رحلة حب

البارت الأول🤍✨

في مستشفى خاصه كبيره كانت واقفه بتستعد إنها تمشي بعد ما خلصت الشيفت بتاعها

اتفجأت بدخوله ليها مجروح في جنبه

:نور انت كويس حصل إيه ؟

نور:إهدي يا مريم جرح بسيط واستنيت الكل يمشي عشان اطلع ليكي تعالجيه

بتبتص على الجرح بتفقد وبتروح تجيب حقنة البنج وبتيجي ناحيته

نور:مش عايز بنج خيطي من غيره

مريم:الجرح مش بيوجعك؟

نور:لأ ده اللي بيوجعني

بيقولها وبيشاور على قلبه

مريم:ده علاجه مش عندي يا نور

نور:امال عند مين؟

مريم:عندك انت

بتقولها وبتخيط ليه الجرح بعد ما بتنضفه وبتبص ليه وبتقول:يومين والسلك هيتفك لوحده

نور بيبص ليها ومش بيرد عينه بتكون في عينيها وعلى شفايفها

بتتوتر وبتقول:هكتب ليك على مسكن كويس هيريحك

بتقولها وبتقوم تجيب قلم وورقه وفي وسط ما هي بتكتب ليه العلاج بيقوم يقف بيشدها من إيديها وبياخدها في حضنه بتفجاء من الحركه دي والقلم بيقع من إيديها

مريم:نور ابعد مينفعش كدا

نور:محتاج لحضنك يا مريم محتاجك جنبي

مريم:مانت اللي اختارت يا نور كان بإيدك اكون معاك وفي حضنك بس انت اختارت طريق تاني

بيبعد عنها بهدوء وبيقول:متعودتش اسيب طريق في نصه هكمل طريقي وارجع اخدك

بيقولها وبيمشي وبيقف لما بيسمع صوتها

مريم:هشوفك تاني ؟

نور:مش عارف طريقي مجهول

مريم:هستانك بكرا لو مجتش بكرا يبقى كل الأيام بكرا لحد ما ترجع يا نور

بتقولها مريم وبتقعد وبتحط راسها ما بين إيديها وبتبكي في صمت

"اســـتــوب"

نعرفكم على ابطالنا بعدين نكمل قصتنا.

(نـــــور هــــلال درويـــش)
شهير بـ نور درويش شاب خريج صيدلة عنده ٢٩ سنه وسيم الوسامة العادية مش الواو عادي لكن العادي بتاعه مبُهر يتيم الأم والأب وعايش مع صديق ليه محبوب ما بين الكل،وكل همه في الحياة إنه ينتقم من ناس معينة هنعرف قصتهم بعدين

(مــــريـــم جــــلال مـــحــــمـــد)
بنت جميلة عندها ٢٥ سنة خريجة طب قسم جراحة دكتوره شاطره وليها مكانها ملامحها مميزه ببشرتها الخمريه وعينيها العسلي وعندها نمش خفيف باباها ومامتها منفصلين وهي عايشة مع جدتها وحبها لـ نور كان عن طريق الصدفة

نكمل قصتنا وبقيت الشخصايات هنعرفها مع بقيت الأحداث

بقلم#شهد_محمد_جادالله