فتحنا الصندوق ونشوف اوراق ومستمسكات كلها بأسم ردينه بعدين شفنا صوره طفله وياها أمرآة وايد رجُل بس الصوره جانت مشكوكه والرجال هو الي جان مشكوك مافهمنا معنى الصوره ولا عرفنا منو بيها بعدين ركزنا وفجاءه قبس عاطت
قبس: هاي الطفله ردينه والله باعي شون تشببها مبينه
هي
سميه: صحيح كلش تشبهها
سمعنا صوت ردينه تصيح علينا بسرعه رجعنا الصندوق ولملمنا غراضنا ونزلنا
وريد : هياتنا جينا
ردينه: خلصوا يلا استعجلوا
نزلنا باوعت الساعه 9 بليل اوووه صارلنا شكد ننظف فوك
نمنا بفراشنا وبقينا نلعب مثل كل مره ونحجي الما غفينا
كعدنا نفس كل يوم بس اكو شي غريب
جتي ردينه علينا وحجت الي صدمنا كلنا
ردينه : سمعوني كل فتره يجي شخص ياخذ خدم بنات من هذا الميتم لمن يدخل ال18
وبما انُ انتوا دخلتوا فراح يتم عرضكم كدامه وانتوا وحظكم يا يختاركم يا تتحررون
سميه : هههههه هاي شدتحجي ؟
ردينه: احترمي نفسج سمعتي؟
سميه: شأحترم انتي دتسمعين شدكولين!
ردينه: هذا قانون وهو الي ديدفع فلوس هالميتم كلها يعني اكلج ولبسج كلها منه
سميه: شدتحجين انتي يا لبس هالدشاديش المشگگة وكلنا بيها؟ ... لو الاكل الي عباره عن خبر وجاي واذا تريدين حيل تدارينا تحطينا تمن ابيض! شدتحجين
ردينه تقربت منها ببطئ حاولنا نسحب سميه بس مجلبه انطتها راشدي كلنا انصدمنا منه
ردينه: اني اشوفج شون تتجاوزين
سحبتها من شعرها وكلنا نصيح شمرتها بالمخزن بقوه وقفلت الباب
ردينه : اعلمج شون تتجاوزين على اسيادج اكل ماكو وطلعه ماكو خليج معفنه هنا
وريد: الله يخليج ست طلعيها
ردينه: انتي اسكتي صوتج مااسمعه ولي من وجهي يلا بسرعهه ... سمعونيييي كلكممم تخلصون الشغل والكاكم مزوعين جوه كدامي الي متجي ياويلها مفهوووووووووم؟!
الكل: مفهوم
طلعت وعافتنا لمينا فراشنا بسرعه ونظفنا مثل كل يوم الما جتي ماما .. ماما هي نفسها مره عمو عاصي البواب لان ربتني ودارتني صرت اسميها ماما من اول ماجيت
حفصه : يما بنيات نزلوا جوه تصيحكم الست
باوعنا وحده بوجه الخ وطلعوا سميه دفعوها يمنا
وريد (بهمس): انتي زينه؟
سميه: ليضل بالج ماشي حالي
نزلنا ولكيته نفسه ... اي والله هذا نفسه نفسه الشفته واجه التفت باوعت على سميه تباوعلهم بحقد شكلها متذكره وكف وتقرب علينا ببطئ باوع علينا وحده وحده
وصل يمي واني مدنگه مد ايده ورفع وجهي باوعت لعيونه جانت تخوف مثل عيون الذيب نظرته حاده ماعرف شنو الي جنت افكر بي بالضبط بس ماحسيت على نفسي الا واني ضاربه وجهه بكل قوتي لدرجه انجلخ حاجبه بأظفري تقدموا كلهم الوياه بس هو رفع ايده وسكت باوعلي بأبتسامه ورجع لمكانه
حاتم: هاي منيه؟
ردينه وهي تباوع بخزره: هاي وريد
حاتم : هه اريدها
هنا احس الوقت وكف الساعه بعد متمشي راساً صاحت سميه : لاااا لا الله يخليك عوفها
مجاوبها جتي ردينه وهمست بأذني : الله خلصت مني بس رحتي للاسوء هههه
راساً جروني الزلم الي وياه باوعت للبنات وصرخت بأعلى صوتي :لاااا اسفه لااااا عوفني الله يخليك عوووووفني لتاخذني لاااااااا
شفت البنات شون يبجون ويحاولون يوصلوني بس مجتفيهم ومكدروا باوعتلهم وباوعت للمكان لاخر مره بحياتي جنت دأودعه بعيوني
حطوني بالسياره واني ابجي فجاءه صاح
حاتم: بسسسسس صرعتي راسي كافي
مااهتميت وبقيت ابجي واصيح بأعلى صوتي فجاءه اندارلي وخله براسي شي اسود معرفته شنو
حاتم: افرغه كله براسج هسه والله اذا ماسكتي صوتج مااسمعه تسمعيني
وريد ( بخوف): ه هذا ش شنو
حاتم: فوكاها متعرفه .. هذا مسدس يقتلون بي العالم
وريد: لا لا عفيه لتموتني الله يخليك لا
حاتم: لعد نفسج هذا نفسج اگطعي
وريد: مو اذا اگطعه اموت شون
حاتم : يا الللله يا اللللللللللله
وريد: ب بس بس سكتت والله خلص
بقيت اراقب بالطريق فجاءه وصلت لمكان اقل شي اكوله عنه هو قصر فعلا جان جبير كلش ومليان ناس
نزلوني وهم يدفعون بيه دخلنا للقصر وانصدمت من كبره وجانوا بنات هوايه بي متروس وكلهم لابسين زي خدم نفس الي يلبسوا الخدم بالميتم
تقدم هذا الرجال وشمرني على مرة تطلع بالاربعينات هيج
حاتم: رحمه هاي جديده اريدج تعلميها اصول القصر شنو وتفهميها ماريد خربطه .. وهاهيَ بس هاي الي حتجي هالسنه
رحمه : صار استاذ .. تعالي انتي
اخذتني وياها وهي تحجي
رحمه: باعي لج ماريد خربطه ابداً انتي شكد عمرج
وريد : بعد كم يوم ادخل ال18
رحمه: حلو كلش سمعيني زين هاي لغرفه هي غرفة التبديل هنا تبدلين ملابسج
فتحت الديلاب وكالت : هذا ديلابج الخاص تخلين بي اشيائج هاي اذا عندج اشياء طبعاً هههههه
تقربت وفتحت باب جبيره وجان انصدم بالمنظر
يتبع ...♥️
لتنسون التصويت ومتابعه حساب الروايه موجود بصفحتي الشخصيه
والي يسأل عن الروايه ف الروايه حقيقه♥️
استمتعوا
أنت تقرأ
وريد الحاتم
Romance"وريد الحاتم" في كل قصر هناك غرف عديده وكل غرفه لها احداث قد شهدتها واشخاص كثيرون مروا بها .... ولغرفه ( الحاتم ) احداث خاصه تحمل من الغموض والاسرار ما يثير فضول الجميع ولكن ! هل ياترى سيفتح الحُب الابواب المغلقه ليكشف الاسرار والحقائق ؟ هذا ما سن...
