ملاك في أرض مصاصين الدماء♧1♧💥🩸

💮البارت الثامن عشر💮

(الحلقه الثامنة عشر)

_دي الضربه التانيه اصل الضربه الأوله كانت مراتك اللي خلينك تشك انها خانتك الله واعلم عملت فيها اي ولا هي مختفيه فين

مارون عيونه بتوسع وبيقول:

_إزاي!

"فلاش باك"

في اليوم اللي حصل فيه الحرب بيتفق ميشيل وادونيس يجيبو فتوني البنت المتحوله وبالفعل بيروح ميشيل يجيبها وبيفهموها اي اللي هيحصل وهتعمل اي وبيستنو لأخر الليل وبيروحو للقصر بيدخلو اوضة مارون من البلكونه مكنش فيها غير تالين وفي لحظه بيكتمو نفسها وبياخدوها وبيمشو وبعد شويه بيطلع مارون اوضته وبتكون فتوني نايمه على السرير وهي محتوله ل شكل تالين بيتكلم مارون وبيقول:

_شفتي بنتنا وقوتها

فتوني بترد عليه وبتحاول متتوترش ويومها بيحاول مارون يقرب منها لاكن بتقول انها تعبانه وبالفعل بيصدقها وبعد ما بيروحوا في النوم بتطلع صورة أديب الشاب اللي هتروح ليه بكرا عشان مارون يشك فيها لما يشوف صورته وفي

اليوم التاني مارون بيصحى من النوم قبلها وبيشوف الصوره وبيحصيها يسألها وبتحاول تتوتر قدامه عشان يشك لاكن بيقول ان ممكن الصوره تكون بتاعت حد من اللي ماته في الحرب برغم انه مبيكونش متأكد من كلامو اصلآ

وبعدها فتوني بتطلب منو انها تروح تقابل اصحابها وبيوافق وبرغم ان فتوني محدش يقدر يقراء أفكارها لاكنها عرفت تخلي فيفان تقراء أفكارها وتخليها تعرف انها رايحه ل أديب حبيبها ولما مارون بيعرف بيروح وراها وبتطلع فتوني ل أديب وبتكون في حضنه منتظره مارون يجي واول ما بيدخل مارون بتجري هي على تحت وبتركب عربيتها اللي بيكون ميشيل وادونيش حطو فيها تالين وبتسوق فتوني لحد ما بتخبط في شجره عن قصد عشان وقتها تالين كانت فقده الوعي وكانو عايزين مارون يفكر انها كانت فاقده الوعي بسبب الحادثه وبتختفي فتوني وبكدا بيكون مارون شاف ب عينه تالين وهي بتخونه وبتحاول تهرب منو

"بااااااااااك"

بيتكلم بشوي وبيقول:

_شفت بقا انت طلعت غبي قد اي

مارون عيونه بتحمر وعروق وشه بتكون بارزه وبيقول وهو بيدوس على انيابه:

_الحق عليا انا عشان سيبتكم يوم الحرب كان المفروض اشرب من دمكم

بيضحك ادونيس وبيقول:

_ماهي هتبقا واحده ب واحده انت قتلت اخونا وسيبتنا نخرج من الحرب على رجلينا واحنا قتلنا اخوك وهنسيبك تطلع من هنا على رجليك

بيكمل ميشيل وبيقول:

_بس خلي بالك سكوتنا عليك ده مش خوف لاء احنا بنحرق قلبك الأول اعتبره موت ب البطيء