الكاتبه : زينب صباح
ليله معتمه
لاتنسون التصويت + التعليق بين الفقرات + متابعه للحساب
_____________
يعقوب : كعدت الصبح على اتصال المسوؤل رديت عليه بسرعه كمت لبست ملابس الدوام واخذت سويجي وطلعت بطريقي واني مستعجل
كلتلهم راح التحق وطلعت من البيت بدون مااسمع شي رحت بسرعه للمركز صاير هجوم
وكبل من المركز طلعت لنينوى بقيت هناك شهر كامل
نارين : طلعت يعقوب من البيت بسرعه وكال على الماشي راح التحق كلنه خفنه عليه خاف صاير شي
او يصير عليه شي بس بعد مرور ساعات خابرنه وطمنه وكال واح ابقه شهر هناك عندي شغل
راح اتاخر وماكوشي وارتاحينه من عرفنه ماكوشي ولا هوه بي شي
كمت للمطبخ اسوي غده الهم جنه كاعدين بالاستقبال مجمعين يشروبن جاي
ويسولفون ويتناقشون على مواضيع مختلفه كمت حتى اسوي عده بقيت صافنه افكر شنو اسوي اكل بالخير مااجه ببالي غير اسوي تمن ومرك فاصوليه
بديت اسوي بالاكل وحسيت اكى احد ورايه ماهتميت بقيت مستمره اسوي الغده
حسيت اكو حركه درت وجهي لكينه مصطفى كاعد على طاوله الطعام ويباوعلي هزيتله راسي بمعنى تريد شي او اكو شي؟
مصطفى : لا هيج كلشي ماكو بس داتفرج عليج وانتِ تسوين اكل
نارين : ليش فلم واني مادري ؟
مصطفى : لا سلامتج كملي عيوني
نارين : مو عيونك اني؟
مصطفى: خلص موعيوني كملي معليج بيه
درت وجهي عنه ورجعت اسوي بالاكل خليت الاكل يتهدر على النار على كيفه ورجعت اسوي زلاطه والمقبلات داكطع بالزلاطه وكال مصطفى
مصطفى : نارين
نارين : نعم
ودرت وجهي عليه حتى اشوفه شيريد هزيتله راسي بمعنى ها
مصطفى : اسمعيني اريد اكلج شغله وره ماتخلصين
نارين : تمام اخلص واحجي واذا تريد هسه معندي شي احجي واسمعك
مصطفى : لا لا كملي واني احجيلج بعدين
نارين : تمام
استغربت منه شنو يريد مني هاي اول مره يكلي اريد احجي وياج بموضوع يعني دائما احنه كلامنه محدود سويه غلست على السالفه
وكلت يمكن عنده شي مهم يريد يكوله فدشي صاير بالدوام اوشي مااهتميت هواي كملت الاكل وصبيته على السفره وكلنه اجمعنه وبدينه ناكل
