💣القصوة تشع من عينيه💣 الجزء 2 من شاب خجول الى اخطر مجرم مطلوب في العالم

💣1💣

البارت الأول

من قصة... القسوة تشع من عينيه

نازلين من الدروج وهي موراه كتنقز جوج درجات بحال شي برهوشة طالقة شعرها والقصيصات نازلين على جبهتها الشيء اللي خلاها تبان صغر من سنها كتبان بحالا عندها 16 لعام ماشي 18 لعام  كبرات ومبغات دير عقلها كانت لابسة جينس زرق مع تيشورت بيضة خاشياها تحت السروال
وجوها نازي موراها بكل اناقة وريحت عطرو الرجولي سابقاه لابس جينس كحل مع قميجة بيضة وهاز فيستة سوداء اللون فيدو نازل وكيصاوب فمكانتو
وصلو لطابلة فين كالسين الأم والأب ديالهم وخا كبرو وشوثة دالشيب مزين رأس الأب وإنما مزال كيبانو صغار والأم تهي وخا كبرت فالعمر وانما مزال محافضة على فورمتها
مجد جر الكورسي: صباح الخير
صفوان الأب: صباح الخير
افنين بصوت عالي: صبااحو ماما صباااحو بابا
رجاء الأم: افنين ياك كنقول ليك متغوتيش هضري بشوي
افانين كلسات: ولفت مع جدا اماما
مجد هز الكاس دالقهوا: على هاد لحساب غتصمكينا كاملين
افانين خنزرات فيه: مسوقكش نت 😠
مجد: وسوق من
افانين : سوق راجلي (كتلعب ليه بحجبانها)
مجد: بنتي ليا لمك مبقيتي تحشمي
رجاء: خاصك ترابي من جديد
افانين: اوووف وراه غي هضرت وزايدون مقلتش شي حاجة فيها العيب عاجلا او أجلا غنتزوج ياك ابابا
صفوان غا متبع بعنيه وكياكل بهدوء حيت عارفها وخا هضر كلمتها هي كلمتها

رجاء: وباز لوجهك ومزال كتهضر كولي باش تمشي ل لباك
مجد : شرفتي فداك الباك
افانين ناضت: بعد مني
مجد تهوا ناض: الوليد انا غنوصل افانين للباك ونلحق عليك لاشركة
صفوان: اك
افانين خرجات ومجد باس راس مو وخرج تبع افانين طلع فاللوطو وكسيرا موقف تللباك وقف وشاف فختو مجايبة لدنيا خبار كتغني مع الأغنية ولكيت فودنيها حيد ليها لزيات من ودنيها
مجد مخنزر : وصلنا
افانين عاد نتابهات : ها اه اه هه وصلناااا 😁
جات تنزل وهوا يوقفها : افانين
افانين رجعات شافت فيه : نعام
مجد كيشوف فواحد البنت غادا قاطعة الشانطي للباك : شكون هاديك البنت
افانين شافت فين كيشوف :معرفتهاش يمكن جديدة هنا

البارت التاني

مجد: وخا يلاه نزلي
افانين : بسلامة

مجد كسيرا لشركة وافانين دخلات تقرا 

🔥مجد الإدريسي 27  عام زين كيحمق كبشبه لباه غير العنين لي زورق الحية متراسية وشعر رطب الفورمة واعرا كيتريني لحديد هوا انسان جذاب للغاية وكاع لبنات كيموتو عليه هوا انسان عصبي بزاال وعصبيتو كتوصل لحد للموت  خدام فالشركة مع باه رغم انو تزاد فالعز وتربا فالعز الى انو خوا خصص شركاتو الخاصة بدون علم باه حيت باه رفض رفض قاطع انو مجد يسمح فشركاتو لي تعب عليهم وباغي مجد اكون نصخة عنو ومجد اي ديمة كيدير لي ف راسو دار شريكاتو الخاصو كيف صبق وقلت بدون علم باه ولا شي واحد من العائلة من غير ليث لي غنتعرفو عليه مع القصة 🔥

⭐افانين الإدريسي الاخت الصغرا والوحيدة ديال مجد فعمرها 18 لعام تصروفاتها بحال لبراهش معندهاش مع شي حاجة سميتها لقراية صاقتة فالباك بمعدل 9  على 20 هي كتمشي غير على وجه باها ومها وخوها لي كيحمر فيها اما لبقات عليها هي كون خرجات فالسادس مكينش شي معلن لي مركبااش فيه جنون لمهم هي بنت زوينة كتحمق بشرتها بيضة عنين كبار وعسليين شعر كحل ورطب فم صغيور ومنفوغ مطويلة مقصيرة لمهم نصخة طبق الأصل على مها صدر مكبير مثغير وطرمة مجبدة اللور وبزينها وحماقها محمقا واحد خونة نتعرفو عليه منبعد ⭐

دخللت للقسم وكلسات بلاصتها كتبع مع الأستاد بملل حتى بانت ليها البنت لي سولها عليها مجد قبيلاة كالسة حداها طلعاتها وهبطاطها دوزات ليها سكانير وبتاسمات وقالت
افانين: سلام انا افانين ونتي
البنت ببتسامة: سلام انا لين سميتك زوينة
افانين: شكرا تشرفنا تنتي سميتك زوينة
الأستاد خنزر فافانين : سكتونا (شاف فلين وقال) مدامك طالبة جديدة هنا فنصحك متصاحبيش مع هاد النوع ولا تصاحبتي نعاها بقيتي هنا
لبنات سكتو وافانين خنزرات فالأستاد وفاش عطاها بالضهر قلدات ليه
افانين : فاك يو
لين ضحكات بشوية: اويلي سكتي ليسمعك
افانين بلا مبلات: ونا مالي يسمع ولا ميسمع القرد لاخر يييي كداير الشارف
كملو قرايتهم في صمت من بعد خرجو استراحة يتغداو
افانين: ممكن تعرفيني براسك كتر
لين :لين وعرفيني نتي بعدا
افانين : هههه وخا انا افانين الادريسي عايشة مع ماما وبابا وخويا المغرور الحكار لمقود لمزفت لمح****ي لاخر تفو (وردات نفس وبتاسمات) جداتي لحبيبة
لين تفرشخات بالضحك : ههههه هههه اويييلي ضحكتيني
افانين: اوا هادو ه وما معناتي مع خويا (غمضات عنيها )متفكرنيش فيه عفاك
لين: ههه وخا نتي عندك اخ واحد وشنو نقولو انا لي عنظي جوج
افانين: ها ا وا يىاه عاودي ليا على راسك
لين: انا لين بن طيب عايشة مع ماما وبابا و وجداتي وخوتي التوأم سردار واردام
افانين: واو سميات خوتك تركيين

البارت التالت

لين : اه محيت ماما كانو كيعجبوها هاد السميات دكشي علاش وانا بابا لي سماني
افانين : اممم هههه كو عير سماوك تانتي بهار ولا نازلي هههه
لين : هههه
ناضو جمعو راسهم ودخلو للحصة التانية ومن بعد مسلاو كل وحدا مشات لدارخا وفرحاني بكونهم بزوج الأول مرا دارو صحبات لمن افانين لمن لين
دخلات افانين لدار ناشطة لقات مها وجداتها كالسين فالصالون
افانين بلغوات : سلااااااام وعلكم
امان الجدة بحرا سمعاتها : اهلا بنتي لباس عايك
رجاء : ياك كنقول ليك متغوتيش كتفهمي ولا لا
افانين عنقات جداتها: وماما راه كنغوت باش منعودش الهضرا جوج دالمرات كنعكز والله
امان: الله يرضي عليك ابنتي لي كتخليني نحس بلي باقا كنسمع
افانين باست راس امان : الله اخليك لينا اجداتي نتي لي كتفهميني
امان: ههههه
رجاء: ماما براكة متفششيها كتر نتي لي غتخرجي عليها
افانين: اوا لواه لواه اه حقا مقلتش ليكم
رجاء : شنو ياك مشي كارتة تاني
افانين خنزرات: اوا تفائلو بالخير شوية زتو فيه لمهم راه ولات عندي تنا صديقة
مجد دخل مع هدرتهت : ويتك ويتك تلبرهوشة ولاو عندها الصحبات
افانين : اييبيييه ومالك ياك ما غرتي
مجد لا مغرتش شكون هاد لمعوقة لي تصاحبت معاك الكاريتة
افانين : بزاف عليك حنا  حنا الزين التجريدة وتباتة والأنوتة وزيد وزيد
امان : تي اش كتبولي
افانين : هالي مبغيناش