داز العرس على مايرام كولشي فرحان كولشي ناشط
حلات عنيها ودورات وجها مبانش ليها اصلا كاع مبات فالبيت ناضت بالخف دخلات لدوش غسلات وجها ولبسات عوايجها هزات ساكها خاشيا فيه لبسة وحدا حيت سغير ومعندهاش صاك فاش تهز خرجات من باب دالكوزينة لباب الجردو الصغير لي مورا الفلا مكيكنوش تما ليكارد وخرجات تمشات شوي وهي تبان ليه طمبيلتو مات ركبات حداه
ادريس بتاسم بشر : احسن مدرتي
لين: فين غتديني
ادريس غنعسي غنمشيو لبلاصة بعيدا
لين مجوبتوش حاسة بلي هدشي لي كدير ماشي هوا هداك ولكن ميمكنش تبقا عايشة مع واحد فحال هداك مكيهمو غير جسدها (هدشي لي كيصحاب ليها هي ) تنهدات بعمق
غادي كيتفاوه يلاه جا يدق فباب بيتها لوهي تفتح الباب كتكسل
مروا : اااااااااع
افانين تخلعات: تا مالك
مروا: ناعسة بالمكياج شو كي دايرا كتخوفي اوجع سراق الزيت المطلق
افانين : لهلا يحوجك
مروا دفعاتها: فين هي ديك البقرا الهجالة
افانين :شكون
مروا : ابرار
لبنات عفاكم التعاليق داخل الرد باش متخربقوش البارتات وشكرا ليكم 🥰🥰🥰
مروا: ابرار
ابرار : امممم
مروا: شوف ليك العوجة مزال ناعسة
ابرار: قيلني عليك
مروا: اكي هاني غادي
خرج مروا وافانين رجعات تنعس
:
يلاه جاي من الشريكة العرس مسلا تل الخمسة ديال الصباح دخل ديركت للمكتب مكان فيه لي يشوفها ويتناقش معاها عارفها غير غتعصبو بهضرتها دخل بان ليه الحس مقطوع فالدار عرف بلي مزال كولشي ناعس طلع الفوق فتح باب بيتو دخل شاف جيهت الناموسية مبانتش لييه تصنط عند الدوش مسمعش حسها فتح الباب دخل ملقهاش خرج غادي جيهت البالكون كينادي بإسمها
مجد: ليين
ملقهاش حتى فالبالكون قوس حجبانو ودخل بدل عليه ولبس كيطمة ونزل التحت لقا مو وباه يلاه كالسين والخدمات كيوجدو لفطور على الطابلة
مجد: صباح الخير
صفوان ورجاء: صباح النور
مجد:.مبانتش ليكم لين
رجاء: لا اولدي تقدر تكون مع لبنات فلبيت
الخدامة : سيدي مدام لين خرجات فصباح بكري
مجد غوبش: فين مشات
الخدامة: معرفتش اسيدي انا كنت كنرجع شي حوايج كانو جابدينهم البارح فالبيت لخزد وملي خرج بانت ليا خارجا
مجد زير على يدو:: وهي اش داها لتما
الخدامة: خرجات من باب الجردة لي اللور اسيدي وكان مزال الحال كانت يلاه الستة
مجد تعصب وضرب يدو مع الطابلة حتى قفزو
صفوان: تهدن مغتكون غير مشات عند ولديها
مجد طلع فيه عنيه مخنزر: كاينين شي ولدسن مع الستة دالصباح
رجاء: انا غنصوني لهم ونسول عليهم
هزات تلفونها ودوزات نمرا ديال حسناء بقا كيصوني شوي عاد جاوبات
حسناء: الوو ختي رجاء لباس عليك
رجاء: الحمد لله ونتي لباس الدراري معاد الحاجة
حسناء: بخير اختي ونتوما بخير ياكما بنتي وقعات ليها شي حاجة
رجاء شافت فمجد لي خرج برا معصب : ها لا لا بخير غير قلت نسول هلى تلحاجة وصافي شوشتيني عليها الارح
حسناء: راها بخير صبحت بخير ربي يخليك
رجاء: وبلغي لها سلامي انخليك دب
قطعات عليها وتبعات صفوان ومجد لبرا
مجد كيهضر مع ليكارد: كفاش مشفتوهاش لاش دايركم انا باش تنعسو
صفوان: تهدن امجد
مجد واصلا لو لعضم : هربات ابا هربات
صفوان: واش ضربتيها تاني
مجد : الضري هوا لي غتاكلو نهار نلقاها غنقتلها وركب فطموبيلتو وكسيرا
أنت تقرأ
💣القصوة تشع من عينيه💣 الجزء 2 من شاب خجول الى اخطر مجرم مطلوب في العالم
Misterio / Suspensoواخييرا القصة لي طلبتوني عليها غنحطها ليكم الجزء ديال قصة من شاب خجول الى اخطر مجرم مطلوب تقدرو دخلو تقراو الجزء الاول من بعد الجزء التاني وتقدرو تقراو هادي دريكت غير باش متلفوش فهاد القصة كنفضل تقراو الجزء الاول اولا ولي قراه يتفضل معايا لهاد الق...
