لورا 88

6ج2

لورا 88

الكاتبه ليال الهاشمي

غضب

كملت لورا اكل وكلمت وانا هم انتضرتهم يكملون شوية وصعدت ردت ادخل للغرفة بس استوقفني كلام لورا وهية تحجي

لورا ..حبيبي اللة اني مشتاقتلك أكثر

انصدمت من الي سمعتة لورا وي منو جاي تحجي

فتحت الباب بسرعة وهية التفتت علي وحجت وي المتصل

.. حياتي بعدين نحجي.. يلا باي

لورا.. انتة شلون تتجرأ تدخل علي بدون اذن

.. منو هذا

.. وانتة شعليك

.. لورا اخر مرة راح اسالج منو هذا

.. حبيبي

.. لا تجذبين

.. مشكلتك اذا ماتريد تصدك

.. اي ما صدك انتي تحبيني انا شلون حبيتي هذا

.. هههه لا بلة ومنو كلك احبك

.. انتي اعتقد هذا الحجي قبل ثلاث سنوات

.. حتى لو قبل ثلاثين سنة انتي تحبيني ليش هيج جاي تتصرفين وتجذبين لورا كافي بطلي لعب
خلينا نرجع مثل قبل

.. مستحيل نرجع مثل قبل والي بيناتنة انتهى وراح
انتة الي نهيت وانا خلاص نسيتك وحبيت غيرك وهل مرة عرفت اختار هوة مارح يغدر بية ويقتلني مثلك

.. لورا انتي تعرفين كلش زين ليش انا سويت هيج
وانتي هط ماشرحتيلي سبب وجودج هناك انتي شنو جنتي تسوين بهذاك المكان جاوبيني

.. لاتحاول انك تغير الموضوع وهسة تفضل اطلع برة

تقربت لزمت اديهة وكلتلهة

.. حبيبتي اعرف غلطت بس واللة مجنت بوعيي يعني انتي تشوفين زميلج ينقتل كدام عيونج
وتسكتين لو جنتي لمكاني جنتي حتسوين نفس الشي صدكيني انا مجان بقصدي اقتلج واصلا رجعتلج بس المكان انهدم وعبالي انتي متي
بس واللة اسألي أدهم شلون جنت عايش بدون مثل الجثة الي تتحرك بدون روح حياتي بدونج بلا معنا
من رجعتي انتي رجعتيني لحياتي لورايتي
حبيبي واللة موبقصدي واللة انتي النفس مالي يوم الي ضربتج بالرصاص كطعت الهوى على نفسي حسيته اخترقت كلبي كبل لا توصلج حتى
خلينا نبدي صفحة جديدة

.. وبهل سهولة انسى الي سويتة لا مستحيل خلاص الي بينا انتهى وراح وانا بديت صفحة جديدة وي غيرك فاهم واللي سويتة طول عمري ماراح انسى غضب سوف حياتك وي غيري

لزمت ايدهة حيل اجن يتكسرن اصابعهة من قوة قبضتي

.. ااااه غضب أيدي توجعني

تركت اديه وكلتلهة

.. هاي هية لورا كلشي بيناتنا انتهى صار الي تردينة
لان شفيني احبج ومستقتل عليج هيج جاي تسوين مو اوكي على راحتج راح اشوف حياتي وانتي لو يصبوج بمي الذهب بعد ماراح اباوعلج انتي انتهيتي بالنسبة الي