القريه وكانت طول الايام اللي فاتت قاعده في الاوضه مبتخرجش