# الحب للجميلات فقط
#زينب_المندلاوي
الحلقة الثانية...
بلسم...
مصعب ماكو عنه خبر
والايام تمشي بالكوه علينا
اصعب شعور هو الانتظار..
وخاصة لمن تنتظر عزيز على گلبك.. وانت تدري انو احتمال مايرجع بعد...
اي...
مصعب اتأسر بالحرب
وذيج روحته بعد ماكو منها رجعه..
لاشاف بنتنا ولا شالها ولا يعرف
اني ولدت...
مصعب راح وتركني اني اجرع
مرار الفراگ...
عمي..
زوجة عمي واني اكثر المتاذين
اما البقية فيعني عادي تمر ايامهم...
اخويه جاسم كال لعمي بعد ميصير بلسم تضل عدكم وانتوا عدكم ولد شباب...
ولازم تجي تعيش عدنا...
..
طلب من عمي يحاجي عمي الجبير حازم اللي يملك نص البستان انو يبنيله مشتمل اصغير اله ولزوجته وهذا البيت الي كاعدين بي هسه يبقى الي ولامي
...
عمي كاله الله كريم وراح احاجي
وفعلاً حاجاا وعمي كال اني اعرف جاسم ماعنده امكانيه البناء
لذلك ابنيله اني وااجره خما يريد اكعده بلوشي....
وصار حجي من الطرفين وجاسم
بالبداية جان مراضي بمبلغ الايجار
وبعدين ومن بعد مفاوضات
قبل...
بس كال زيد اجور تعبي بالبستان...
وبالكوه عمي ابو مصعب قنع عمي حازم يزيدله الاجور......
...
مرت الاشهر وكمل بناء المشتمل طبعاً هو بناء بسيط ماخوذ من نفس مكان البيت او نكدر نكول هو بصف البيت الكاعدين بي هسه والبناء
عباره عن غرفه نوم وصاله وحمام
ومطبخ ونفس الحوش مال اهلي
يعني يفصلنا بس الحايط..
انتقل جاسم لبيته واني لميت هدومنا وغراضنا اني ونور
وانتقلت يم امي....
مرت عمي جانت مو هلكد تحبها لنوره وتكول وجها نحس علينا...
وعمي جان ما يرضى بهل كلام
ويحجي عليها...
وحمويني يصيحولها وجه الفگر
عود علساس يشاقون او مرات من صدگ يحجوها...
يوجعني من اشوفها هي تضحكلهم ومتعرف همة شديكلولها...
طفله اقل السنه وهيج يدلعوها
ابدال ما يحبوها ويتمسكون بيها..
...
عمي خلالي مصرف الي والها
شي بسيط يعني مكفينا...
ومرات يجيبلنا مسواك
وجاسم من تروح زبيده زوجته
يجي يمنا وتتغير اطباعه ويرجع
ذاك جاسم القديم قبل ما يتزوج
...
وبس ترجع زبيده خانم
ترجع توز باذانه وتحرضه علينه..
زبيده شخصيتها قويه وتلعب عل حبلين...
واخويه جاسم يخاف منها ويمشي بحجيها...
مرات أتمنى لو يرجع بيه الزمان
وارجع لقبل ما اتزوج مصعب...
واعاند وما اتزوج واكمل دراسه..
وهناك واتذكر حالنه وشلون جنه عايشين وشصار بينه بعد ما اتوفى ابويه وشلون اتبهذلنا وراا...
...
ابويه لو ما ميت جان هسه اني
مكمله دراسة وصايره فد شي
مجان هيج حالي...
