بين سلاسل حُبهِ

بارت 3

بين سلاسل حبهُ

بقلمي وِد آل دُليمي ✨

المن ترد ؟
ديرتنا مو ديره ڪبل ضلت حديقه بلا ورد "

♡♡♡♡♡♡♡♡♡♡♡♡♡♡♡♡♡♡♡♡♡♡♡♡

*flash back*

•••••••••••••••••••••••••••••••••••••••••••••••••
"شَغف"

طلعت من المدرسة متوجهة للخط، جنت شاردة بتفكيري ومامركزة وين دا اروح، فجأة اتصدمت بشخص بكتفة رفعت عيني جان شاب بشرتة حنطاوية وعيونة لونهن اخضر،

-اسفة، انتَ زين خما بيك شي؟
ضَل صافن بوجهي وماجاوب، تركتة ورحت للخط
•••••••••••••••••••••••••••••••••••••••••••••••••
*عودة*

-ويعني انتَ حبيتها بس لان كالتلك انتَ زين؟

-بس حسيتها نابعة من قلبها، من كالتها مجانت عدها مصلحة، ولا مجاملة،

-بس هذا مو مُبرر الك، انتَ دتحمي شَغف وين متروح بس لان كلتلك انتَ زين!

-صدكيني اني ماراح اجبرها تحبني... وحتى لو تريد تشوف حياتها اني ما امنعها، اني ما اكدر اعوفها وحدها ياريت تفهميني، ما اريد من عندج اي شي بس اريد اتطمن عليها بين فترة وفترة، والله ماراح أذيها

-ما اعرف شنو اجاوبك، بس الي دتكولة ابد مو منطقي!

-كلتلج راح دكولين ابالغ.

-راح اروح اشوف شَغف،

-بيها شي؟

-ما ادري اسلوبها متغير كُلش وكأنو مو شَغف...

-طمنيني عليها

-تمام.
سديت المحادثة ورحت لغرفة شَغف، شفتها نايمة وعيونها بلسقف بدون مترمش تقربت وكعدت يم رجليها

-جوعانة؟ راح اسوي اكل تاكلين؟
نهضت من مكانها وشكلها جان مُرعب بشكل، مشت بخطوات خفيفة بناحية ميز المكياج، اخذت عطر ركزت انضارها عليه، وبحركة مفاجأة رمته عل حايط وانكسر ركضت عليها حضنت وجهاا بكفوف ايدي:

-شَغف امي شبيج؟ ليش هيج دتصرفين؟ ها؟
متجاوب بس تباوعلي بنضرات تحسسني راح تذبحني اردفت وهية تكز على اسنانها:

-أني مو مخبلههه
نترت ايدي عن وجهاا وراحت نامت بجربايتها وغطت راسها.
•••••••••••••••••••••••••••••••••••••••••••••••••
"شَغف"

كعدت ساعة 10:23 الصبح سبحت ونزلت للمطبخ اتريك
صادفت جِيلان باب المطبخ اردفت بأبتسامة:

-صباح الخيرر
باوعتلي بأستغراب وخوف ورادت تطلع بدون متجاوب انداريت وكلت:

-متجاوبين كبرر

-شبيج؟
أشرت على نفسي بأستغراب:

-منو؟ أني؟شنو بيه؟

-لعد منوو ابويةة؟؟

-هاي شبيج؟ من شوكت انتِ هيج تتعاركين وياي؟
ضِحكت بأستهزاء وهزت راسها وراحت....
غريب امرها! شنو الي سويته؟ مجرد كلتلها صباح الخير
والله ي الله، فتحت تليفوني ولكيت واصلني مسج من 3 ايام، من نفس الشخص (آسر)

-اشو مختفية؟
جاوبتة بأستغراب:

-وانتَ شدخلك؟
سديت المحادثة ورحت اسوي ريوك
•••••••••••••••••••••••••••••••••••••••••••••••••
"آسر"

كاعد على بنيد السيارة والجو حلو، نسمات المطر تداعب وجهي، رافع راسي للسماء والقطرات تنزل على وجهي، شعور ولا اروع منه، وصلني مسج، لقيت نضرة عل شاشة لكيتها شَغف...

-وانتَ شدخلك؟

-الي دخل ونص
مَر 5 دقائق تقريباً وكتبتلي

-انجب

-اي بيج خير طولين لسانج بس بلمحادثة
فجأة سوتلي بلوك!
•••••••••••••••••••••••••••••••••••••••••••••••••
"شَغف"

انسان مستفز! سويتله بلوك ورتاحيت من لغوته الزايدة، كملت ريوك وغسلت المواعين نداريت لكيت فيصل وراية
كلت بهمس:
-بسم الله

-ششايفة كدامج؟

-فيصل

-احترمي روحج اني مو بكدج
اردفت بأستهزاء:
-صدك والله؟ همزين ذكرتني
بحركة سريعة لزم فك وجهي وقيد ايدي
حجيت واني اصك على اسناني:

-عوفني ياحقيرر!

-باعي لا عبالج اذا طلعتي لسانج اسكتلج! لااا اموتج والله واشرب من دمج ومحد يحس عليج!
دخلت جِيلان للمطبخ وهوة هَد فكي

جِيلان:-شكو شصاير؟؟
دَمعت عيوني، تركتهم وصعدت لغرفتي اركض، قفلت الباب وكعدت وحدي ابجي.....
•••••••••••••••••••••••••••••••••••••••••••••••••
"جِيلان"

وكفت بوجها وكلت:

-تحرشت بيه كلنا غلطة وكل الناس تغلط.... ضربتني وطيحت حضي كلنا اكبر من عندي وبمقام ابوية ميصير اكول شي.... بس اسمعني شَغف تنساها، شتسوي؟ شَغف طلعها من بالك والا...

-والا شنو؟ شتسوين؟

-تريد تعرف شأسوي؟ جرب تأذيها...
فتح عيونه على وسعهن ورَكز انضارة على الباب، لتفتت وشفت شي ما جنت متوقعة طول حياتي اشوفة.....

•••••••••••••••••••••••••••••••••••••••••••••••••
شلونها القُفلة 🌚

حسابي انستا:

استودعتكم الله 🤍.