لورا 88

15

لورا 88

للكاتبة.. ليال الهاشمي

إن كَان مَنْ أحبَبتهُ قَد أبغضَكْ
ورأيتَهُ يهوى يُريدُ توجُّعَكَ
فَاخلَعْ مودَّتهُ وكُنْ متجلِّداً
هَذا يُفيدكَ ليسَ غَيرهُ ينفَعَكْ
وازجُر فؤادَكَ عَن ودَادٍ زائِفٍ
لا تتَّبع أحداً أتاكَ ليتعِبَكْ
واعلمَ بأنه من يريدُكَ قربهُ
لا ليس يرضى أن تهطّل أدمعَإن كَان مَنْ أحبَبتهُ قَد أبغضَكْ
ورأيتَهُ يهوى يُريدُ توجُّعَكَ
فَاخلَعْ مودَّتهُ وكُنْ متجلِّداً
هَذا يُفيدكَ ليسَ غَيرهُ ينفَعَكْ
وازجُر فؤادَكَ عَن ودَادٍ زائِفٍ
لا تتَّبع أحداً أتاكَ ليتعِبَكْ
واعلمَ بأنه من يريدُكَ قربهُ
لا ليس يرضى أن تهطّل أدمعَك

-_-_-_-_-_-_-_-_-_-_-_

جيلان

كالعادة كاعدين ننتضر الخط حتى يجي
يرجعنا للبيت
تأخر شوية وعطشت كلت
جيلان..سارا رايحة اشتري مي بسرعة ارجع

سارا..يمعودة اكعدي هسة راح يجي ابو الخط ونرجع تدرين بي بس نتأخر يكلب الدنيا

جيلان..واللة بسرعة ارجع
قبل لاتحجي ركضت للمحل هوة شوية بعيد
بس مو كلش

رحت اركض دخلت للمحل اشتريت بطل مب وقوطية ببسي

وجاي ارجع وشفت سيارة وكفت بصفي
نزل جام السيارة صاح علية وكال

..يابنية

رديت علي وكتلة ..نعم

انطاني ورقة وكال تعرفين هاذا العنوان

اخذت الورقة منة وشفت العنوان ودليتة على العنوان اتشكرني وانطاني كلنس وكال

..هاج امسحي خشمج جاي يسيل
شكد فشلت منة اخذت الكلنس مجرد ماحطيتة على خشمي واستنشقت هوى اغمى علية ما اعرف شصار بية بس اسمع سارا تصيح علية والباب انفتح وانشاليت وبعد ما ادري شصار

كعدت واني بغرفة ضلمة وريحتها تكتل
وضواهة خافت لونة اصفر يرمش يشتغل ويطفة معلك فوك راسي والغرفة حالتهة حالة وبيهة فيران وصراصير اني بس شفتهن انجنيت نسيت اني مخطوفة وبوضع لا يحسد عليه صرت اصيح بعلو صوتي

جيلان..ساعدوني ساعدوني اكو احد هنا دتسمعوني اكو فار هنا ماما انتي وينج غضب ساعدني

انفتح الباب واني انصكيت بمكاني صرت ارجف وتئتئ بالحجي

جيلان..سساععدني اللة ي يوفقك حباب اكو هنا صراصور وفار عليك اللة طلعني منا

أتقدم ناحيتي واني كاعدة على كرسي مربطين ادية ورجلية وماكدر اتحرك بس دموعي يحركون خدي ويتسابقن منو تنزل اول صرت اشهك واباوع بعيونة جان شكلة يخوف تقريبا بطول غضب وبضخامتة
بس غضب احلة ملامحة جانت حادة حيل وشعرة خفيف كلش.

سالتة وكتلة منو انتة

ابتسم وكال وياج عدو اخوج العزيز راهب