أنتقام مباح

Part 16

#الـڪاتبه_نَجمه

#أنتقام_مباح

#البارت_السادس_عشر

بنوتاتي ونجماتي لاتنسون التصويت +والتعليق بين الفقره وأخرى +ومتابعة الحساب

أتمنى ألكم قرائه ممتعه 💕

★★★★★★★★★★★★★

مشينه اعله الخناجر خوف
وذنوب السوالف حوت تبلع واهس
الملهوف مشينه والجرح عريس
يضحك والملح زافوف

★★★★★★★★★★★★★

فـي مكــان ما حيــث تـسكن ضـي القمـر

جالسه وأدحگ ؏ الترابه الجدامي وانا الزوم أنظفها هساع لگحت المكنسه من يدي ومشيت وأضرب بالگاع حيل وبعصبيه دخلت للبيت جالسات الحبايب يسولفن تخوصرت وزگحت بيهن

ضــي؛؛ حدرن نشتغل مع بعض

صابرين دحگتلي بطرف عينها وفرت أيدها ما عاجبها وتكلمت

صـابـرين؛؛ يمعثوره عليش تصيحين هساع عمي ياسر يسمع حسچ ويجيج

ضــي؛؛اي عجل حدرن معاي

ريـناد؛؛ شبلاچ أنتِ هيه بس الساحه تلملميها

ضــي؛؛ والساحه صغيره؟؟

محد منهم جاوبتني ولا أهتملي ردن يتكلمن مع بعض ويتكهكهن انا بعد الشيطان وركب راسي شنو معناها انا طايح حضي وهنا جالسات يطگن حنك

خربطت شعري وبهذلت حالي ومشي الحجرة عمي ياسر طرقت الباب سمحلي انُ ادخل

عمي ياسر ما متزوج والصغير بعـمامي لكن كلمتو هيه المسموعه عندو لجدي لأنو حيل يحبو وهم نحن كُلنه نهابو ونخاف منو شلون ما نهابو وهوه لو گضب واحد مسوي غلط ما يهدو اله يغسلو غسل وهم بنفس الوقت نحبو لأن حنون بشكل دائماً يجمعنه ويگعد يتكلم معانه وبالاخص انا يموت عليه

وبهل شكل متناقض لا سهل ولا صعب ولا حلو ولا مر الي خير معا يصير اخير منو والي شين معا ينعل اهلو و هذا عمو ياسر

دخلت مدنگه واطگطگ باصابيعي رفعت راسي وشفتو ابتسم الي وتكلم

يـاسـر؛؛ هلا بضي الگمر

ابتسمت ومتردده احچي لأن لو حچيت هم انا اترزل وهم يخبطها كلها ضغطت ؏ حالي وتكلمت

ضــي؛؛عمو عندي شكوه

ضحك و وگف واتدنالي بعد ما كان جالس اجه ووضع ايدو ؏ كتافي ودنگ بمستوايه وتكلم بهمس

يـاسـر؛؛ ضيو هذا الادري عنچ ما تجين اله وحامله معاچ شكاوي

ضــي؛؛اييي عمو عجل يأذوني واسكت