كاتبه:زينب صباح
ليله معتمه
______________
كلس كلش تعبت جسمي كام يرجف بقوه وتعب مو طبيعي بجسمي عيوني كامن يقفلن من وحدهم اخر شي شفته السواد فقط
ماريا: ماما كلش تعبت واني تعبت وياها بعدها كالتلي زينه مابيه شي وسدت عيونها نامت كمت مطمأنه رحت جبت الها مي
ماريا: ماما كومي جبتلج مي
ماكو اي استجابه اهز بيها ماتكعد مرن اليوم هاذه وماما ماترضه تكعد اندك الباب مال بيت وحت فتحته شفت خاله ام مسلم
ماريا : هلو خاله شلون
ام مسلم : هلو حبيبتي لعد وين ماما
ماريا: مادري البارحه كلش تعبت ووجها صارت ازرك واصفر وجسمها يرجف بقوه ونامت بعد ماكعدت من البارحه الصبح لسه اكعد بيها ماتكعد
ام مسلم وجها كام يذب اللوان دفعتني ودخلت تركض راحت لغرفه ماما واني بقيت مصدومه دخلت وراها لكيتها حاطه راس ماما وتبجي وتصيح بصوت عالي
ماريا : خاله شبيها ماما ليش تبجين لا تكعديها خليها نايمه
ام مسلم : ولللججج كوميي ليشش تروحيين وتعوفيين طفله مثللل الورد بيد دنييه وصخهه
كعدت يمها ودوعي نزلت بحراره : خاله ماما شبيها ليش تبجين؟
ام مسلم حضنتني وكامت تبجي وكالت : يمه حبيبتي امج راححت راحتت
بقيت مصدومه ماحجيت شي بعدها استوعبت انو ماما ماتت؟ كمت ابجي بصوت عالي كلش والطم على وجهي وشعري ملخته تملخ
كمت اعيط وابجي تمنيت اموت وراها ام مسلم بقت تهديني دفناها واني ميته بجي بس ابجي عليها ووراه مادفناها اجتي ام مسلم وحاجتني كالت
ام مسلم : حبيبتي راح تجين وياي للبيت مالتي اني وحدي بس ابو مسلم وياي ومسلم ومرته تعاي للبيت وعيشي يمي اني مستحيل ابقيج هنا وحدج وانتِ وصيه امج مااعوفج ابد ها شكلتي تجين وياي؟
ماريا : مااعرف ماريد اعوف بيت ماما
ام مسلم : يا حبيبتي البيت راح يبقى الج بس تعيشين يمي واذا تردين كل اسبوع اجيبج هنا شكلتي مستحيل اعوفج وحدج هنا شيصير مايصير يدخلج احد هاا؟
ماريا : تمام خاله بس انتِ وعدتيني تجيبين كل اسبوع
ام مسلم : من هاي قبل هاي
اخذت جنطه وحطيت بيها ملابسي واخذت عطر ماما وصورتها وقطعه من ملابسها ويايه
رحنه لبيت ام مسلم شكله جان عادي مثله مثل اي بيت عراقي جنت لابسه بنطرون اسود وتيشيرت اسود وشعري فاتحته دخلنه للبيت
واستقبلونه مسلم ومرته جانو كلش لطيفين وابو مسلم سلم عليه بس نضراته جانت موراحه ولا شكله وحان يباوعلي من فوك ليجوه بنضرات مدري شلونها بس ماركزت وتجاهلته للموضوع
