#الـڪاتبه_نَجمه
#أنتقام_مباح
#البارت_الثالث_عشر
بنوتاتي ونجماتي لاتنسون التصويت +والتعليق بين الفقره وأخرى +ومتابعة الحساب
أتمنى ألكم قرائه ممتعه 💕
تحـــرگني وتحشــم بـ اليطفــون
ومصدك وياهم كل حجي لسانك .
★★★★★★★★★★★★★
«نَـجمـه»
موقف واحد گادر يغير مجرى حياتك او حياة عائلتك كُلشي يصير غير وممحسب حسابه
يا محلاهه العيشه الي چنه عايشيها رغم تشدد عز الدين علينه بس من خوفه وحرصه وحبه النه ويريد مصلحتنه
خوفه النه عابر كُل الحدود وصلت بي بطلنه من المدرسه اني وتيجان وأطياف وايلاف بنات عمنه خاف احد يتعرضلنه او ننخطف يخاف علينه من نسمة الهوى وحچايته المُعتاده الي من گد ميگولها باقيه ترن براسنه
عـزالديـن؛؛أخاف عليچن من رواحچن خاف تسون شي غلط واضطر اعاقبچن لو بيدي أضمچن بروحي وما اخليچن تغلطن
وللأسف تحقق الي چان خايف منه بيوم واحد موقف واحد غلط واحد قلب حياتنه رأساً ؏ عقب
الفرحه ضحكتنه الي چانت صداهه يرن بالبيت شقانه حبنه البعض اهتمامنه البعض كُلشي چان حلو حتى من نبچي نبچي سوه
بس الي صار ما كان بالحسبان لمن دخل حياتنه مرض وهوه السرطان هيچ أشبه الازهر يصير ب عضو واحد من الجسم ويبدي ينتشر شويه شويه لحد ما يمرض كُل الجسم
قُتاده چنه نعرفه ومن گد ما عز الدين قويه علاقته بي حتى من يجي ميحذرنه مثلاً لحد تطلع او نصن صوتچن يگول اخوي هذا اثق بي حاله حال ليث
عكس الازهر من چان يجي يمه يلزمنه ويگول الي المح خيالها يمر من الباب اذبحها
يعني هوه يثق بـ قُتاده وميثق بـ الازهر شنو الصار وهيچ نگلب كُلشي الصالح الازهر
معقوله هوه صح و قُتاده عنده علاقه بتيجان والازهر شاف هل شي وقدمه العز الدين وخلا يصدگه او قُتاده وتيجان أنظلمو بسبب خبث الازهر
من يوم الي طلعت بي تيجان من البيت احنه كُلنا داخلين انذار اكثر من مره غير مكانه عز الدين ميخلينه بمكان واحد بين فتره وفتره ماعرفنه شنو السبب وصار هوه وليث ميتحاچون وبس يزمخون بينه وبعد الي سوته تيجان مو بس هيه خسرت ثقة عز الدين لا وانما خلته ميثق بينه احنه هم ما انسه حچايته لمن گالها بكسره وخذلان
عـزالديـن؛؛هذا الچنت خايف منه خفت تغلطن وأنتن تروحن للمدرسه تالي ابيتي وگدام عيني تغدرني هذيچ الچبيره قدوتچن هيچ سوت أنتن الله اليعلم شعدچن بعد ماتطلعن للطرمه واحمدن ربچن مخليچن تتنفسن
أنت تقرأ
أنتقام مباح
Actionقصه من أرض الواقع.. بقلمي أنا آيات علي ها أنا قد خلقتُ من الظُلم و العذاب الذي جار علي من وحش جبار فہ لقد وقعت بيد من لا يعرف معنى الرحمه و انهُ ذو قلب ميت و أنا فتاة عاديه لا يوجد لدي شي امتاز به عن الفتياة الاخريات لكن مالذي حصل وصنع من ضعفي ق...
