>
بعد مرور 3 شهور حمد خطب حمده وافقه وعرسهم عقب شهر وحمدان واحمد باقلهم 2 سبوعين ويردون ومهاري تفكر تغير رقمها لانه رشود لعوزها ومريوم مستانسه عشان حمد بياخد ربيعتها حمده وشذى كملت جامعه
عند قوم حمدان
حمدان:ما اصدق بقلنا يومين وبرد ولله مستانس
احمد:ولله حتى انا ما اصدق
حمدان:اول ما بوصل الامارات بيلس مع اهلي واخر شي بروح عند ربع وما بصيح مهاري خلاص حسيت بغلاتها ولله شتقت حق خبالها
احمد:اخاف يوم ايي عندكم البيت القاك مزعلنها وتصيح
حمدان:لا مستحيل بس مهاري يوم كلمتني تبا تغير رقمها
احمد:ليش
حمدان:ما عرف ما طاعت تقولي سالتها اذا حط مضايجنها ولا شي ما طاعت تقول
احمد:انته يوم تسير هناك سالها
وعند مهاري كانت يالسه مع حمد ومايد فصاله
مهاري:الله بعد شهر بتعرس كيف بيكون شكلك حمود ولله بتكون كيوت
حمد:ايه انا بعرس وانتي تقوليلي حمود لو بعدي اصغر عيالج
مهاري:اوه سوري تعرفون شو ذكرت
حمد+مايد:شو ؟
مهاري:يوم حمدان سو حادث ورقدوه فالمستشفى
حمد:لا ذكريني بذيج الايام دخيلج
مايد:وانتي شو ذكرج فهاي سالفه
مهاري:ما اعرف من كم من يوم كل ما ايلس بروحي اذكر هسالفه
حمد:اقول صح ليش تبين تغيرين رقمج
مهاري:بقولك بس لا تهزبني دخيلك
حمد:قولي ما بهزبج
مهاري(توها بتقول حق حمد ويدق تلفونها وكان رشود داق):هاسبب واحمد من 3 شهور وهو يدق قلت بيمل وما بيدق وما ملا وحتى اسويله طاف وبعده
حمد:هاتي تلفون بهزبه حقج
مهاري:ها خذ ما اوصيك خله يصيح
حمد(يرد):الو
رشود(فخاطره يا ويلي هذا حمد رحنا فيها):الو
حمد:منو متصل
رشود:سلام عليكم
حمد:سلام قلت منو المتصل
رشود:مش هذا تلفون خالد
حمد:لا اخوي غلطان ورجائن مره ثانيه لا تتصل على ها لموبايل
رشود:اسف اخوي
حمد:ولله لو دقيت على هتلفون مره ثانيه ياويلك فاهم
رشود:اخوي غلطان خلاص اسف
حمد:يلاه باي
رشود:باي(وبند)
مهاري:عاش حمود عاش
حمد:مسكي مره ثانيه اذا دق على طول يبيلي الموبايل
مهاري:اوكيه
مايد:سمعي اذا دق سويله طاف ليش تعورون اعصابكم على واحد ما يستاهل
حمد:صدقك بس ها لشكال ما يمشون الا بهزاب
وعند رشود
رشود(يفكر):ليش قالت حق حمد ولا يمكن ما قلتله وتلفونه كان فصاله وحمد رد يمكن سويتلها مشكله
وطالع بسرعه من حجرته وراح صوب حجرت حصوه
رشود يدق الباب
حصوه:دخل
رشود:حصوه بسرعه دقي مهره
حصوه:ما بدقلها عقب شويه بتي عندي
رشود:انتي دقي
حصوه:ليش
رشود:بس اريد اسمع صوتها
حصوه:روح مش افضتلك
رشود:اوكيه لا دقين (وراح)
وعند قوم ابو هزاع
هزاع وامه وابوه وفطوم يالسين فصاله
هزاع:مته بتخطبولي
ام هزاع:يوم تخلاص جامعه
هزاع:خلاص ما بقي شي شهر ها وبعدين بخلاص
ابو هزاع:يا ولدي وين وحده بترض فيك وانته ما تشتغل
هزاع:بشتغل وياك فشركه
ابو هزاع:انا موافق تشتغل عندي
ام هزاع:انزين وحده فخاطرك ولا ادورلك
فطوم:لا تدوريله في وحده فباله وهي مريوم بنت محمدال........ي اخت مهاري
هزاع:ايه حد سالج هيه انا ابا مريم
ام هزاع:وانته وين شفته عشان تباها
هزاع:فطوم يوم ترد من عند قوم مهاري تيلس تسولفلي عنه وانتي مره بعد قلتيلي يوم كنا فالندن
ام هزاع:هيه البنت ما عليه كلامه وبنت ناس وعرب بس يمكن حد خطبها
فطوم:لا كل ما حد يخطبها ترفضه وهذا بعد برفضه
هزاع:يالخايسه لا تقولين جيه
ابو هزاع:خلاص بنخطبلك ياها
