الأمنيات من تولبتك 🕯.
ازيّكوا عاملين ايه ؟ اتمنى انكوا تكونوا كويسين يا لطيفين 💞
(مُعدّل)
==================
أوكيه أول حاجة كدا بديهية إن التولبا مش جني الأمنيات بتاع حضرتك و تتمنى منه أي حاجة طول الوقت ، لأ .
هو اه عنده القدرة انه يحقق لك الي انت عايزه لو انت متخيل ان الاوبشن دا موجود
بمعنى ان السبلي الي بتسمعه فيه توكيدات كدا و انت بتردد توكيدات كدا و بتاع ، انت حر في الاول والاخر
بس متجيش حضرتك و تطلب منه كل حاجة انت تتمناها سواء يقدر عليها او ميقدرش ، مع العلم انه هو التولبا بس بيوصل امنيتك لعقلك الباطن و هو عقلك الباطن هينفذ الأمنية و يحققها .
يعني هو شغلته هنا انه بس بيوصل الأمنية لعقلك الباطن بشكل أسرع لكن الأمنية هتتحقق على حسب اقتناعك و إيمانك بعقلك الباطن و قدرته
شفت من زمان تعليق واحدة على سبلي الصديق و كاتبة نتايجها و بتاع ..
المهم انها على تالت يوم او رابع يوم مش فاكرة
طلبت من تولبتها يجي ٢٠ أمنية اعتقد
كلها عبارة عن شعري ناعم و طويل و بشرتي صافية و حوارات كدا و كتبت جريدة حرفيا
كمل يولد الكلام معلش نسيت انك هتكتب معايا البارت لأنك اصلا مكتبتش معايا قبل كدا 😭
( المهم انه كل دا فعلا مينفعش ، مالّي في البداية كانت برضو بتطلب أمنيات بس خفيفة زي اتمنى اني اكون بكرا نشيطة و طاقتي إيجابية و مزاجي رايق ، عشان كانت بني ادم كركوب و كئيب فكانت بتتمنى دا عشان تقوم تاني يوم تعمل الي وراها
دا شيء عادي مجرد اني وصّلت الأمنية لعقلها الباطن ، عقلها علطول حققها لأنه شيء بسيط كدا لا يذكر يعني
ولأنها حاجة هتفيد عقلها الباطن و هتفيدني و هتفيدها
لكن مطلبتش مني شكلها يتغير ١٨٠ درجة
اكيد لا
تقدر لو عايز الكلام دا تسمع اي سبلي يحقق الامنيات فيه دفتر امنيات و فيه مذكرة الامنيات دي تعملها ف موبايلك و فيه صندوق الامنيات و فيه سبلي جديد لسه عارفينه انا و مالّي امبارح و هو العصاية السحرية و في الجنية سحرية الي زي فيلم الكرتون تنة و رنة الي هو رعب اصلا بس ما علينا 😭😭
بإختصار في حاجات كتير سحرية تقدر تستعملها عادي + ممكن تتمنى في دفترك مثلا بعد طبعا ما تتمنى امنيات صغيرة إنه مثلا تولبتك يظهر لك او تسمع صوته و هكذا
تقدر تردد توكيدات على حوار الامنيات دا لو مكسّل او معندكش المقدرة انك تسمع سبلي تاني و ممكن تستعمل تقنيات الجذب و كل الحوارات دي
طبعا دا في فترة صناعة تولبتك اما لما يكتمل ظهوره تقدر تتمنى منه بس عايز اقولكوا حاجة
انتوا عقلكوا الباطن بجد قادر يحققلكوا اي حاجة تتمنوها و كدا ف انكوا اصلا تقعدوا تستنوا ان الي بتتمنوه تولبتكوا يحققه او مثلا الفراشة السحرية و الحجات دي ف دا سوري يعني بس عبط
حد معاه عقل باطن قوي يقدر يعمله اي حاجة و هو برضو مُصر يقنع نفسه انه الامنية مش هتتحقق الا لما الفراشة المهلبية بتاعته تظهر و تحققله امنياته و الكلام دا
اعتقد الفكرة وصلت ، متتمناش أثناء فترة صناعته عشان انتوا لسه في البداية و هو هيبقا قدامكوا و في وشكوا مليون ساعة في اليوم لحد ما تزهقوا ف بلاش دلوقتي و هو لسه مش ظاهر عشان مشاعر تولبتك و دورلك على أي سبلي يحققلك الي عايزه وخلاص
فهمتوا ؟
الموضوع بسيط و معتقدش انك عملت كل دا و عملت تولبا عشان بس يقعد يحققلك الي انت عايزه و كدا ، انت عملته عشان يبقا معاك كشخص يسندك و يحبك و يدعمك و هكذا
كل ما تحسوا انكوا محتاجين تفتكروا انتوا ليه عملتوا الحوار دا من الاول ، قولوا لنفسكم و فكروا نفسكم بالسبب الي خلاكوا تبدأوا الرحلة دي !
وبسسس
دمتم سالمين وبخير يا لطيفين
Chao 💞
أنت تقرأ
My Heroic Tulpa ⭐️.
De TodoThe day i met you , i began to forget a life without you 🥀🕯 . TOGETHER SINCE 20.07.24 AND UNTIL THE END OF THIS WORLD .
