الحب للجميلات فقط
#زينب_المندلاوي
البارت الخامس عشر....
ميسون.....
بعد ايام من العقد مالت الشيخ
اخذوني للمحمة وعقدنا هناك..
..
وبعدها رحنا للسوك اشترولي حلقة وتراجي وگلاده..
والملابس كتلهم انطوني الفلوس
واني اخذ...
لان اعرف بروحي قياسات خاصة
وصعب الگة
ومثل الي ماعجبهم...
خوبن جاسم ولا حرف
ولا كلمة حسبالك جارينه جر وجايبي...
كلشي وكال بكيفكم
انوب يخن من يحجي عبالك
واحد منشول...
مبين من اولها ابن ماما...
بس يله ميخالف مو همزين اتزوجت...
بعدها بيومين اجة جاسم
وكعدنا بالصاله واني رحت لبست ثوب كودري ماروني وفكيت شعري وخليت هيج مكياج خفيف...
ورحت كعدت يمه...
شو هذا عينه بس على التلفزيون
عبالك ماعدهم ابيتهم تلفزيون
وجاي يباوع عدنا...
...
رحت جبتلة عصير
واحاول ادلع علي...
وهو ماكو...
حايط ومسفوط على الكرويته
...
اخر شي كام وخله ايده بجيبه طلع مبلغ بسيط وكالي هذا المبلغ اشتري بي ملابس...
وشوفيلي طريق...
اترخص أني....
... يربي حتى ما كلف نفسه
ولاحجة شي ولا ركز
ولا عبالك زوجته اني..
عبالك فد مريه كاعده بصفه بالكيه
دفع الكروه الها وراح...
...
عجيب امره اني الي اعرفه
المخطوبين ايصير بينهم غزل
ورومانسيه...
شو هذا ولا شي...
يله يجوز خجول...
.....
بعد مده وطبعا المبلغ جان
ميكفي بس دبرتها شلون مجان
همة اشتروا غرفه تركيه بسيطه
يعني مو من الغاليات...
وكملوا ترتيبها واجو جاسم ووفاء
واخذوني اشوفها...
الغرفه جوه...
واكو غرفه ثانيه بسدها
غرفة امه وسناء
والفوك لوفاء واولادها...
.. اجت بنتها تاره وسلمت عليه
بنيه شابه كلش حلوه...
وابنها سلم وطلع..
واسمه حسين...
وهم كلش حلو وعيونه ملونه
ولا يشبههم...
اولادها كبار ما شاء الله...
رحت للغرفه
شفتها حلوه ومرتبه...
يعني صح مو من الغاليات
بس يعني زينه... ومابيها عيب...
والبردات هم زينات يعني همة هم مثلنا اظاهر من اثاثهم مبين
ميهتمون بالكماليات...
...
كل هذا ميهمني
المهم انسعد واعيش حالي حال اي بنت تكون عائلة....
وتتزوج وتستقر......
قبل المغرب رجعني جاسم
طبعاً اشتره سيارة اجرة
موديلها قديم...
وحسب كلام اخته وفاء
كالت اني داينته...
...
جاسم من بعد الدوام يشتغل
تكسي....
رجله بدات تتحسن بس يعرج
عليها شويه....
ومع هذا بعده يستند بالعكازه
...
بعد مدة....
ميسون...
اليوم هو سابع يوم الي من زواجي...
لبست قفطان خالتي ام سمر جابته الي...
هديه...
ومكيجت هيج مكياج بسيط
يعني هي حفلة ابينه..
...
اجو اهلي..
وزوجة خالي وجناينها...
وخالتي...
وهمة هم بيت خالاتهم
وخوالهم...
وشكم مريه من جوارينهم...
وامي الله يسلمها..
جانت جايبتلي براد هديه
واخواني كلمن مبلغ بسيط
يعني احرجوني...
المفروض جان يجيبولي شي يرفع الراس وافتخر بي..
بس بعد مو بيدهم...
من يوم يومهم هيج...
وجايبتلي عود علساس نوزع للعالم
كارتونه كيك ودسته عصير ابو الكارتونه...
اصلا يادوب يكفي اهلي ومعازيمهم...
وامه كامت ادردم
ووفاء عسريع راحت جابت من الاسواق الي يمهم بعد
فوگاهن
بس شنو وحده تباوع للثانيه وفاء وسناء وامهن...
ومعاجبهم...
يعني همة حقهم اهلي فشلوني
..
مع العلم جاسم واهله
هم من هسه وصارلي اسبوع عروسه بس لاحظتهم هم بخلاء
بگلبي كلت وين ما اروح
الفگر گدامي...
