الحب للجميلات فقط
#زينب_المندلاوي
البارت الحادي عشر....
طرقت باب الحب
ولم يطرق الحب بابي...
...
فقط جعلني اتوه في دروب
المشاعر.......
نور...
اقرا الكلام الي بينهم بالرسائل
وابجي واذب رساله واخذ غيرها
اريد استوعب...
اشكد اني غبيه...
واشكد همة يحبون بعض...
واشكد وجودي غلطه ابينهم..
زين ليش متزوجها لعد..
وهيام ورايه تقرا وتنصدم...
اخر ورقه جانت مغلفه بجلاد
شلت الجلاد منها...
مكتوب بيها.......
(هاي بس علمود تعرفين
احنه اشكد نحب بعض..
واول وتالي راح نوكف ابوجه الكل ونتزوج..
وادا عندج ذرة كرامه طلعي من حياتنه.....
واذا ماعندج كرامه
فتحملي شراح يصير بيج...
كتبنا هاي الرساله اني وانس...)
اديه صارت ترجف وهيام اخذتها من ايدي
وقرتها... صاحت
سافلين ثنينهم...
وكامت لمت الأوراق واخذتهن
وكالت
اذا انتي متسوين شي اني اسوي
....
راحت على امي وراوتها الرسائل
وخالي ومرته جانوا يمنا..
وخالي عصب...
واخذهن لابويه للدكان..
ماطول نص ساعة
وابويه رجع والمناقشات وصوت الصياح عله....
ابويه يصيح اني من البداية
ماجنت راضي
واعرفهم ذولي كرابه امي كلهم
ساقطين...
بس ابويه وامي لحوا.
اجة عليه..
شوفي لج العصر اخذج للشيخ
واطلگج غيابي وحلگج ماتفكينه...
وبس اشوفه لحجي خميس اكوله
تعال گبع واخذها للبنيه..
الا اكسر خشمهم وازوجج لواحد محترم يسواهم...
اني تالي عمري يرخصون بنتي
ثنين سافلين
هسه اروح اخابرهم وابرد گلبي بيهم...
وخلي يجون من سطلة الزبل ياخذون نيشانهم...
لمي الصخام مالتهم خلي باجر يجون ياخذونه...
يللله.....
امي تفرك بجتوفي وتگوله على كيفك وياهة
قابل هي اختارت لروحها
هيج موقف...
..
طلع ابويه وبيده الرسائل
وراح معصب لبيت جدي
ومناك حسب ما سولفت بعدين عمتي خالده
ابويه مراويهن لجدي
ومخابر عليهم وغاسلهم غسل
وكايللهم
تجون تاخذون نيشانكم من الزباله
وكوم متعارك وياهم
...
من گد ما بجيت احس براسي
صار ثكيل وجفن عيني اثكل..
واخر شي سمعته
باجر يجون ام انس وابو وهو
يجون يطلگون وياخذون نيشانهم
...
نمت من التعب
وماحسيت الا وامي تگعدني
جانت بالعشره الصبح..
گمت غسلت
وابويه مجان رايح للدكان
وگف على راسي..
وحجة..
راح يوصلون ذولي السفله
واول ما يوصلون نروح للشيخ نطلگ
مكياج وكشخه ما اريد
متباوعين عليهم
ومتحجين وياهم...
ولا كلمه
ولا حرف
ونيشانهم خلي بعلاليگ الزباله
دا انطيهم ياا...
