الـڪاتبه_نَجمه
#أنتقام_مباح
#البارت_الرابع
بنوتاتي ونجماتي لاتنسون التصويت +والتعليق بين الفقره وأخرى +ومتابعة الحساب
أتمنى ألكم قرائه ممتعه 💕
وإيّاك أن تُعاتب من هُنت عليه،
فلا عِتاب لمن استباح أذيّتك.
★★★★★★★★★★★★★
«نـارڤيـن»
بعد وگعت رومو المفاجأه چنت متأكده أن أكو شي صار بيها وهيچ أنهارت رغم نكرانها الهل شي من سألتها أني ورُسلان بس أختي واعرفها وحسيت صاير شي چبير خفت عليها حيل وخفت لا اخسرها
رومو هيه أمي صح مو أكبر مني بهوايه بس حنيتها تحسسني بحنان ماما الي مأشايفته بعمري
بعد الصار وياها رفضت أداوم وبابا ما گال شي گال خلوها ترتاح ولا تضغطون عليها لحد ماهيه تحس بنفسها زينه وترجع اداوم
بقيت أروح ويه البنات للمدرسه ويوميه واحد من الولد يوصلنه أُسامه چنت اشوف نظراته كل يوم من نطلع يبقى يباوع أعرف يريد يشوف رومو بس هيه ماتنزل ابد وحابسه نفسها فوگ
هنا تأكدت وشكوكي بمحلها أن أُسامه اله أيد بالصار برومو بس شنوو الصار ما أعرف
فہ بيوم الخميس رجعنه من الدوام چنت بس أني وشَجن وهوه الي وصلنه قبل لا أنزل حچه
أُسـامـه؛؛ أوگفي ناروو شَجن نزلي دخلي
نزلت شَجن. ودخلت بدون متنطق بحرف باوعت عليه وماعرف شبيه هوه گدامي وأعرف هوه الي مأذي أختي وبين هذا الشعور اريد أحاسبه وبين شعور أخر گلت
نـارڤيـن؛؛هاا شنو تريد
أُسـامـه؛؛رومـاڤ شلونها
نـارڤيـن؛؛وليش تسأل
أُسـامـه؛؛بنت عمي وأسأل لو عندچ أعتراض
نـارڤيـن؛؛لا ؏ شنو أعترض بس ليش متصعد انتَ تشوفها
تقصدت أحچي هيچ عسى ولعل يحچي بشي حك حاجبه وبقى يدور بعيونه التفت باوع گدام ورجع باوعلي بس عينه أبد ماخلاها بعيني وگال
أُسـامـه؛؛مو الولد مامتواجدين بالبيت وزحمه اصعد وبس انتن موجودات
گالها بتوتر عرفت ديچذب گلت
نـارڤيـن؛؛صح بالنهار مموجودين بس يجون من اذان المغرب وبعد محد يطلع وتگدر تجي بهذا الوقت تشوف روموو طبعاً هاي إذا انتَ مهتم الامرها
أُسـامـه؛؛هاا اي اكيد مهتم بس مادري بيهم موجودين
نـارڤيـن؛؛لا مو متدري بس جاي تتحجج حتى متواجه رومو
أنت تقرأ
أنتقام مباح
Actionقصه من أرض الواقع.. بقلمي أنا آيات علي ها أنا قد خلقتُ من الظُلم و العذاب الذي جار علي من وحش جبار فہ لقد وقعت بيد من لا يعرف معنى الرحمه و انهُ ذو قلب ميت و أنا فتاة عاديه لا يوجد لدي شي امتاز به عن الفتياة الاخريات لكن مالذي حصل وصنع من ضعفي ق...
