لورا 88

24

لورا 88

الكاتبة.. ليال الهاشمي

:الما يسأل علينه
من انغيب ايام
لا هسى يحبنه
لا قبل حبنه
وترا الكلش نعزه
يصير ابو استغلال
وعلي هيج بشر نفرح يفاركنه

سارا

مر وقت طويل واحن منعرف شي عن أدهم وغضب وجيلان بس تريد تشوف غضب مشتاقتلة وماحجيلكم على حال امة تريد تموت على ما تسمع خبر
عن غضب وامي هم بس تفكر بادهم وهل ايام هادية شوية

وها صدك نسيت اكللكم رجعنا لبيتنا وحاليا كلش فرحانة لان رجعت لمدرستي وصديقاتي

وجيلان كلش انعزلت هية كبل جانت منعزلة وهسة بالزايد
وطبعا ابو غضب ولا مهتم ولا كأن ابنة مختفي بس اني متأكدة انهم بخير لأنهم سباع مينخاف عليهم

-_-_-_-_-_-_-_-_-_-_-_-_-_-_

أدهم صايرة خبصة اليوم وكلمن مشغول بالتحضيرات واحنا اشتغلنا الوقت ودخلنا للمقر الي
بيه معلومات الشغل طبعا طفينة الكاميرات
ورحت للاب توب وحطيت الفلاشة وصرت انقل كل المعلومات وبقينا شوية ننتضر وفجأه دخل علين ولد
يشتغل وياهم
تفاجا من شافنة راد يهرب وانا ردت اسحب الفلاشة قبل لاكتمل خفت يصيح لاحد
بس غضب اشرلي ابقى احمل الملفات وهوة راح
ورجع وهوة يلهث وعركان

.. شسويتلة غضب

.. دزيتة للة يشوف شغلة ويا

.. كتلتة

.. جا شسوي جان راح يفضحنة وانا ماكدر اخاطر

.. زبن واذا شافو جثتة

.. لا لتخاف حطيت جثتة البستان فمو هسة راح يدورون علي بعد وقت

..ماشي وهاي اني كملت يلة نطلع

طلعنة اني وغضب وكبل للبيت

دخلت سبحت وضميت الفلاشة ولبست ملابسي وجهزت نفسي
طلعت لكيت غضب هم مكمل وطلعنا سوة للحفلة

اول مادخلنة واشوف القصر مزين تزيين عبالك معرس مو عيد ميلادة

والناس الجاية كله ناس مهمة وطبعا وماحجيلكم على البنات وجمالهن
يكتلن كتل عبالك ممثلات بقيت اباوع اريد اعرف إلينا موجودة أو لا

..هاي شبيك تباوع هيج وهيج

..جاي ادور على إلينا

..وليش

..لان اريد اعرف علاقتهة بفريد انتهت او لا اذا انتهت أعتبر لورا وفريد اتزوجو بس اذا ممنتهية فهذا الزواج مستحيل يصير ومتاكد هذول وراهم شي

..وانتة شوصلك لهل استنتاج

..لان لورا وفريد جاي يتصرفون وكان ماكو شي ولا كان زواجهم بعد اسبوعين

..هم صح كلامك

..اكلك لورا مكالتلك شي عن خطتهم للغاء الزواج