💣القصوة تشع من عينيه💣 الجزء 2 من شاب خجول الى اخطر مجرم مطلوب في العالم

💣2💣

البارت الرابع

رجاء: شكون هاديك البنت
افانين : لين
مجد قوس حجبانو : كيفاش لين
افانين : ومالها كي جاتك
مجد : ها لا والو كلتي سميتها لين لين اش
افانين: بن طيب علاش
رجاء شافت فمشد ورجعات شافت فافانين : مقالتلكش شي حاجة على عائلتها زعما مها باها
افانين بستغراب: لا ولكن قالت ليا عندها جوج خوتها توأم واحد اسمو سردار اواحد اردام
رجاء ضحكات: ههههه هادو ولاد موعاد
افانين بستغراب : اتوما دوؤو معايا شكون هاد معاد
رجاء: هداك معاد خوي وعشيري
افانين شافت فجداتها لي طالقة ودنيها كتحاول تسمع شي سمعاتو شي لا : ياه اجدا ادي هي الجداويا
(زعما بغات تكول بحال الصحبا) كاع مقلتي ليا عندك ولد اخر (صغرات عنيها ) ياك ما عندك راجل أخر ولا هاد الولد غير شرعي ومخبياه علينا يييه ياليام حتا نتي وليتي ديري دكشي عاين باين والله مبق حد يحش و
قبل متكملها هزات امان الصندالة وشيرات عليها : الله امصخك ماكا تقولي لجداتك
افانين شادة بلاصت الضربة: اححح هادي سمعتيها نحلف ليكم اتا كتسمع غا كدير التحرميات
امان شيرات عليها بالفردة لخرا: غتسكتي لمك لا
افانين: وقولي ليا شكون هاد معاد
رجاء ومجد مزال كيشوفو في هاد ابمخلوق الغريب
مجد : الوليدة متأكدة بلي هادي ولدتيها
رجاء : منعرف
افانين: غتهضرو لا حكارين
رجاء: هداك كونا صحاب وهوا بحال خويا
افانين بغباء: اه يعني كنتي مصاحبة معاه قبل با يك امممم احياني عليك تنتي مسهلاش ها
مجد ضربها لراس : مال تفكيرك خاسر  اصدقاء فهمتي
افانين  : امممم وبشوي مضربنيش راه عقلي على قد الحال
امان: وشي 10سنين مجاو عندنا
افانين فرحانة : ياااه دب لين بنت خالي
رجاء شافت فمجد لقاتو ساهي: ارجوع الله فين ساهي
مجد مدهاش فمو : كلتي كتقرا معاك
افانين كتهضر وتفرنس : اه هههه
مجد : ومتحشميش كتقوليها بوجهك حمر كتقرا معاك برهوشة د 16 لعام محشمتيش 
افانين : ونتوما ديمة حاكريني

البارت الخامس

مجد : تاني حنا لي حاكرينك
افانين: اه واصلا الا شفتي تعطيها 18 لعام تباركلم غزالة
رجاء : بصح
افانين: اه والله فورمتها تبان كبيرا مي الوجه مشاء الله تبان صغيرة وكتحمق
رجاء: غتكون كتشبه لمها حتى حسنا غزالة ياك اماما
امان: اه
افانين : والله معرفت ستناو ستناو نوصفها لكم دب هي مطولاش بزاف قصر مني بشويييا وفرمتها غزالة نقولو x عندها طرما مجبدا اللور وحتى الصدر كبير وبشرتها بيضة عنيها قهويين وكبار شعرها فاللون الكستنائي ورطب بحبل لحرير ها بحال ديالي واصل ليها  لنص فضهرها وفمها كبير ومنفوخ شوي
مجد تخايلها ملي شافها وخا كانت بعيدة انما بالتفاصيل لي قالت ليهم افاني فصلها فدماغو  شاف فافانين وقال: فصلتيها لينا
وخرج خلاهم مخرجين عنيهم ف افانين
رجاء: اويلي هادا مالو خرج
امان: قيمات الدري
رجاء خرجات عنيها فمها: اويلي امي اش هاد الهضرا
امان: واش حماقت هاد الدرية كالسة تخيط وتفصل لدري الدرية مخلات صدر مخلات ترما مكتحشمش
افانين كتبرقق فعنيها: ونا محسابليش  اجي اجدا زعما بصح قيم ودبا مشا يكفت
امان : ومنعرف انا
رجاء هزات كلاكيطة وشيرات على افانين : الله امصخك
امان: هههه بقاي تردي لبال لهضرتك كو كان باك
رجاء: اه عندك الحق مزيان ملي جات غي فمجد
امان : ومالو مجد ماشي راجل علاه معندوش هداك كيبان من السروال الى قيم اولي بحال ديال لحمار ها
رجاء : اويلي امي غتفسدي اخلاق البنت
افانين خرات بالضحك : ههههه ناري اجدي نتي علاااام
رجاء: وامي انا غي بغيت نقوول زعما لين بحال ختو وفصغر كانت كتبكي عليه وفين مكان مجد خاصو يحضر وشحال من مرا بدل ليها ليكوش واش نسيتي
امان: وخا هكاك دراري كبرو دب
افانين: ها واش بصح اماما
رجاء: اه وحتى لين كانت كتبكي عليه غاهوا متسكت حتى يهزها وفاش كيرجع من المدرسة كتشوفو جاي كتبقا تصفق وتضحك واول واحد قالت سميتو هوا  مجد
افانين : وعلاش مبقاوش كيجيو عندنا
رجاء : مكانوش فكازا وتقطع الإتصال بناتنا
افانين: وعلاش
رجاء: قصة طويلة
افانين: وعاوديها ليا كنسمعك

البارت السادس

رجاء : كنا انا ومعاد صحاب وفاش رجع باك منبعد مكان حساب لي مات (لي بغات تعرف بقصت رجاء وصفوان دوز تقراها من شاب خجول الى اخطر مجرم مطلوب )باك دار خدما لمعاد اوا واحد نهار تحرقات دارهم وجاو سكنو معانا تقريبا شي عام اوا فاش تصاوبات دارهم رجعو ليها ومن تما جات خدما لمعاد حسن من هادي فطنجة ومشاو لتما ومن داك الوقت مبقينا سمعنا عليهم شي خبار
افانين: اممم مزيان ههه
صفوان دخل: شنو لي مزيان
رجاء : اجي اجي نعاود ليك
صفوان كلس حدا رجاء : كنسمع
بدات رجاء كتعاود ليه وامان ناضت تلعات لبيتها ترتاح شوي وافاني بقات كتشوف فباها ومها كفاش كيشوفو فبعضياتهم بكل حب وعشق وهي تنحنح عليهم باش افهمو راسهم والو
افانين: هي احترمو السلباطير
رجاء: واش مبغاش تحشمي
افانين : مقلت تشي حجا ديالت العيب
رجاء: لا مقلتي والو ابنت لحرام
افانين: وهانتي قلتيها انا بنت لحرام
نقزات حدا باها: بابا واش كنتو درتو شي حجا نت ومي قبل متزوجو وولتوني فلحرام ها
صفوان ضحك: واش انا باك ولا خوك
افانين ضحكات ليه : بزوج لا منضنش كون انا لي كبيرا نقول يمكن مي مجد هوا لكبير منضنش انا بنت لحرام ماما لمرا جايا فاش تعايريني قولي بنت لحلال
رجاء: نوضي خرجي عليا رامطك غتركبي فيا السكار
افانين: وخا هاني مشيت نحفض كنتجوطم عليكم
رمات ليهم بوس فلهوا وخرجات كتغني مجايب لدنيا خبار
صفوان: واش والدا ليا الحماق كل واحد حمق من لاخر
رجاء: ومالي غير انا لي ولداهم مدوزاهم بلبلوتوت
صفوان شدها من خصرها وجرها عندو : شنو بان ليك نزيدو شي فنكيش (هحاي سيد شرف ومبغا يدير عقلو ههه)
رجاء: لا لا برك عليا غي هادو حمقوني
صفوان: ياك الالة
رجاء: اه ههههه
بقاو كيهضرو وضحكو ومرا مرا يتغزلو على بعضياتهم

            ⚡ نمشيو لبلاصة خرا

بالضبط فدار معاد دخلات لدار سلمات على مها وجداتها وطلعات لبيتها بدلات عليها حفضات لي خاصو يتحفض ودارت التمارين لي خاس يدارو عاد نزلات عندهم لابسة بيجامة تاع دار لقاتهم مجموعين وكلسات حدا اردام
حسناء:شربي لحليب ديالك
لين : وخا    ( مكيعجبهاش اتآي )
سردار : مي دوزتي نهارك لول فالباك
لين: زوين وتعرفت على واحد البنت ولات صاحبتي
سردار : ومموالفاش ليك ديري صحبات  شنو الفرق دبا
لين: وتا هادي فشكااال
اردام عنقها لعندو: تي كداير هاظ شكل
لين: متلت
كلشي بدا كيضحك
لين : سميتها افانين الادريسي
سردار واردام بجوج: افانين افانين ههه هههه
لين : وي علاش
معاد : واش افانين الادريسي بنت ختي رجاء وصفوان
لين تقدات فالكلسة: ها ختك
معاد: الدنيا شحال صغيرة كاع هاد المدا لي دازت والقدر رجع لقانا عازد تاني ههه
حسناء: عندك الحق الدنيا صغيرا

لبنات لحت ليكم ٦ دالبارتات وفرحوني تنا ب ٦٠ تعليق باش نزيدكم راه تقريبا كاع لي كتباه لحتو ليكم عطيوني شوي ديال الاجابية باش نكتب كتر اكبترات كنتجوطم عليكم خلاتها افانين ههههه والله اتا علاه هاد افاني غيهرب ليكم معاها 🤣🤣😍