قضبان من نيران

بارت السابع والعشرون

للكاتبة: زهراء الموسوي.

‏اخذني بكلشي ما بيعك
اخذني من التعب يمك
جگارة بچفك اشعلني
اموت بسد اصابيعك
اخذني وياك من عندي
اخذني  لأي حلم ارتاح
مو شرط بحلم وردي

نارين … ليش عفتني ورحت.

خلة راسة بركبتي وشمهة حيل وكال.

غيث … ماعايفج.

جنت حيل مطوخة ولنومة بعيني
فكرتة حلم لهيج رجعت نمت لمن ما
كعدت لصبح على ثقل صاير علي
فتحت عيوني وشفت غيث نايم
بصفي وايدة على بطني حاولت اكوم
ردت ابعد ايدة فز هوا.

نارين … مقصدي اكعدك.

غيث … ابقي يمي.

سكتت هوا سحبني من خصري وقربني
الة باسني بخدي حسيته مو طبيعي معرف
شبي كتلة.

نارين … شبيك غيث.

غيث ... تعبان كلش ولدنيا ضايكة بعيني.

شفته كلش مهموم ومقهور عدلت كعدتي
وسحبت راسة لصدري وبسته وكمت امشي
ايدي بشعرة.

نارين … يجي يوم وترتاح من هالتعب
كلهة فترة وتعدي.

بقه ساكت وحاضني ونام مطلعت
من لغرفة للظهر كوة سحبت نفسي
رحت طلعت ملابس ورحت سبحت
طلعت من لحمام ورحت لغرفتي
شفته كاعد يدخن مشطت شعري
على السريع وضفرتة وكتلة.

نارين … تتغدة اول لو تسبح.

غيث … اطب اسبح.

اخذت ملابسة وحضرتلة الحمام وصحتلة
راح هوا يسبح ورحت حميت لغدة خاطر
اصب من يطلع اجت امة للمطبخ كلتلي.

فاطمة … ماكعدتي على لغدة لو بدت
لعبتج ماتردينة يكابلنة على لسفرة.

نارين … ترا مادري بي جاي.

فاطمة … اي ماتدرين خطية.

عافتني وراحت مطنكرة علي الحمد
لله والشكر جانت عايزة هالاجت
وجملتهة طلع هوا من لحمام وكعد
بالصالة واني صبيت لغدة بسع وخلتة
يمة وكعدت خاطر اتغدة ويا شوي
ونزلت بيداء شافته واجت تسلم علي
اتخبل من اشوفها دنك تبوسة فهية
دنكت باسته واني طنكرت هوا هم
يستحي بس سكت وباوعلي وهز راسة
عرفني ضجت.

بيداء … شلونك غيث.

غيث … الحمد لله خوية وينهم لولد ماكو.

فاطمة … جمال وحسنين بالمحل
وحسن بالدوام وكمال نايم.

بقه يتغدة وساكت ماكثر وكام واني هم
شلت لمواعين غسلتهن وطلعت انظف
لبيت كملت تنظيف ورجعت لغرفتي
لليل طلعت وية لبنات اساعدهن وهاي
زهراء موتتني تذب حجي ومتحملهة
صايرة فد مرة صبينة لسفرة وكلنة
لتمينة كمال وجهة ثكيل علي فبقيت
ساكتة عنة كلحنة ملتمين واجو ولد
عمهم حته نسوانهم اجن كمنة سلمنة
وكلهة كعدت بالصالة جابت سناء
ضيافة وكام كمال يعمر نركيلة اني
كعدت يم لمى وهناء.