ملاك في أرض مصاصين الدماء♧1♧💥🩸

💮البارت السابع عشر💮

(الحلقه السابعه عشر)

خلص البارت اللي فات لما مارون وصل للدور الرابع ودخل شقه من الشقق وبيتصدم لما بيشوف تالين مراته في حضن شاب عاري الصدر عيونه بتبدأ تحمر وبيقول بغضب:

_تــالــيـــن

تالين بتتخض وبتقوم من مكانها وهي حطه إيديها على قلبها ومارون بيقرب للشاب عشان يموته ووقتها تالين بتهرب

وبالفعل مارون بيقتل الشاب اللي كان مع تالين وبيتجنن لما بيلاقي الشاب ده نفس اللي كان في الصوره وبيبص يشوفها مش بيلاقيها بينزل جري يشوفها كانت راكبه العربيه وبتسوق بسرعه

فضل وراها مسافه طويله لحد ما العربيه بتخبط في شجره مارون بيوقف عربيته وبينزل يشوفها بتكون فاقده الوعي بيشيلها وياخدها عربيته وبيرجع يسوق للقصر

وبعد شويه بيكون وصل القصر وبيدخل من غير ما يعرف حد انه جيه وبيطلع ل اوضه قديمه على سطح القصر بيدخل فيها وهو شايل تالين بيحطها على الأرض وبيرش عليها مياه عشان تفوق وبالفعل بتفوق

وفورآ بيمسكها من شعرها وهو بيقول:

_بتخونيني يا تالين

تالين بتعيط وبتصرخ من الألم وهي بتقول:

_انت بتقول اي  سيب شعري يا مارون

مارون بيتعصب اكتر وبيقول:

_مين ده انطقي وعرفتيه منين

_بتتكلم على مين مش فاهمك بعدين انت ازاي ملاحظتش غيا..

مبتكملش الجمله ومارون بيضربها على وشها بالقلم كذا قلم ورا بعد تالين مكانتش قادره تاخد نفسها وبتعيط ب هيستريه مارون بيحط إيديه حوالينا رقبتها وهو بيحاول يخنقها وبيقول:

_انا متخانش انتي سامعه مش انا اللي تروحي تعرفي واحد عليه انتي سامعه

بيقولها وبيرزع دماغها في الحيطه وبيسيبها وبينزل بعد ما بتفقد الوعي

بينزل اوضته وهو مش عارف يعمل اي يقتلها؟
بس هو بيحبها وروحه فيها اه خانته بس مش هيقدر يستغنى عنها

بيفضل يشرب لحد ما بيسكر وبيطلع ل تالين وهو في إيديه إزازة الخمره وبيرشها بيها عشان تفوق

وبالفعل تالين بتفوق وهي بتكح ومش شايفه كويس من الدم اللي على عنيها ومناخيرها بتتكلم بعياط بخوف وهي بتترعش وبتقول:

_بتمد إيدك عليا يا مارون هونت عليك؟

مارون بيتنرفز بيكسر إزازة الخمره وبيقول:

_وانا هونت عليكي تبقي في حضن غيري هان عليكي الحب اللي بينا هان عليكي تخونيني وانا واثق فيكي كنت واثق ان مفيش غيرك هيعرف يصوني بس كنت غلطان

بتشهق تالين وبتقول:

_حضن غيرك واخونك انت بتقول اي انا مش فاهمه