وريد الحاتم

بارت 5

مريم : لج اكيد حتحجيله اكيد

وريد: ومتحجيله ياريت يطردني اني اريده يعوفني اصلا

مريم: لج كل عقلج يعوفج يلعب بيج لعب يدمرج ولا ينطيج حريتج تعالي خل نلفها تعالي

وريد: عوفيني مريم ماريد حروح انام

مريم: لا الفها وروحي مو بكيفج تعالي

لفت ايدي وعقمتها وكمت رحت لغرفتي قفلت الباب وبجيت بجيت الما تعبت ياربي خلصني من هالعذاب شنو مسويه حتى هيج يصير بيه لا اهل لا سند وهسه حتى حريتي انأخذت يارب انت الوحيد تعرف بحالتي يارب غفيت ماحسيت الا على دكه الباب رحمه تصيحلي كمت فتحت الباب وماجاوبتها رحت غسلت ورجعت باوع عيوني منفوخه وجواها سواد بشرتي شاحبه فليت شعري ومشطته بسرعه تقطع بيدي لميته وبدلت وطلعت بلا اي روح بس يوم يمشي وخلص كمت اخذ الاكل اودي ديتريگ السيد داطب واسمعه واكف ووياه وحده تحجي

ايمان: اي استاذ سمعتها بأذني

حاتم: وهسه شتريدين؟

ايمان: غير تطردها؟

تقرب وباوعلها بنظره برود: هه منا ورايح اسئلج شون اتصرف مو ايمان؟

ايمان: لا استاذ بس

حاتم: اذا ماعندج شي تكدرين تروحين لشغلج

.
.
مرت من يمي باوعتلها بأبتسامه ورحت اقدم بالاكل التفت شافني سكت وكعد يگلب بتلفونه خلصنا نقل الاكل كمت اشوف جدولي اليوم تنظيف الهول حلو كلش

مريم: صباحووووو

وريد: ههههه صباحو شو ماشفتج على الريوگ

مريم: عليه السطح اليوم جنت اسوي بي كعدت من وكت

وريد: حلوو صايره نشيطه

مريم: هههههه شعبالج لعد

رحمه: التموا هنا يلا بسرعه عندي قرار جديد

باوعنا كلنا عليها وانصدمت

وريد: شنووو ليش انيييي!!!!

رحمه: اوامر سيد حاتم تطبخين لمده اسبوع

وريد: بس اني مااعرف حتى اطبخ

مشت كدامي وشمرت كتاب جبير

رحمه: سهله هذا الكتاب اقري وتعرفين بي كل الوصفات بس قبلها لازم تسألين استاذ حاتم شيريد يلا

عافتني وراحت كعدت واني صافنه على تصرفاته شنو ليش هيج ديسوي شيريد بالضبط مني هذا

مريم: وريد كومي شوفي لتسوين مشكله

وريد: شو منو مفكر نفسه هذا

مريم: ترا انتي خدامه يمه وريد!!

وريد: هه اي اعرف بس ليش ديشد ويايه اني بالذات ليش يحب يذلني ويقهرني اني شنو سويتله

مريم: مااعرف كومي هسه يلا