ركبو تهوما فاللوطو وكسيرا تابع الاسعاف
صفوان: واش البنت كانت حاملا
رجاء: معرفتش عاد سنعتها من فمها
افانين كتبكي : ماما واش غيوقع ليهم شي حاجة دب
رجاء: انشاء الله مغيوقع ليهم والو
مروا كيدعي: انشاء الله ياربي تحفضهم
وصلو لصبيطار نزل من الطموبيل تابعهم بسرعة دخلوها ديريكت لغرفت العمليات
لين حلات عنيها بشوي كتحس بلحريق فكرشها وفكامل داتها شافت الممرضين والطبيب واقفين عليها كيركبو ليها فالسيروم
لين دموعها نازلين : عفاك عتق ليا ولدي
برا
دخلو لقاوه واقف حدا الباب
رجاء: واش دخلوها
حرك ليها راسو بأه
رجاء: واش كانت حاملة
مجد: اه
صفوان عصبو: واش نت مكتعرفش تحكم فراصك شوي عارفها مرضة ولحتيها من الدروج
مجد: ملحتهاش من الدروج طاحت لراسها
مروا: الهضرا ماشي هنا
خنزر فيه مجد ومشا بعد عليهم
بعد جوج ديال السوايع كانو حتى معاد وحسناء واردام وليث واقفين معاهم تما ممتيقينش بنتهم يخرج منها هدشي حيت ملي جاو سولو على السبب الرئيسي صفوان عاود ليهم كولش اورا ليهم التصاور
خرج الطبيب ومشاو عندو كيجريو
مجد: واش ولدي بخير
الطبيب نزل راسو بأسف: سمحو ليا ولكن مقدرناش نعتقو الجنين للأسف
مجد شدو من الكول دالقميجة: وشنو قدمتك هنا يالزامل الى معتقتيش ليا ولدي
الطبيب: تهدن اسيدي الارواح بيدي الله حنا غير سبب
ليث بعدو عليه : تهدن اصاحبي
مجد دفهو وخرج من لكلنيك
خرجوها فالبياس غاديين ادروها فلشومبر ديالها
فوق الجبل نزل من الطموبيل ووقف حلى طرف ديال الجبل وغوت بأعلى صوت عندو وطاح على ركابيه ودمعة سخونة نزلات من عنيه
تحطاط يد على كتفو بلى ميطلع راسو عرفو شكون
مجد: علاش دارت معايا هاكا علاش خانتني بهاد الطريقة علاش شنو كنت منقص عليها معيشها كي الاميرة
ليث: تهدن اصاحبي كولشي بيد الله
مجد : قتلت ولدي انا لي قتلتو
ليث: الاعمار بيدي الله
مجد زير عل القبضة ديال يدو وناض وقل : غنقتلهم بزوج ه ما لي قتلو ليا ولدي هوما
ليث: مجد تحكم فعصبيتك تحكم فعصبيتك
مجد مجاوبوش ركب فطموبيلتو وكسيرا رجع لكلنيك
ليث: فااك
تنهد وطلع تهوا وكسيرا تابعو لكلنيك
فلكلنيك يلاه حلات عنيها اول حاجة تفكراتها هي ولدها حطاط يديها على كرشها وطلعات وجها فيهم كولهم دايرين بيها : ماما ولدي
حسناء: صبري ابنتي صبري
لين : ماما ولدي عايش مزال ياك عايش
حسناء هبطاط رلسها بأسى
لين ناضت حيدات ابشويرو وناضت خارجا والدم كيشرشر من يديها
مروا خرج دغؤا عيط على الفرميلة جاو شدوها وني كتنتر منهم حتى هدنوها ودكو ليها برا عاد ترخات ونعسات
فاليوم التاني
حلات عنيها بشوي دوراتهم فالغرفة مكاين حتى واحد نزلات يديها حطاطها على كرشها وغمضات عنيها ودمعة حارة نازلة من عنيها
سمعات باب البيت تحل حلات عنيها حمرين بان ليها واقف فالباب زيرات على لوار مكرهاتش تنوض تهز موس وتخشيه ليه فقلبو
لين : قتال
مجد زير على يدو : نتي سباب نتي لي قتلتي ولدي ( ضحك بستهزاء ) هدشي الى كان ولدي
لين زادت حقدات عليه : حنكرهك امجد كنكرهك
مجد ديك كلمت كنكرهك حسها بحال الخنجر دخلات لقلبو
دخلو افانين وليث ومعاهم معاد وحسناء ورجاء
رجاء: ولدي شنو كدير هنا
مجد شاف فلين : الولد لي كان بناتنا مشا وبراتك غتوصلك
لين قلبها تزير عليها ودموعها نزلو: غندمك اهجد غندمك غيجي نهار نخليك تبوس ليا قاع رجلي باش نحن فيك ومغنحنش حسبيا الله ونعم الوكيل فيكل من ضلمني حسبيا الله ونعم الوكيل
مجد زير على يدو بجهد وخرج
أنت تقرأ
💣القصوة تشع من عينيه💣 الجزء 2 من شاب خجول الى اخطر مجرم مطلوب في العالم
غموض / إثارةواخييرا القصة لي طلبتوني عليها غنحطها ليكم الجزء ديال قصة من شاب خجول الى اخطر مجرم مطلوب تقدرو دخلو تقراو الجزء الاول من بعد الجزء التاني وتقدرو تقراو هادي دريكت غير باش متلفوش فهاد القصة كنفضل تقراو الجزء الاول اولا ولي قراه يتفضل معايا لهاد الق...
