قضبان من نيران

بارت العاشر

للكاتبة: زهراء الموسوي.

انه الزرعت الشمس
وأبيتي مامش ضوه
لأهل الحظوظ الرطب
واحنه سهمنه النوه

____________________________

وية ما دفعتني نزل لخاولي بسع دارت
وجهة وجريت لخاولي وكمت لفيته

غيث ... هههههه بوية على كيفج شبيج
مستعجلة.

هية كامت بسع وراحت للمطبخ وانا سحبت
جنطي ورحت للغرفة طلعت تراك لبسته
وطلعت لمشط مشطت شعري ورحت
تمددت عالقنفة ضل بالي على صبعها
كمت للمطبخ شفتهة كاعدة عفتهة وطلعت
للصيدلية قريبة علينة رحت جبت لاسق
جروح وكطن ومعقم ولاسق عريض خاف
نحتاجهن حاسبته ورجعت للشقة هية على
نفس كعدتهة كعدت كبالهة وجاي الزم رجلهة
بسع رادت تكوم جريتهة من ايدهة وخزرتهة
واشرتهن تثبت ياربي احس اتعامل وية طرشة
رجعت اسحب برجلهة وهية مصرة ماتمدهة
عاد صرخت وجريتهة كوة موتتتني شهل
ضيم جرحها بسيط كلش شخط بس عيارة
وكلت اعقمهة واصير بطل الجروح كدامهة
وخليت لاسق عليهة شلت لغراض وكمت
خليتهن بالجرار بالصالة ورحت تمددت عالقنفة
لان تعبت ليوم حيل نمت ومادريت بروحي
لليل يلاا فزيت كمت جوعان اخذت لسويج
ولمفاتيح قفلت الشقة ورحت جبت عشة
ورجعت خليت الاكل على ميز لطعام وصحتلهة
هية اجت اشرتلهة تكعد حكرتني وراحت للغرفة
بوياي وعلي اذا ما اتوبها ماطلع غيث تحكرني
بت لنعل انا الهة كعدت اكل بس وين شايط
ماكملت رحت قفلت لباب وطلعت افتر بالسيارة
ودك جهازي شفته جمال اخوي رديت.

جمال 📱... الو غيث.

غيث 📱... هلاا ابو علي شلونك.

جمال 📱... نحمد الله انت شلونك امورك.

غيث 📱... على الله.

جمال 📱... شنو ماطلعت نزلتك ترا طولت
علينه رد شنو حالف على الفلوجة انت.

غيث 📱... ههههههههه لا انشاء الله هالايام
تلكاني يمكم بس اكمل كم شغلة بقتلي.

جمال 📱... اي عفية ومنا امك خبصتنه
وماتنام بس تبجي عليك.

غيث 📱 ... ههههههه لا تحسبون بخير انا
بس اندعولي وانشاء الله يمكم لاحد.

جمال 📱 ... حبيبي سلمنه على الشباب.

غيث 📱... يوصل وانت هم سلملي على
لعايلة.

كمت احجي ويا كملت ونهيت لاتصال بقيت
كاعد وصافن نوب اتصلت على صديقي
اريد سبلتين يجيبلي بالاقصاد وبنكات اشدهن
لشقة حارة رجعت للبيت ورا ساعة اجه
صاحبي جايب لشغلات وهم معداته انا
اعرف اشد سبالت فتحت لشقة ودخلت
قبله جانت كاعدة سحبتهة ودخلتهة
للحمام ورجعت لصاحبي دخلته ولتهينة
نشد بيهن كلش تعبنه شدينه بس لسبالت
وباجر انا اشد لبنكات كملت وكعدت
فكرت اجيب معلمة تعلمهة لغتنه خلص
ليوم وكلت لازم اطلع اتسوگ واجيب
لنقوصات لثاني يوم كعدت لصبح رحت
غسلت لكيتهة كاعدة رحت بدلت وطلعت
لصاحبي سحبت فلوس منع على ماارجع
لبيت اهلي لان فلوسي ضامهن هناك
وطلعت للسوگ رحت جبت سيت جدورة
وبيهة طاوات وكلاصات وخواشيك وسجين
هذن نحتاجهن اكثر شي ونوب رحت
جبت خاوليات وصابون وشامبو واحتياجات
لحمام جبتهن ونوب تسوكت مسواگ لبيت
خل نشوف طبخها بلاا نهبت من لمطاعم
كملت رغم اكو نقوصات ماعرف شنو اجيب
بعد مريت على محل ملابس نسائية
دخلت جان اكو بنية تشتغل بي اجت.