" قيود الذڪريات🦅 "
' بــقلمَـي انا الڪاتبة شهد هادي '
' لا تنسون المتابعة + التصويت + التعليق بين الفقرات '
▪︎ يـلا نبــلش ••••
┉┅━━━━━━━━━┅┉
- سارة :- ڪملنة مشي للمطبخ واني ساندتة وصلنة للمطبخ كعد على الكرسي اسوي اكل وهوه عيونة ما نزلت عني .
- غلست وسويت نفسي مـُو يمي الموضوع
- سراج :- شراح تسويلي اكل ؟
- سارة :- بيض وطماطة وجبن هم اكو اذا تحب !
- سراج :- بس ڪون ما تسمم اليوم .
- يحجي وهوه ڪاتم ضحكتة التفتت علية وعيوني صارت بعيونة واصبعي ماشر بتجاهه بحده .
- سارة :- على فكرة اذا ما عندك ثقة تكدر تكعد خالة تسويلك اكل وبعدين ليش اسممك؟ شعندي وياك ثار مثلا ؟
- سراج :- على ڪيفج عمو على ڪيفج شحجينة تره جنت اشاقة يمة مـُو لسان تكول بيكيسي .
- سارة :- نننننننن . لتلهيني خلي اكمل .
- سراج :- ڪملي عيني كملي .
- ڪملت الاكل حظرته وخليتة كدامة طلعت ببسي وانطيتة اله ردت اروح لزمني من ايدي ستوقفني ڪلامة .
- سراج :- سارة ضلي هنا يمي لا تروحين .
- سارة :- نعست حيل سراج ما اقاوم بعد
- سراج :- مثل متردين براحتج .
- سارة :- تصبح على خير ولاتنسى باجر تاخذ علاج تمام .
- سراج :- تمام ما راح انسى .
- صعدت نمت وكعدت رحت لدوام طبعا اني ورغدة صرنة مثل الغربة أكثر من مرة حاولت تحجي وياية بس ابتعد عنها وما انطيها مجال .
- خلصت فلوسي والمصرف مالتي ميكفي حرت شسوي لازم اشتغل واعتمد على نفسي مستحيل اظل على هذا الوضع .
- بــس شلون و وين الكة شغل والمن اروح راسي صار ياذيني من ڪثر التفكير .
- اجة بالي سراج ڪلت اكلة بلكي يساعدني ما عندي غير حل .
- رفعت شفت صديقتي جنات جاية بتجاهي عزمتني على حفلة عيد ميلادها بمنتهه مرتب ؏ ساعة 6 العصر .
- ڪالت اني واخوية نجي ناخذج ونروح كتلهه تمام .
- خلص الدوام ورجعت للبيت لكيت خالة حفصة كالعادة محظرة الغدة اتغديت وصعدت صليت ونمت .
أنت تقرأ
قيود الذكريات
غموض / إثارةهي تلك المرأة التي تشطب ڪُل عناوين النساء وتجعلهن إشاعة • وهوه صندق مقفل يحمل في طيـاته المجهول الممتنع شخصية جبروتيه لا تلتفت لاحد • فهل تسطيع تلك الحسناء فتح ذالك الصندق والكشف عن المجهول ؟ وهل لذالك ثمن ! # الرواية باللهجة العراقية .
