#أنتقام_مباح
#الڪاتبه_نَجمه
أخــذ الثـار عـدنه العيــن بالـراس
نحــس كلش قليله العيــن بالعيــن
.........
وماذا فعلت بنا أيام الطائفيه
ومن منا لم يفقد حبيب او شخص غالي عليه
ومن منا لم يذق طعم الفراق
ومن منا نام بهدوء وسكينه وهوه يشعر بأمان
........
-فتحت عيوني بهدوء راسي يوجعني حيل، شويه يلا گدرت اركز ردت اصيح مخلي لاصق ؏ حلگي، حاولت افتح ايديه الي رابطها ورا ظهري ماگدرت، ورجلي نفس الحاله، سبيته بگلبي.
رجعت دورت عيني أباوع بالمكان الاني بي چانت حياطين الغرفه بيض وبيهم شخابيط او كتابات
ممفهومه لو ذكرى فلان عبالك سجن او يمكن هوه سجن لان من دخلت هنا ماعرف هل هوه بيت حاله حال البيوت ام هوه سجن، والارض صبابه و وسخه بقيت اباوع وصافنه وافكر شنو الي راح يجرالي هنا
-فزيت من صفنتي ؏ صوت الباب انفتح ودخل سده ورا باوعلي ابتسم بأستهزاء خزرته اريد بس يفتح اللاصق اختنگت من ورا رفع تك حاجب وأجه گعد يمي وحچه بصوته الاكرهه
.... يعني انتِ هسه بين أديه وتخوزرين
-قرب يم أذني صارت أنفاسه تلفح برگبتي وأردَف بهمس
....ماتخافين من تخزريني يمكن اطلع ماحب هيچ نظرات وتروحين بيها
-گال أخر كلمه مشى أصبعه السبابه ؏ رگبتي قشعر جسمي من لمساته ومتقززه هم بحركه سريعه سحب اللاصق بحيث اذاني ردت أحچي حچه قبلي
.... أياني و أياچ تنطقين بحرف يزعجني لان ساعتها لو اجتمعوا الانس والجن ماراح يخلصوچ من أيدي فہ يا حلوه ثمني كلامچ
-خليت عيني بعينه وحچيت
.... أنتَ شتريد مني وليش جبتني هنا
.... لان عجبتيني واني التعجبني لازم تصير حدر جناحي
.... لكـ
-قاطعني مخلي اصبعه ؏ شفتي وحچه
.... تؤ تؤ حذرتچ لا تجازفين ماريد أودعچ من هسه خلي نستمتع بالاول
.... زين بس سؤال بابا و.... وين وديتهم
.... وليش تردين تعرفين فضول لو تردين تنقذيهم
گال اخر كلمه وغمز حچيت راصه ؏ أسناني
.... ما أسوي شي بس أريد أعرف
.... ماحب الناس الفضوليه هل نقطه من ضمن قاموسي هم سجليها عندچ
.... ترا همَ أبويه وأخويه ومن حقي أعرف
-قدم شفته التحت وهز راسه بأستهزاء وحچه
.... امممم صدگ والله أبوچ وأخوچ همَ
-ردت اعيط بي من بروده وكلامه ويايه بس خفت لان كلشي يسوي اني ويا وحدي واني مو گده خليت وسكتت باوعلي طول بنظره الي دنگت راسي مرتبكه ومشمأزه من نظراته شويه ورجعت باوعتله گلت
...شوكت تطلعني منا
.... ما الچ طلعه دخلتي عالمي بعد
.... شنو هوه بكيفك
.... لا عيني بكيفچ
-خزرته وطولت بخزرتي وهوه مضيق عينه ويباوعلي هم خزرني بس مثلت اني مخايفه منه واله اني داخلي يرجف رجيفه مجرد من وجوده هنا حچه
.... صلافتچ راح أتعبچ
تأفأفت وحچيت بقلة صبر
.... زين بس أفتح اديه يوجعني
.... هسه ابوسهن ويصيرن زينات
.... ياريت تحترم نفسك اني مو عاهره من عاهراتك
.... وشمدريچ اني عندي عاهرات
.... ليش هوه المثلك شنو يلفي غير العاهرات قابل يلفي علويات
-طگها ضحكه بصوت عالي ودنگ هز راسه شويه ورفعه وحچه
.... هوه الفضل المزاجي وردي اليوم و اله چاان علگتچ بهذا الچنگال بمكان البنكه
-أشر فوگ باوعت چان أكو چنگال مال بنكه (مروحه) بس فارغ ممعلگين بي بنكه يقصده باوعتله لسه مبتسم رجعت حچيت
.... ليش قابل مچذبه ويجوز حتى أمك عاهـ
-ملامحه الچانت مبتسه بسرعه تحولت العصبيه تقرب يمي لزم فكي حيل حسيته راح ينكسر بأيده المسمومه وحچه بفحيح مقاطعني أكمل كلامي
.... وحق الحق أذا جبتي طاري أمي بعد ؏ ألسانچ أگصه وانطي للچلاب واني تعرفيني أسويها لان مجربه كلامي يتنفذ مووو
.... لككك عوفني أنتَ شتريد مني عووفني
.... تريدين أعوفچ مووو
-هزيت راسي بـ أي تقرب بأذني وهمس....
........................................................
مرحبا نجممماااتي الاحبهم
هل مره روايتي الجديده بشي مختلف جذرياً عن السابق هل مره أكشن غموض مغامرات هوووووووايه أشياء أتمنى من كل گلبي تكون عد حسن ضنكم ومثل متحبون ومرضيه لكل الاطراف
اريد منكم تفاعل حلو استحقه اني وروايتي اتمنه متقصرون يحيلي انتُ
انتظروا قريباً نختم «نور ما بعدالظلمات» وننطلق
بـ«أنتقام مباح»
أحبكم عمري
استودعكم الله ♥
حساب الانستا ضيفوا aeat.t21
أنت تقرأ
أنتقام مباح
Actionقصه من أرض الواقع.. بقلمي أنا آيات علي ها أنا قد خلقتُ من الظُلم و العذاب الذي جار علي من وحش جبار فہ لقد وقعت بيد من لا يعرف معنى الرحمه و انهُ ذو قلب ميت و أنا فتاة عاديه لا يوجد لدي شي امتاز به عن الفتياة الاخريات لكن مالذي حصل وصنع من ضعفي ق...
