ليله معتمه
الكاتبه:زينب صباح
تصويت + متابعه+تعليق
______________________
ماريا: فزيت بالليل على رغد تكعد بيه
رغد : ماريا كومي كلما اكعد بيج ترجعين تنامين ادري جايه تنامين ماتكليلي
ماريا: كمت كمت
كمت من الفراش رحت للحمام غسلت وجهي وتوضيت وصليت
طلعت حضرت ملابسي ودخلت للحمام سبحت وطلعت مشطت شعري وشسورته
وبدلت لبست بنطرون جينز وهاينك اسود جان بوكتها الجو نهايه الشته يعني لطيف لا هوه بارد ولا هوه حار كلش حلو الجو
وفوكاه جاكيت اسود خفيف وطوله وسط وخليت شعري مفتوح
رحت لرغد وكلت الها
ماريا: يلاا رغود تردين نطلع نتعشى ونفتر ولله جوعانه
رغد : يلا اوك بس ابدل غبيه غير تكوليلي من زمان هيه بدلت بسكوتي وخلتني
ماريا : هههههه يلا ولج كومي
كامت رغد تبدل واني رحعت للغرفه كعدت كدام المرايه وحطيت مرطب لوجهي ومرطب لشفتي بي شويه لون يورد الشفه وحطيت بلشر لخدودي
وحطيت عطر وطلعت لكيت رغد مخلصه لبس
ماريا : هااا يلااا نطللع؟
رغد: اييي يلاا
كمنه نضحك وطلعنه بالسياره طلعنه اغاني نغني ونركص سويه ونفرفر جانت الدنيه ليل واضويه والجو يخبل صورت فيديو للاجواء وهم صورت
اني ورغد بالاغاني والسياره ونشرته بوست على الانستا وسويتلها تاك رحنه لمطعم راقي وكلش حلو كعدنه بي طلبنه اكل
طلبنه بيتزا وكنتاكي وببسي وفنكر وشاورما اليه ولرغد وهم صورت الاكل ونشرته ستوري وسويت الها تاك
رغد فتحت تلفونها ونصدمت من الاضافات الي اجتها
رغد: وللكمم طشييييتت ماريااا سوتلي تااك
كمت اضحك متت من الضحك عليها
رغد: عميييييي شرايحلي وحده عدها متابعين فوكك 100k تسويليي تاكك طشييت عمي
ماريا : اذا هيج السالفه يوميه اسويلج تاك علمود اطشين اكثر
رغد : اي ولله ياريت
كمنه نضحك اني وياها ووصل الاكل وكمنه ناكل خلصنه اكل وكمنه طلعنه نفتر رحنه لحديقه تجنن كلها اضويه وانارات وكلش جانت الاجواء بيها لطيفه
بقينه نتمشى اني ورغد بيها ونسولف اشترينه موطه ونتمشى ونسولف الاجواء جانت اقل مايقال عنها تجنن حرفياً لكينه محل يبيع اكسسوارات وجنط واحذيه دخلنه لكينه ثنين محابس صداقه كلش حلوات جان واحد محفور بي قلب والثاني بي قلب يعني ممحفور كلش حلوات جانن
