#الـڪاتبه_نَجمه
#أنتقام_مباح
#البارت_الثاني
بنوتاتي ونجماتي لاتنسون التصويت +والتعليق بين الفقره وأخرى +ومتابعة الحساب
أتمنى ألكم قرائه ممتعه 💕
وتَالِي مَا تالِي انگطع مرسَالهم
الجَانوا يحبونه مَدري شمَالهم
الصُوج بيهم مدري احنَا القَاصرين
مَدري صُوچ السّاعي مَا ودالهُم
مَدري وَاحد غيرنه الغنَالهم
★★★★★★★★★★★★★
«رومــاڤ»
من سمعنه صوت عمو جلال طلعنه نركض وياقوت ركضت الحضنه وتصيح
يـاقـوت؛؛ عموو
جــلال؛؛ ياعيون عمو تعالي
دنگ وشالها بحضنه باسها تقدمنه سلمنه عليه وباسنه وماما واگفه ؏ صفحه باوع الياقـوت الي بعدها بالقميص والكالون البيض مال مدرسه ضحك وگلها
جــلال؛؛ يلا بدلي بسرعه وأنتن بنات هم بسرعه حظرو نفسكم ولا تتغدون
سمـاهـر؛؛ليش شكو؟
جــلال؛؛ أبوي يريد يشوف البنات
سمـاهـر؛؛بس أبوهن مو هنا شلون تاخذهن
جــلال؛؛ وإذا مو هنا أني عمهن وماخذهن الجدهن وأنتِ موجوده أخذتهن بعلمچ، يلا بنات بسرعه.
گعد ؏ تخم وأحنه ركضنه نكمل تبديل، جدو وبيبي منفصلين من زمان يعني من چانو بابا وعمو مامتزوجين وبيبي أخذت بابا وعمامي ثنين وعمتي آمنه وگعدت عليهم ربتهم وجدو حتى بعد ما طلگ بيبي بقى يصرف عليها و ؏ ولده بس عمو جلال أتربه بينهم يعني ما ثابت عد أحد لأن بفترة أنفصالهم چان بعده صغير وعمره مايتجاوز العشر سنوات وچان متعلق بجدو حيل فہ بقى بينهم، وجدو دائماً يدز عمو ياخذنه يشوفنه يموت علينه، ، وأحنه هم نحبه لان كُلش زين ويانه .
كملنه تبديل وطلعنه وعمو بعده منتظرنه،لان يعرف ماما تضل تحچي علينه شافنه گام وگف وشال ياقوت رغم عمرها الچبير بس يحبها وهيه هم تطير بي من يجي أكثر ثنين تحبهم مُـراد وعمو جلال نزلنه دخلنه البيت عمو والبنات هم متحضرات، سلمنه ؏ بيبي وگعدنه گال عمو.
جــلال؛؛ يلا أمـنـه.
آمـنـه؛؛ جلال گتلك ماريد أروح لاتلح.
جــلال؛؛ يمه أحچيلچ كلمه.
غنيــه؛؛ يمه شسوي هيه أختك برعه(وكحه) ينگدر الها وللسانها.
جــلال؛؛ لچ گومي واللّٰه أبوي أكد عليچ يريد يشوفچ.
آمـنـه؛؛ ماروح يعني ماروح والي يريد يشوفني يجيني.
أنت تقرأ
أنتقام مباح
Actionقصه من أرض الواقع.. بقلمي أنا آيات علي ها أنا قد خلقتُ من الظُلم و العذاب الذي جار علي من وحش جبار فہ لقد وقعت بيد من لا يعرف معنى الرحمه و انهُ ذو قلب ميت و أنا فتاة عاديه لا يوجد لدي شي امتاز به عن الفتياة الاخريات لكن مالذي حصل وصنع من ضعفي ق...
