ملاك في أرض مصاصين الدماء♧1♧💥🩸

💮البارت التاسع عشر وقبل الاخير💮

(الحلقه التاسعة عشر)

(الحلقه التسع عشر وقبل الاخيره)

(في قصر مارون)

كانت تالين واقفه قدام المرايا بتسرح شعرها وبيكون مارون خرج من إلحمام بعد ما بيخلص الشاور

بيقرب ل تالين وبيحضنها من ضهرها وبيقول:

_وحشتيني اوي وتعبان ومهلك من غيرك اوي

تالين بتلف ليه وبتبص ل ملامحه بتحس إنها مبقتش عارفه تحس نفس الاحساس بتاع زمان بتحس ان حبها ليه قل بتحاول تبعد الأفكار دي عن دماغها وبترفع شعر مارون المبلول من على عيونه وبتقول:

_يلا ننام اليوم بكرا طويل

مارون بيهز راسه بمعنى ماشي وبيروح يقفل نور الاوضه وبينامه

(عند ادونيس وميشيل)

بيكونه تحت القصر بتاع مارون ومعاهم مستذئب بيتكلم ميشيل وبيقول للمستذئب:

_حاول تخلص عليها من غير ما تعمل صوت مش عايزين حد يحس

بيرد عليه ادونيس وبيقول:

_طب ما ادخل معاه انا اكتم نفسها وهو يخلص عليها

_فكره برضو بس خلي بالكم وانا مستني هنا

بيدخل ادونيس ومعاه المستذئب وبعد ما ادونيس بيدخل كل الاوض عشان يعرف فين اوضة مامت مارون بيلاقيها وبيدخل المستذئب وفي لمح البصر ادونيس بيكتم نفسها ب المخده والمستذئب بيعض رقبتها اكتر من مره

وبتصبح مامت مارون جسد بلا روح ومش بتلحق حتى تاخد الترياق اللي في السلسله

ادونيس بيكتب رساله ل مارون على المرايا اللي في الاوضه من دم مامته وبياخد المستذئب وبيخرجه من القصر من غير ما حد يحس

(في اوضة مارون)

بيتكلم وبيقول:

_تالين صاحيه

بترد عليه تالين وبتقول:

_امم

_مش عارف ليه بس حاسس ان قلبي مقبوض

_اكيد موت جون مش سهل علينا يا مارون نام يا حبيبي

_طب خديني في حضنك

تالين بتتنهد وبتاخده في حضنها وبتحاول تخليه ينام

(وفي صباح اليوم التاني بداخل القصر)

بيكونوا كلهم مجتمعين تحت وبينزل ليهم مارون وتالين وبيكون بشوي ومارسيل جاهزين عشان يروحه يجيبه العشيره بيتكلم مارون وبيقول:

_متتأخروش وتجيبه العشيره كلها وكلنا هنستعد للحرب لحد ما توصله

بيرد عليه بشوي وبيقول:

_٢٤ ساعه ونكون كلنا هنا

بيقولها وبياخد مارسيل وبيمشو وتالين بتاخد اكل وبتطلع ل كاتيا