لورا 88
للكاتبة.. ليال الهاشمي
ادوخن من اظل وحدي.. بلياك
ومصايب دهري ماتنحل.. بلياك
شلي بدنياي يالغالي.. بلياك
اموت ولا يمر بعدك عليه
🥺
لورا.. هجرس
رفعت راسي وجاوبتهة
غضب.. كلبة لهجرس
لورا.. احبك
ابتسمت وسعت عيوني أثر الصدمة الي احتلتني
غضب.. ها
لورا.. احبك
صفنت بعيونهة ردت اعرف اذا صدك تحجي او جاي تخدعني
شفت بعيونهة لمعة بعمري مشفتهة هنى اتاكدت انو لورا صدك تحبني
لورا.. هجرس جاي تسمعني
.. احبج
ابتسمت وحضنتني وهية تضحك وهاي اول مرة اشوف لورا تضحك بصوت عالي وفرحانة حسيتهة مثل الفراشة وطارت ماتوقعت لورا تحبني لهل درجة
بعدت عني وهية حاضنة ركبتي وتضحك
.. يعني انت صدك تحبني بعد كلشي صار
.. ليش شنو الي صار
ارتبكت وكالت
.. لا ماصار شي بس حان قصدي يعني تحبني حتى بعد ماكينغ أعلن زواجي من فريد
.. بصراحة هوة هذا الموضوع الي مخوفني انج تتزوجين فريد
.. لا لا لتخاف واللة مانزوج مستحيل هالشي يصير
.. بس كينغ أعلن هل شي كدام الكل
حجت بجدية وكالت
.. وانا ما أمشي بكيف كينغ
استغربت كلامهة وعرفت انو لورا ابدا متخاف من كينغ
.. انتي ليش ما تخافين من كينغ
.. الخوف مو بقاموسي وبعدين هو بشر حالة حالمة ماعرف ليش الناس تخاف من كينغ
.. لان عندة رجال هواي حوالي وهم عندة نفوذ وفلوس إشارة من ويديج ورة الشمس
..هجرس لازم تعرف انك اذا ملكت 3 اشياء فعتبر نفسك ملكت العالم
واذا وحدة من عدهم ماتملكهة فهذا يعني أنك شخص حالك حال الكل
.. وشنو هنة
..3_الفلوس
2_القوة
1_الذكاء
الذكاء يعتبر نقطة مهمة في نجاح الإنسان فلازم تعرف انك حتى لو ملكت الفلوس والقوة اذا ماكنت ذكي فمراح تستفيد من القوة الي عندكياهة
الفلوس تصنع القوة
ولاكن الذكاء يصنعهن ثنينهم فهمت حبيبي
اتبسمت وبستهة بخدهة بوسة صطحية
.. فهمت حبيبتي
باوعت عليهة وهية اصلا جانت ناسية انها حاليا بس بالمنشفة
أنت تقرأ
لورا 88
Mystery / Thrillerقصة تتحدث عن فتاة ذكية من المافيا وضابط قوي ماذا لو اجتمع الذكاء مع القوة يصبح لورا 88
