لورا 88

5ج2

لورا 88

للكاتبة ليال الهاشمي

سارا

..لورا كمال عمران

بقيت صافنة ما اكدر استوعب كلامهة او مافهمت
الكل جان داخل بحالة صدمة وامي صرخت

..شنننووووو

..اي يامرت بابا انا بنت شريجتج

..ولج انتي شجاي تحجين شنو هوة يمتة تزوج واصلا هوة ميت منين طلعتي انتي

..اذا مامصدكتني اسألي ادهم هوة يعرف كلشي

التفتنة على ادهم الي هوة أيضا مصدوم

لورا..ادهم انتة تعرف بابا جان متزوج وعندة بنت هوة حجالك كلشي مو صح

ادهم..يعني انتي اميرتة

..اي اني اميرتة

دعاء..خايب انتة شجاي تحجي ولك بعد هل عمر اكتشف رجلي ماخذ علية لا وبنتة بطولي يبويييي

لورا..دعيوة هسة انتي عليمن تصرخين بابا مات وشبع موت يعني العتاب مايفيد فالأفضل تتقبلين الواقع

..ولج دعيوة شني انا جاهل وتحاجيني هيج لا وشكلي دعيوة دعيوة بعينج

..اوهووووو هسة كافي خلينا اول شي احضن اخوتي واختي الوحيدة

اجت حضنتني واني بس صافنة
وراحت لزين ومنذر

..اعرف انكم مصدومة بس صدكوني بابا جان يحب ماما كلش وهوة ماراد تعرف دعيوة حتى ماتصير مشاكل يدري بامكم عوبة وماتكعد راحة فبقى ساكت
هيج احسن للكل

زين..انتي شجاي تحجين معقولة بعد هالسنين نعرف ابونة متزوج وعندة بنت وجاية تحجين هيج لا وعندج عادي

..طبعا عادي الشرع حلل أربعة

منذر..بس احنة ممصدكينج

لورا .. عادي هسة اجيب الجنسية وشوفوهة واذا تردون تتأكدين أكثر فتكدرون تتصلون على العقيد حازم وتسالين لان هوة يعرف كلشي من البداية ويعرفني قبل لا يموت بابا

ادهم..يعني انتي صدك اختنة التفتت على ادهم وكالت

..اي انا هية اعرف انك دورت علية هواي بس صدكني جان لمصلحتهم اني ابعد

..زين ليش بعد كل هل سنين جاية هسة تحجين ودكولين انا اختكم

..لان جان عندي شغل وماكدرت اني اللة الوقت المناسب بس هسة انا ماعندي شي واجيت حتى اكلك انك تشبه بابا

كالتهة ودموعهة نزلت حضنهة ادهم وضل بطبطب عليهة وكال هاي هية انتي اختنة واهلا بيج بالبيت

بيبي فرحت من شافتهة وحضنتهة
بس امي كلبت الدنية وماسكتت غير لما غضب عاط بيهة

..بسج كافي الي صار صار ومانكدر نغير الواقع وهوة انو لورا بنت عمي كمال