تقربت وفتحت باب جبيره وجان انصدم بالمنظر
جان مطبخ كلش جبير وكله ناس لابسين ملابس بيضه ويركضون بكل مكان
رحمه : تعالي مريم
التفتت شفت بنيه بعدها شابه وجهه حلو ويفتح النفس تقدمت بأبتسامه : هلوو يحلوه
رحمه : مريم عينج عليها علميها شروط الشغل وشوفيها المكان وانطيها الملابس
مريم : صار ست .. تعالي ويايه حبيبتي
مشينا اني وياها واباوع على العالم وين جنت ووين صرت شنو حيصير بيه وشراح يصير بالبنات معقوله مااشوفهم
بعد؟ .. فقت من شرودي على صوت مريم
مريم : شنو اسمج
وريد : اسمي وريد
مريم: عاشت الاسامي اسمج كل حلو وريد شكد عمرج
وريد: بعد كم يوم ادخل ال 18
مريم : ها العمر كله حبيبتي
وريد بأبتسامه : اشكرج .. وانتي؟
مريم : اني مريم عمري 23 سنه هم جنت بگدج وجابوني هنا من الميتم
وريد: شنو هي هاي عادة عدهم؟
مريم : استاذ حاتم كل كم سنه لمن يكبرون الخدم يروح ويبدلهم من الميتم ببنات اعمارهم مو اقل ال17 سنه
وريد: هاا زين وين اهله
مريم: اشششش ديربالج هالشي محد يسأله هنا ممنوع تسألين ليش بس تنفذين لو حتصيرلج مشاكل وانتبهي من ست رحمه كلش
وريد: ليش هي منيه رحمه
مريم: رحمه رئيسه الخدم هنا والوحيده الي تتواصل وتحجي ويه استاذ حاتم
وريد: يعني تقربله شي هي؟
مريم وهي ترفع جتفها بأستفهام: منعرف الله واعلم .. هسه هاي الج الديلاب
فجاءه سمعت مثل الجرس يدك الله هاي الاجراس بكل مكان ميتم وهنا
وريد: شنو هذا الجرس؟
مريم: هذا معناها استاذ حاتم يريد يجتمع بينا وهاي متصير بكل سنه مره مرتين امشي بسرعه يلا
نزلنا نركض وبسرعه وكفوا كلهم صف واحد ومدنگين ينتظرون استاذ حاتم على كولتهم يجي فجاءه انفتح الباب على الفتحه رفعت راسي وشفته طب شكله يخوف ويمشي بهداوه وبسرعه مادري شون بس ركضه برزانه هههههه تخبلت كمت احجي ويه نفسي
حاتم: اهلاً وسهلاً اني اليوم اجتمعت بيكم اكو قواعد اريد اكولها وتتنفذ بالحرف الواحد مفهوم؟؟
الكل : مفهوم
حاتم: اكو اشياء كل سنه اعيد بيها وهسه حرجع اعيدها واتوقع تعرفوها .. الغرفه الممنوعه .. هالحجي للجدد
غرفه الطابق الثالث اياكم اشوف احد يوصلها او يفتحها او يتقرب منها
وريد: ليش؟
اني كلتها بلا وعي باوعت هو منطيني ظهره سكت وماحجه واباوع الكل يباوعلي مصدوم يربي وين ذبيت روحي اني هسه دسكتي يا وريد
اندار حاتم وباوعلي وتقرب بهدوء وهمس بوجهي : مو اني الي ينكال الي ليش فهمتي؟
بقيت ساكته صاح بصوت: فهمتييييييييي؟
وريد : ا ا اي اي
اندار وحجه بصوت عالي : والله ثم والله اندمكم اشد الندم خلوني اتعامل وياكم بأحترام .. القاعده لثانيه يجيني اي احد ماريد المح طارفكم ولا اسمع صوتكم
رحمه هي الي ترتب وتدز
القاعده الثالثه الالتزام بالنظافه الشخصيه رجاءاً
ماريد اي اوساخ على ملابس او ارضيه او اي مكان
اي خلل عدكم او شكوه رحمه موجوده .. اكو اي اعتراض؟ ... ممتاز تكدرون تكملون شغلكم
طلع واباوع محد يحجي وياه كلمه شنو من تسلط هذا شنو شايف نفسه وشهالغرفه الي ممنوع ندخلها وليش؟
والله حشوف العجايب ويه هالقصر الظاهر
مريم: يلا حبيبتي تعاي انطيج الملابس حتى نبدي
رحت وياها دلتني مكان نومتي غرفه بسيطه صغيره بيها
تلفزيون وجربايه وحمام ماشاءلله هاي الخدم هيج لعد الضيوف شون .. فتحت الكنتور حاطيلي بي ملابس ومبينه جديده .. ولو بيها كبر شويه بس ماشي حالها
لبست ملابس الخدم وطلعت اباوع ممر طويل كلش وبنهايته مطبخ .. طبيت لكيتها كاعد تثرم رحت يمها
وريد: شنو مطلوب مني هسه؟
مريم: خليني اشوف الجدول اصبري.. وريد باعي هذا الجدول وهياته اسمج وهنا مهامج مال كل يوم
باوعت ورقه جبيره بيها كل شخص واعماله كل يوميه هاي شنو شون عايشين يربي.. باوعت اسمي مكتوب جديد اخر شي .. يوم الاحد الي هو اليوم .. تنظيف صاله الضيوف
وريد: اوك منين اخذ مستلزمات التنظيف
مريم : يمج بالمخزن هناك كل الغراض
التفت مكان ما اشرت ورحت فتحت الباب يمه قوي اجر بي مينجر الا كل قوتي يلا انفتح بحيث رجعت ليوره .. خرب بحظي حاتم و ردينه نفس الشي
دخلت مكان جبير بي شكو منظفات شكو شي ممكن احتاجه اخذت سله ولميت .. داخله سوبر ماركت ما شاءالله لميتهم وطلعت دلتني مريم ورحت للغرفه اباوعلها يمكن 50 ، 40 متر بدون مبالغه يعني يومين متكمل هاي شون باوعت واذكرت البنات من جنه نشتغل سوه ونحجي بأحلامنا وانه حيجي يوم ونحققها سوه .. معقوله مااشوفهم بعد؟ بهالسهوله هاي؟ نزلت دموعي مسحتها بسرعه مستحيل اخلي احد يشوفها هنا اني قويه حتجاوز اكيد .. كفيت رداني وبلشت اجرجر وامسح واكنس ياربي اوووف والله تعبت من هسه
رفعت راسي ب12 بليل عزه بعيني ولا انتبهت
يلا مبقالي شي خلصت .. وصلت للباب دألم بالغراض وفجاءه حسيت بصوت يصيح : انتي منو؟؟
يتبع ...♥️
لتنسون التعليقات بين الفقرات والتصويتات
أنت تقرأ
وريد الحاتم
Romance"وريد الحاتم" في كل قصر هناك غرف عديده وكل غرفه لها احداث قد شهدتها واشخاص كثيرون مروا بها .... ولغرفه ( الحاتم ) احداث خاصه تحمل من الغموض والاسرار ما يثير فضول الجميع ولكن ! هل ياترى سيفتح الحُب الابواب المغلقه ليكشف الاسرار والحقائق ؟ هذا ما سن...
