للكاتبة زهراء الموسوي.
چا شلّي بگذلتِي بلايّه أصابيعَك؟
يَّ دافي بگد ضحكتَك بالزعَل وياي
وبارِد مثل گلبي بيُوم توديعك ..
بعدنه ولاشبعنَه مِن العشگ زعّلات
بعدنَه ولاشبعنه أحلام ..
چان أوَل حلم عِش واحد صغيرون
دافي بگلُب شجرَه يبات
وچان أول زعَل يگضي بضحكتَك دُوم
مِثل حّزن الوطن مِن يگضي بالثورات .
___________________________
كعدنة من لصبح لان ليوم لخطوبة نضفنة
لبيت وعزلنا كملنة لورا لغدة غسلنة لمواعين
بسع علمود نلحك للروحة رحت لغرفتي لبست
فستاني وصبغت اضافر ايدي ورجلي ولبست
صوار ومحبس ردت اتمكيج ماعرفت كلت اروح
لمى تخليلي مكياج صعدت دكيت باب غرفتهة
دخلت لكيتهة تتمكيج وملتهية كلش.
لمى … ها نارين الله جكد حلو عليج لفستان
طالعة تجننين.
بتسمت وكتلهة.
نارين … شكراً بس ردت تخليلي مكياج
بس سفتك ملتهيا.
لمى … اي والله بعدني ما مكملة لجهال
ولا مكملة ملابس حسنين شوفي روحي
لزهراء تمكيجج مكياجهة كلش حلوو.
نارين … لا ماحاجة.
لمى … تعالي ادري بيج تخافين منهة بس
انا احاجيهة.
اخذتني ودخلنة لغرفة هناء جانت زهراء
تتمكيج باوعتلي وحبت لفستان.
زهراء … شبية ماخذيت نفسة طلع حلو
بالبس.
لمى … زهراء مكيجي نارين خطية ماتعرف
وانا ملتهية بخوج وجهالة.
زهراء … لو انا بدالهة ماحط قطرة بس يلا
ميخالف تعالي كعدي خل امكيجج خفيف.
كعدت يمهة وهية كملت روحها بسع ودارتلي
بدت تمكيجني خلتلي حمرة مارونية كملتني.
هناء … ولج نارين ليوم تكسرين على العروسة
شحلاتج هنيالج شايلة هالجمال.
كمت باوعت لنفسي بالمراية ماعرفت نفسي
شكلي تغير ولمكياج برزني اكثر كلش حلو
ومرتب شغلها نزلت لغرفتي فتحت شعري
ومشطة وجبت طوق لبسته كلش حلوة
حبيت شكلي شوي ودخلت منيرة باوعتلي
ضلت فاتحة حلكها وكالت.
منيرة … خرب بليسج على هالجمال شطالعة
ولج.
جان لجهاز خالتة بذانهة تخابر نتبهت وكلتلي.
منيرة … هاج رجلج يريدج.
اخذت لجهاز وراحت طلعت هية اجاني
صوتة.
أنت تقرأ
قضبان من نيران
Romanceقصة واقعية تتحدث عن جزء من عذاب لبنت الكردية بنص الدواعش وانقاذهة من قبل احد القوات العراقية
