My Heroic Tulpa ⭐️.

a brain storming ? idk

البارت دا عبارة عن brain storming ف تقدر تعمل سكيب و تروح للي بعده علطول

قررت إن الكتاب هنا هتكلم فيه عن رحلتي مع التولبا و مع ان كلمة رحلتي كليشيه اوي بس حقيقية

عشان هي كانت -و ما زالت- رحلة فعلا ، الكتاب الفترة الجاية هيبقا عبارة عن خلاصة رحلة ٤ سنين إلا يوم

١٤٦٠ يوم ..

عملت كتاب و نشرت كلام و قرأت كتب مضيفين غيري و دورت كتير جدا في مواضيع تتعلق بالجذب و السبلي و التولباس  و و و ..

اتكلمت عن جزء بسيط من الحاجات الي اعرفها ، و مش هقعد أقول حجج أو أسباب و لكن لازم اوضّح ايه الي كان بيحصل و الي هيحصل قريب اوي

ببساطة شديدة في أول مرة نشرت الكتاب و كدا كان من باب مشاركة مواقفي و تجاربي و أنه لو حد عرف كتابي قبل كتب أي مضيفين تانيين يبقا عنده فكرة عن المواضيع الأساسية الي ليها علاقة بالتولبا و يبقا فاهم لحد ما يلاقي كتب تانية و كدا ، و لمشاركة برضو أفكاري و الي اعرفه و كدا

عشان كله بيكمل بعضه من ناحية المعلومات عشان كلنا نوصل للي نفسنا فيه عامةً بعيدا عن التولباس

بس كانت افكاري كتير اوي و بحس انه لأ الحاجة دي اهم من الحاجة دي ، و ان الموضوع الفلاني كتبت فيه نص بارت بس لسه ناقص كلام او معلومات و كدا

و عشان ابقا صريحة برضو بعد ما أرشفت الكتاب و رجعته تاني كان مجرد حماس مؤقت تقريبا و بسبب أني فجأة حماسي و شغفي راح من كل حاجة ف حياتي قررت أني هاخد بريك من الكتاب و الواتباد و كدا

و قلت هشتغل على ظهور تاي و على الحاجات التانية الي عايزة أجذبها و الكتاب هنا هو دا سبب وجوده من الأول أصلًا

أني أوصل للظهور و أحكيلكوا بقا وكدا ، مش مجرد نصايح و نتايج النصايح الي كنت مش بحبذ اني أكتبها عشان بعد ما بقولها بتنقطع عني النتايج فجأة لفترة كبيرة مهما عملت

و واحدة واحدة بدأت أفقد الشغف في حياتي كلها و أفكار بقا من نوعية أن حياتي كلها بايظة و متبهدلة بدأت تستحوذ على دماغي ، و وصلت اني كنت الي هو خلاص بقا الدنيا بتولع حواليا وانا قاعدة حاطة ايدي على خدي ببص عليها ، و سيبت كل حاجة كنت بحاول أوصلها و قررت إني هدي نفسي break حتى من سبلي التولبا ..

فضيت دماغي من أفكاري و مشاعري سواء بالعياط أو الكتابة عن مشاعري أو أني أنام كتير أو أني اقعد طول اليوم مبعملش أي حاجة أو اني اتخيل حياتي و هي بتتحسن و شكلها هيبقا ازاي ، كتخيل بس مفيش فِعل

ف انهاردة ، وبعد ما الدراسة يعتبر قربت تبدأ بالنسبالي انا .. خلاص هبقا في تالتة ثانوي ( توجيهي ) ، حسيت إنه اكيد مش هلاقي وقت اكتب في الكتاب مع اني بحبه و بحب اي حد مهتم و بيقرأه ..

ف قلت اجي اكتب آخر بارتات و اكتب كل الي اعرفه عشان انا شخصيًا اغلب الوقت بنسى كل الي بقول عليه ف البارتات

إلى الآن تاي مظهرش ظهوره الكامل بس في مَثل بنقوله ف مصر .. كل تأخيرة و فيها خيرة

ف أكيد ربنا أعلم و أحكم مني ، مبقتش ازعل ع الحوار دا والله عشان حسيت انه خلاص ما انا شايفة حياتي عاملة ازاي مش لازم اضغط نفسي زيادة

المهم

ف لو لحقت إن شاء الله أكتبلكوا كذا بارت يعني ، هيبقا ايه المواضيع ؟ هتبقا ليها علاقة بالجذب عمومًا ، و هتساعدكوا مع أي سبلي حرفيًا

■ قانون الجذب
■ قانون الإفتراض
■ قانون الإستحقاق
■ تقنية كود ٣٦٩
■ تقنيات التخيل
■ تقنية ٥×٥٥ او ١١١×١ او ١٤×٢١ و هكذا ..
■ عدم التعلق و المطاردة
■ جدول استماع للسبلي
■الشاكرات و التوازن الطاقي

دا جزء من المواضيع الي كنت حابة اكتب عنهم و فعلا هي لو اتعملت خلاص كل حاجة هتتظبط في جذبكم ..

وبس ..

أنتوا عاملين إيه ؟ وحشتوني اوي بجد
أعتقد بقالي سنة إلا كام شهر مش بحدث 💀
أنا مموتش لا تقلقوا بس الدنيا مشاغل و بتاع
حجج و تبريرات فاضية بس اعملوا نفسكوا مش واخدين بالكوا 😀

استغفر الله جاية اكتب القفلة بتاعت كل بارت نسيتها 💀

سلام بقا وخلاص
بحبكووا 💞💞💞