الكاتبه : زينب صباح
ليله معتمه
لا تنسون التصويت + والتعليق على الفقرات + متابعه للحساب
_________________
نارين : بهلفتره بديت كلش اميل لمصطفى وبديت احبه ومثل ماكلت هوه كال لاهله عليه وكال بابا عليه وبابا موافق عليه صار يعزمني على مطاعم
ونطلع سويه دائما وطبعاً بموافقه بابا وعلاقتي قوت وي مصطفى
وهم رجع يعقوب من الالتحاق ورجع بعد ما حجه ويه ماريا وكال النه كل المحادثه الي صارت بينهم
فرحنه على خفنه خفنه انو ماتتقبلنه وولا راح ترجع كلش خفت من هاذه الشي
ماريا : كعدت الصبح رحت للدوام وخلصت يومي طبيعي مثل اي يوم عادي وبعدها رحت للشغل بددون نفس ابد مالي خلك شلون راح اقابل ابوي واحجي وياه من بعد كلل هلسنيننننن راح احجي وياه معقوله
لسه مامستوعبه السالفه الي صارت امس وشلون حجيت وي ابن عمي وشلون صار كلهاذه بيوم وليله
لسه مداتخل بالي السالفه كضيت الشغل كله سرحانه ومو مركزه حتى البنات الي ويايه استغربو مني اول البارحه جنت اضحك واسولف
وكلشي مابيه فجأه صرت هيج خلصنه شغل ورحت للبيت اندكت باب البيت لبست صايه فوك هدومي ورحت فتحته لكيت الاثاث وصل
دخلو جماعه ورتبو كلشي واخذت الاثاث القديم اتبرعت بي احسن من ما ابيعه
صار الاثاث مال بيت كلش حلوو وفد عاجبني وباجر راح يجي بابا وابن عمي لازم اشوفهم وكلش متوتره لابعد حدود وخايفه بنفس الوقت ماعرف ليش
صارت الساعه ب 5 العصر كمت بدلت ملابسي وعطرت البيت سمعت الباب اندكت عرفتهم اجو رحت فتحته شفت ابن عمي الي حجه وياي
ووياه شاب ثاني بيهم لمحه من بعض ويمهم رجال مو كلش جبير يعني وسط سلمو ورديت السلام عليهم
ماريا : تفضلو تفضلو
دخلو للبيت دخلتهم للاستقبال ورحت جبت حلويات رتبتها وعصاير حطيتهم الهم على الطاوله ورجعت كعدت
ابراهيم : ماعرفتيني ؟
ماريا : لا منو ؟
ابراهيم : اني ابوج بنيتي هيج ماتذكرينيي معقوله
ماريا : ليش هوه الي يذب بناته ويرجعلهن تريد يذكرنه
ابراهيم : بنتي ولله خجلان ماعرف شكول وكلشي تكولنه حقج
ماريا : طبعاً من حقي اذا مو حقي لعد حقمن
ابراهيم : بنتي صايره چبيره ومره شحلاتج والشعر تخبلين بنت ابوج
